NAKASUNGKIT si world No. 3 at Asian pole vault record holder Ernest John “EJ” Obiena ng bronze medal sa katatapos lang na 2022 Diamond Wanda League Athletissima leg Biyernes sa Lausanne, Switzerland.
Ngunit higit sa third place finish sa torneo, dagdag karangalan sa Tokyo Olympian ang pagtuturo ng sport sa mga kabataan.
Sa socmed ibinida ni Obiena ang masayang karanasan sa Lausanne:
“Yesterday, I had the honor of teaching kids how to pole vault thru @ubskidscup and the day after, a fun competition along the port of Lausanne. Came out with 3rd and a 5.80m clearance. Now we rest and head to the next one.”
Gaya nang inaasahan, dinomina ni world No.1 at indoor at outdoor record holder Armand “Mondo” Duplantis ng Sweden ang Athletissima. Bukod sa gold medal, nagtala rin siya ng bagong meet record na 6.10m.
Nakuha ni Chris Nilsen ng USA ang silver matapos malampasan ang 5.80m tulad ni Obiena. (Ann Encarnacion)
153
