Misyon Aksyon, mga residente po kami ng Tower Ville sa Barangay Gaya- Gaya San Jose Delmonte, Bulacan City.

Napakaligalig po ng aming lugar kasi laging may riot. Talamak ang droga at minsan po ay nagtatanghalian ‘yung kapitbahay namin ay hinoldap. Kapag humingi ka naman ng responde bago makarating ang mga tanod at pulis wala na ang mga suspek dahil nakapagtago na.

Natuwa po kami nang makita naming may ginagawang Police Station sa Phase 6 -B Tower Ville ngunit hindi naman itinuloy. Iniisip naming mga residente na ito na ang kasagutan ng aming  problema sa Peace and Order.

‘Yun pong kapitan at mga kagawad na nakatalaga na magbantay sa seguridad, laging natutulog sa pansitan.

Ang aming panawagan sa City Mayor Arthur B. Robes at hepe ng kapulisan, masugpo ang talamak na droga at karahasan.

Napakasarap pong mabuhay sa isang tahimik na lugar na hindi nag-aalala sa mga anak mo at mahal sa buhay na makakauwing buhay at ligtas.

Sana ituloy na ang ginagawang presinto upang makatulong sa aming lugar.

Gumagalang, Mr.  Dela Cruz

Panawagan kay Barangay Kapitan Gerry Cardona …totoo po ba ang sumbong sa Misyon Aksyon na natutulog po kayo sa pansitan? Kay Mayor Arthur B.  Robes alam ko po na isa sa inyong programa ay ang labanan at sugpuin ang ilegal na droga bayan ng SJDM Bulacan at matahimik na pamayanan.

Sana po Mayor tapusin ang presinto na inyong pinapagawa at makapaglagay kayo ng pulis.

At kay Chief of Police Lt Col. Orlando Castil, Jr. paki walis nga po ang mga adik at kriminal diyan sa Tower Ville sana ay matapos na kalbaryo nila.

Kay Gen. Pedro Ramos ng CSU, sir, Aksyon na po!

Bukas po ang aking kolum para sa inyong panig at kapaliwagan. Note: Problema sa SSS, GSIS, pag-ibig homeowners at iba pa. cellphone no. Smart 09420874863 / 09755770656 Email Address: Misyonaksyon@yahoo.com / arnel_petil@yahoo.com/ arnelpetil12@gmail.com. http://misyonaksyon.blogspot.com (Misyon Aksyon / Arnel Petil)