SUMUGOD sa isang kilalang ospital ang mga operatiba ng Maragondon Municipal Police Station (MMPS) upang isilbi ang pitong warrant of arrest sa isang lalaking top 2 most wanted person, regional level, sa Diliman, Quezon City noong Martes ng umaga.

Bitbit ang pitong warrant of arrests na inisyu nina Presiding Judge Ralph S. Arellano, ng RTC, Fourth Judicial Region, Branch 132, Naic, Cavite; Presiding Judge Ruben E. Sevillano Jr., ng RTC, Fourth Judicial Region, Branch 15, Naic, Cavite; at Presiding Judge Flordeliz Cabanlit Fargas, Family Court, Fourth Judicial Region, Branch 5, Trece Martires City, Cavite, sumugod ang mga operatiba ng Maragondon MPS sa Philippine Heart Center, sa East Ave., Brgy. Diliman, Quezon City bandang alas-11:40 noong Martes ng umaga at isinilbi kay alyas “Nestor”.

Kabilang sa warrant of arrests ng suspek ang dalawang kaso ng sexual assaults, at limang kaso acts of lasciviousness.

(SIGFRED ADSUARA)