HINIKAYAT ni Senador Win Gatchalian ang gobyerno na palawigin ang pagpapairal ng price freeze sa Liquified Petroleum Gas (LPG) sa gitna ng inaasahang tatagal ang enhanced community quarantine hanggang Abril.

Ang umiiral na price freeze sa LPG at kerosene ay tatagal lamang hanggang Marso 31.

Sinabi ni Gatchalian na hindi sapat ang 15-day price freeze sa LPG dahil ang presyo ng produkto ay nadedetermina kada buwan.

Sa gitna na rin ng umiiral na health crisis situation, iginiit ni Gatchalian sa DOE na irekomenda kay Pangulong Rodrigo Duterte na palawigin ang price freeze hanggang ipinatutupad ang enhanced community quarantine.

“The DOE should extend the prevailing price freeze until the situation has normalized to ensure that all Filipinos are protected from any price manipulation during the entire enhanced community quarantine period,” saad ni Gatchalian.

Hinimok din ng senador ang DOE na maging vigilante laban sa mga mapagsamantalang negosyante.

Dapat anyang makipag-ugnayan ang DOE sa mga lolal na pamahalaan upang matiyak na tuloy-tuloy ang pagdedeliber ng energy services. DANG SAMSON-GARCIA