SWAK: Hindi na raw mai-extend ang deadline ng submission ng finished films na isasali sa Summer Metro Manila Film Festival.
February 15 ang deadline, and as of presstime, 24 ang nagpadala ng letter of intent at inaasahang nahabol nila ang submission ng pelikula.
Walo lang ang mapipili na ia-announce sa March 2 kasabay nang pagbibigay ng cash prizes sa mga nanalo sa ‘Gabi ng Parangal’ ng MMFF noong nakaraang December.
Sabi ng mga taga-MMDA at MMFF Executive Committee, hindi raw sila umaasang kasinlakas ito ng MMFF ng December.
Hindi pa raw nila alam kung ano talaga ang crowd ng pang-Summer kaya tingnan pa muna nila ito sa kauna-unahang Summer MMFF.
VALENTINE EPISODE NG EAT BULAGA PUNUNG-PUNO NG KILIG
SEE: Punung-puno ng kilig ang Valentine episode ng Eat Bulaga noong February 14 dahil dalawang pares na magkasintahan ang nag-propose sa segment nilang Bawal Judgmental.
Ang mag-asawang VJ Yambao at Camille Prats ang naglaro sa segment na ito.
Ang unang tanong sa kanila ay sino ang apat na pares na ikakasal ngayong taong ito.
Dalawa lang ang itinama ng mag-asawa, at ang dalawang mali ay hindi pa pala kasal.
Itong dalawang pares na magkasintahan ang nagkaroon ng proposal na ikinatuwa ng mga manonood.
Sina Don at Mina, at sina Jay at Janice na hindi napigilang maluha ni Camille nang mag-propose na si Don kay Mina at ang sumunod si Jay kay Janice.
Madalas nang natatalo ng Eat Bulaga sa rating ang katapat na noontime show na agree naman ang karamihan na malaki ang nagawa ng segment na Bawal Judgmental.
Noong nakaraang linggo, mula February 3 hanggang 9, pasok ang Eat Bulaga sa top 30 toprated programs. Hindi napasama roon ang It’s Showtime.
‘FIRST YAYA’ NI MARIAN SISIMULAN NA.
SWAK: Magkakaroon na ng story conference at look test ang bagong drama series ng GMA 7 na ‘First Yaya’.
Dito na babalik si Marian Rivera sa paggawa ng drama series, pagkatapos niyang isilang si Baby Ziggy.
Pero sabi ni Dingdong Dantes, hangga’t hindi pa siya natatapos sa taping ng ‘Descendants of the Sun’, hindi pa makapagsimula ng taping si Marian.
Kasunduan naman nilang mag-asawa na dapat merong isa sa kanila ang maiiwan sa mga anak nilang sina Zia at Ziggy. Hindi sila puwedeng magsabay ng trabaho.
LINE PRODUCER NANGULIMBAT SA BAGUHANG PRODUCER
SEE: Isa sa mga araw na ito ay malamang na mabubunyag na ang mga kaaliwaswasan nitong line producer na malaking halaga ang nakulimbat sa isang pelikulang prinodyus ng baguhang producer.
Isa sa producers ang sikat na dramatic actress na ngayon pa lang niya pinasok ang pagpu-produce.
Ang narinig naming kuwento, halos P30-M ang kailangang ipaliwanag ni line producer kung saan ito napunta.
Mabait lang talaga si dramatic actress at itinuturing na kaibigan itong si line producer. Kaya ewan ko lang kung magsasalita siya tungkol dito.
151
