(NI ASTER AMOYO)

DAPAT sana’y kasama si Nadine Lustre sa Metro Manila Film Festival movie na “Miracle in Cell No. 7,” local adaptation ng hit Korean movie of same title in 2013.  Ito’y pinagbibidahan ni Aga Muhlach at ni Xia Vigor na gaganap bilang mag-ama.  Paglaki ni Xia ay gagampanan naman ni Bela. Pero bago pa man nagsimula ang filming ng nasabing pelikula ay umatras na sa proyekto si Nadine kaya pinalitan siya kay Bela who readily accepted the role intended for Nadine.

Bago nag-back out si Nadine ay una nang umatras ang kanyang boyfriend na si James Reid sa pagbibidahan sana nitong pelikula, ang remake ng Pedro Penduko.  Pero bago rin nasimulan ang nasabing movie ay nag-back out na si James at kasunod na rito ang kanyang pagkalas sa pamamahala ng Viva to put up his own outfit, ang Reid Entertainment bukod pa sa kanyang sariling record label, ang Careless Music Manila.

May kontrata pa si Nadine sa Viva Artists Agency (VAA) kaya naiwan pa ito sa kumpanya na siyang nag-build up sa kanila ni James.  Pero ang suspetsa ng marami na aalis din si Nadine sa pangangalaga ng Viva sakaling matapos ang kanyang management contract to join her live-in partner na si James.

Sina James at Nadine ay huling nagsama at napanood sa hit movie na “Never Not Love You” na dinirek ni Antoinette Jadaone under Viva Films at siyang nakapaghatid kay Nadine ng ilang Best Actress trophies mula sa iba’t ibang award-giving bodies.

Nalulungkot naman ang mga fans ng JaDine dahil baka matagalan ang muling pagtatambal ng dalawa dahil wala sa immediate plans ng Viva ang muli silang pagtambalin sa TV, pelikula at maging sa live concert.

Ang Viva Live din  ang nag-produce ng kanilang magkahiwalay na sold-out concerts sa Big Dome (Araneta Coliseum).

Ang loveteam nina James at Nadine ay nabuo nang sila’y pagtambalin ng Viva sa una nilang pelikula na tumabo sa takilya, ang “Diary ng Panget” na agad sinundan ng “Talk Back and You’re Dead” na isa ring hit movie and the rest ay history nang maituturing.

Matagal na ring napapabalita na nagli-live in na rin ang magkasintahan.

JUANCHO AT JOYCE HANDS ON SA WEDDING PREPARATION

Pinaghahandaan na ng dalawang Kapuso talents na sina Juancho Trivino at Joyce Pring ang kanilang nalalapit na pagpapakasal matapos aminin ng dalawa nito lang nakaraang buwan na nung August 3, 2019 pa sila engaged na nangyari sa Boracay na itinaon sa kaarawan ng ina ni Joyce.

Nung nakaraang September ay nagtungo si Joyce ng New York kung saan siya nagsukat ng kanyang wedding gown.

Hands-on ang engaged couple sa preparasyon ng kanilang nalalapit na pag-iisang-dibdib at kasama na rito ang pakikipag-usap sa iba’t ibang suppliers.

Sina Juancho at Joyce ay parehong 26 years old.  Nagkalapit ang dalawa sa set ng morning show ng GMA, ang “Unang Hirit” kung saan sila segment hosts.  Masayang-masaya naman ang mga main hosts ng programa na pinangungunahan ni Arnold Clavio para sa dalawa.

SEXY HIPON GOING PLACES

Going places na rin si Herlene Budol na mas kilala ngayon as Sexy Hipon na isa sa mga discoveries ng programang “Wowowin” ni Willie Revillame.

Si Herlene ay isa na ngayon sa mga co-hosts ng game show host at producer na si Willie.  Dahil sa “Wowowin” ay nakilala ni Herlene ang kanyang Prince Charming na si Patrick, isang guwapong Filipino-American US Navy na bumalik pa sa programa para bigyan ng bulaklak at pasalubong si Sexy Hipon.  Last November 30 ay binigyan si Herlene ng kanyang acting debut sa pamamagitan ng isang special episode ng “Magpakailanman”.  Inaasahan din na masusundan pa ng marami ang kanyang unang appearance sa drama anthology hosted by Mel Tiangco.

Masaya rin si Willie sa gumagandang takbo ng karera ngayon ni Herlene or ni Sexy Hipon.