Sa kauna-unahang pagkakataon ay nagsimula na ng negosyo si Melai Cantiveros. Bilang brand ambassador ay mayroon na ring tatlong sangay ng Adobo Connection. Ngayon ay nangangarap si Melai na madagdagan pa ang branch ng kanyang bagong binuksang negosyo. “Siyempre mas maganda mas madami pa rin di ba? Hindi naman sa mukha tayong pera pero alam n’yo ‘yon, para mabuhay mo ‘yung pamilya mo. Ang pag-aartista naman hindi naman kasi siya forever. Kumbaga kailangang may fallback ka talaga, mayroon ka talagang babalikan ba kapag wala na ang pag-aartista. Open kasi ako na, pagkatapos na ng chance mo, tapos na ‘yung kasikatan mo, iba naman. So dapat bilang momshie, mayroon kang fallback,” paliwanag ni Melai.

Napili umano ng aktres ang pagkakaroon ng pagkaing negosyo dahil alam niyang papatok ito sa panlasa ng mga Pinoy. “Kasi kapag nagnenegosyo ka talaga, doon ka dapat sa patok. Saka alam naman natin na kapag food ang papasukin mong negosyo, very mabilis ang kita ng pera. Iba din kasi ang relasyon na binibigay ng Adobo Connection family sa mga franchisee. Alam mo ‘yung panatag ka, hindi ka magwo-worry sa pinasok mo, tutulungan ka talaga nila,” pagbabahagi ng komedyana.

Napapanood tuwing umaga si Melai bilang isa sa mga Momshie host ng Magandang Buhay sa ABS-CBN.

With reports from J.C.C. (BOY ABUNDA X-CLUSIVES)