“Para akong bakla pag na-in love. Ibibigay ang lahat-lahat. Pero pag umayaw ako, you will never like me…”

Hugot iyan ng 50-anyos na singer-comedienne na si Marissa Sanchez, nang makatsikahan namin sa Messenger kaugnay sa Valentine concert nila ni Eric Nicolas na My Fatty Valentine, na nakatakda sa Pebrero 14 nang 9:00 PM sa Km. 19, East Service Road, Sucat, Muntinlupa City.

Expect Marissa to bare her soul in this show! And more!

Aba! Hataw siya sa rehearsal ng dance number para sulit ang tiket na P1,000 sa concert.

“This should be a surprise but I’ll give you a clue: halos lahat, alam nang sayawin ang dance na pinaghahandaan namin,” sabi ni Marissa.

“But what’s going to set our performance apart is the personal touch we’ll add to the original choreography.

“Unfortunately, my movements will be quite limited due to slip disc (as advised by my Doctor Therapist, Dr. Leomil Adriano), but I can assure you this won’t stop me from making you laugh and providing entertainment.

“Kuya Eric is one of the most brilliant comedians I’ve known sa industriya. Before I met him, akala ko, ang galing ko na. Yun pala, ang dami ko pang kakaining bigas.

“It’s truly an honour for me to be working with this ultra talented guy.

“What will set this show apart from what I’ve done in the past is this time around, I have a a partner who perfectly complements my style. Hindi lang ako iyung magpapatawa, gigiling, and kakanta.

“Our musical director is still Elmer Blancaflor, and our director is none other than his beautiful wife, Vivian Poblete-Blancaflor. Back up vocals is headed by the renowned ‘halimaw’ Kearny Amarillo.”

Sa pagsapit ng Year of the Metal Rat, ano ang naba-vibes niya sa buhay at career, lalo pa’t Golden Girl na siya?

“First of all, Kung Hei Fat Choi to everyone celebrating it!” pagbati ni Marissa.

“As to how I think 2020 will be like, I just pray that God provides what He wills for me. I fully entrust my life to Him, and I offer my life’s (hard) work and all the effort I put in my craft.”

Si Marissa mismo ang producer ng My Fatty Valentine. Ito ang 2nd concert na prinodyus niya.

Nangarag si Marissa sa mga toxic na ganap sa paghahanda para sa concert.

Aniya, “I’ve faced a lot of obstacles throughout our preparation for My Fatty Valentine. In fact, there are times when I’ve cried about them (thanks to Sir Wowee Posadas of 19East who has been supporting me). “Coincidentally, the Taal Volcano incident happened, making me realize that whatever we had encountered for the concert is so small compared to what the victims are going through.

“Hiyang-hiya ako sa sarili ko. Given the magnitude of help required sa mga pangyayari, I chose to help by lending a hand and donating resources to friends and acquaintances living near the disaster area.

“This calamity, also the other ones happening around the world, is sending us a message. We should be better stewards and make our lives count for God’s glory.

“Ako mismo ang nag-produce nito as I said to myself, this time, tulungan ko naman ang sarili ko. Kasi, I always live for other people. But turns out, mas happy pa rin pala ako helping others than myself.”

Sa mga gustong bumili ng tiket, makipag-alam kay Miss V sa cell number 0997-700-9573.

JADINE MALABONG MAGKABALIKAN

Kung Hei Fat Choy! Kiong Hee Huat Tsai! Congratulations and wishing you prosperity! Year of the White Metal Rat na, at ayon sa spirit questor na si Atty. Nick Nañgit, sasabog pa rin ang Bulkang Taal.

“Masasabi nating parang traydor ito, dahil dala ng katahimikan ang labis na panganib. Sa gitna ng kadiliman, ang apoy at tubig ay biglang bubulwak,” ani Atty. Nick.

Aniya, malabong magkabalikan sina James Reid at Nadine Lustre. Goodbye, JaDine!

“Mataas ang hangarin ng parehong Rooster at hindi sila papayag na basta-basta lang. Malalim ang hinanakit nila sa isa’t isa, bagama’t nandiyan pa rin ang respeto.

“Pag nag-give up na ang isang Taurus, hindi na ito babalik pa. Pag nasaktan naman ang Scorpio, ayaw na nitong maalala pa.”

Ayon sa National TV Ratings ng Kantar Media, wagi sa timeslot nito ang teleseryeng A Soldier’s Heart sa unang apat na gabi.

“Sa simula lang ito aarangkada, subali’t mahihinto agad, dahil magsasawa ang tao sa tema. Kasabay rin nito ang problema kung saan ito mapapanood.

MATAMLAY NGAYON PERO AANGAT SA SUSUNOD NA TAON

“Matamlay sa ngayon ang dating ni Gerald Anderson sa manonood, pero aangat siyang muli sa susunod pang taon.”

Magiging blockbuster hit ba ang zombie movie nina Julia Barretto at Joshua Garcia na BlockZ?

“Matumal ang pagtanggap dito. Mas mainam na magkahiwalay na proyekto ang ibigay kina Joshua at Julia.

MAS SISIKAT SI JOSHUA

“Mas sisikat si Joshua kaysa kay Julia, dahil sa taglay nitong galing. Bukod sa kakulangan ng tiwala sa sarili ang dalaga, sasalungat din sa kanya ang sansinukob, maliban na lamang kung mas mapangahas ang mga gagawin niya.”

E, ang teleseryeng Tanging Mahal nina Kathryn Bernardo at Daniel Padilla?

“Matamlay ang dating ng Tanging Mahal, subali’t maraming mag-aabang kay Kathryn. Sakto lang ang career ni Daniel na dadalhing pataas ng taon.”

Agree ka ba, Tito KC? Spin-a-win!

PRE-LOVED ITEMS NG AVANZADO FAM FOR SALE PARA SA TAAL

Kaugnay sa kaarawan ni Jessa Zaragosa, magbebenta siya ng pre-loved (second hand) items nila ng asawang si Dingdong Avanzado at anak na si Jayda Avanzado.

Gaganapin ito sa Enero 31, Biyernes, 4:00-7:00 PM sa Cornerstone Studio, Unit 205 Corporate, 145 Bldg. Mother Ignacia St., Quezon City. Malapit ito sa ABS-CBN.

Ang malilikom na pondo ay para sa mga nasalanta ng pag-aalburuto ng bulkang Taal.

MALIGAYANG KAARAWAN, GORGY

Maligayang kaarawan kay Gorgy Rula! Syempre, ginugunita rin natin today ang birth anniversary ng namayapang Tito Alfie Lorenzo. Bukas naman ang second death anniversary ni Direk Maryo J. de los Reyes.