BIGO si Southeast Asian Games hurdles king Eric Cray na mag-qualify sa 2022 World Athletics Championships.
Nabatid na hindi niya naabot ang sapat na puntos upang makapasok sa 400m hurdles event sa nasabing torneo.
Tanging Top 40 sa athletics ang uusad sa WAC sa Oregon, USA mula Hulyo 15 hanggang 24.
Si Cray ay nasa ika-43 puwesto lang na may 1175 puntos, kulang ng walo para sa No. 40 spot na nakuha ni Jesus Delgado ng Spain (1183 pts).
Kinatawan ni Cray ang Pilipinas sa WAC mula 2013, 2015, at 2017.
Samantala, itutuon na lang ng six-time SEA Games 400m hurdles gold medalist ang atensyon sa pag-qualify sa 2024 Paris Olympics.
Sa ngayon, ang pole vaulter na si EJ Obiena ang nag-iisang pambato ng bansa sa WAC. (ANN ENCARNACION)
![](https://saksingayon.com/wp-content/plugins/dp-post-views/images/eyes.png)