BAWAS-PRESYO

oil price hike12
0

(NI ROSE PULGAR)

NAGPATUPAD ng bawas-presyo sa mga produktong petrolyo ang mga kompanya ng langis sa bansa bukas ng umaga, (Disyembre 10).

Epektibo bukas ng alas-6:00 ng umaga na magpapatupad ang Phoenix Petroleum Philippines ng P0.10 sentimong kada litro ang kaltas sa presyo ng diesel at P0.30 naman kada litro ng gasolina.

Habang ang Petro Gazz, PTT Philippines at Seaoil ay magpapatupad naman ng P0.10 kada litro sa diesel at P0.40  sentimos sa gasoline.

Nagbawas din ang Pilipinas Shell at Petron Corporation ng P0.40 sentimos kada litro sa presyo ng gasoline at kerosene.

Samantala, epektibo mamayang alas-12:01 ng hatinggabi ipatutupad ng Chevron Philippines Inc. O (Caltex) ang tig P0.40 kada litro ng kanilang WPP of Platinum and silver at kerosene.

Inaasahan naman na susunod na magpalabas ng abiso ng rollback sa presyo ng mga produktong petrolyo ang ilan pang malalaki at maliliit na kompanya ng langis sa bansa sa kahalintulad na halaga.

Ang ipinatupad na bawas presyo ay bunsod sa patuloy na paggalaw ng presyuhan nito sa pandaigdigang pamilihan.

 

Read More

KONSYUMERS BULAG SA PRESYUHAN NG LANGIS

0

(Ni BERNARD TAGUINOD)

BULAG ang taumbayan sa presyuhan ng langis sa bansa dahil itinatago umano ito ng mga oil companies kasabwat mismo ang gobyerno sa pamamagitan ng Department of Energy (DOE).

Ito ang  pahayag ni Bayan Muna party-list Rep. Carlos Zarate matapos makatanggap ng impormasyon na tila nagpapadala ang DOE sa pressure umano ng mga oil companies na huwag ilabas ang hinihingi nilang memorandum na nag-aatas na ilabas sa publiko kung ano ang basehan ng kanilang presyuhan sa kanilang produkto.

“Napakahalaga ng memong ito at mga datos na maiibigay nito sa mga consumer lalo pa at nagsimula na namang sumirit ang presyo ng langis,” ayon sa mambabatas lalo na’t marami ang nagdududa na overprice ang presyo ng langis sa Pilipinas.

Nabatid na isang taon nang hinihingi ng militanteng mambabatas sa DOE ang nasabing memo at nangako naman umano ang ahensya na susunod sila subalit hanggang ngayon ay hindi pa inilalabas.

Layon ng memo na malaman ng consumers ang datos sa presyuhan ng langis mula sa pag-i-import ng mga kumpanya ng langis, gastos sa freight, land transportation, additives at lahat ng proseso na nagdadagdag ng presyo ng mga produkto.

Mahalaga aniya ang nasabing datos lalo na’t sunod-sunod na naman ang malalaking oil price increase sa bansa na sinasabayan pa ng gobyerno dahil sa ipinatupad na second tranche ng Tax Reform Acceleration and Inclusion (TRAIN) Law kung saan P2 ang ipinatong sa bawat litro ng mga diesel at gasolina habang P1 naman sa bawat kilo ng liquified petroleum gas (LPG).

“We are demanding that the DOE do its job to protect the interest of consumers. It should immediately its oil price unbundling memo and we will see if indeed the oil companies have long been fooling the Filipino people” ayon pa sa mambabatas.

Read More

WPS KASING YAMAN NG UAE SA LANGIS

0

(Ni BERNARD TAGUINOD)

Kasingyaman ng United Arab Emirates (UAE) ang West Philippine Sea (WPS) kung langis din lamang ang pag-uusapan.

Ito ang inihayag ni Supreme Court (SC) acting Chief Justice Antonio Carpio sa forum sa Mababang Kapulungan ng Kongreso hinggil sa patuloy nitong pagtatanggol sa WPS bilang pag-aari ng Pilipinas.

“South China Sea as rich as UAE in oil deposits,” ani Carpio.

Ang UAE ay isa sa mga bansang kinikilalang nangunguna sa oil production sa daigdig.

Ang WPS ay pinaniniwalaang napakayaman sa langis, kaya ito ay inaangkin ng mga bansang nagsasabing higit silang malapit dito kaysa Pilipinas, lalo na ang People’s Republic of China.

Bukod sa langis, nagpoproduced din ng $28.8 bilyong halaga ng lamang dagat ang WPS na posibleng mawala sa Pilipinas kapag tuluyang makontrol ito ng China.

“South China Sea accounts for $28.8B of world’s fish produce. We have rich fisheries in the South China Sea because there are reefs in the Spratlys,” ayon kay Carpio.

Isiniwalat din ni Carpio na hindi tumitigil ang China sa pagpapawak ng kanyang teritoryo sa South China Sea na posibleng angkinin maging ang Benham Rise ng Philippine Rice kung hindi ito mapigilan.

Huling naglagay umano ng dash line ang China sa Silangang bahagi ng Taiwan bukod sa una nilang 9 dash line kung saan “the number of dash line is still growing. Maybe next time there might be one near Benham Rise,” patuloy ng mahistrado.

Idiniin pa niya na wala karapatan ang China na angkinin ang buong PWS o South China Sea dahil batay sa mga dokumento ay walang ebidensya na pag-aari nila ang buong karagatan.

“China’s historical narrative is totally false. You [China] don’t own the South China Sea. You are not a close neighbor of the Philippines. Oldest maps of China show Hainan as its southernmost territory. Philippine has oldest maps showing that the Spratlys is part of its territory,” ani Carpio.

Sa katunayan, sa ilalim ng 1900 Treaty of Washington, isinuko ng Espanya sa Amerika ang lahat ng teritoryo ng Pilipinas, kabilang na ang Scarborough Shoal at Spratly Islands, tugon ni Carpio.

Ang China ay noong 1927 at 1938 ng mapa na nagpapakita na pag-aari nila ang nabanggit na mga teritoryo.

Read More

PAGBASURA NG BUWIS SA LANGIS ‘DI IAATRAS

0

(Ni BERNARD TAGUINOD)

Walang plano ang oposisyon sa Kamara na iatras ang panukalang batas na suspendehin ang excise tax sa mga produktong petrolyo dahil ito umano ang dahilan ng pagsargo ng inflation rates sa bansa na naging dahilan kaya umaabot sa 2.3 milyong Filipino ay nalaglag sa below-poverty line.

Ginawa ni Marikina Rep. Miro Quimbo ang pahayag sa kabila ng sunod-sunod na oil price rollback dahil sa pagbaba ng presyo ng krudo sa pandaigdigang pamilihan, kung saan isa pang bawas-presyo ang inaasahang ipapatupad ng mga oil companies sa Martes.

“Kailangan pa rin natin ho siyang itulak dahil nakita po natin… yong ating nai-file, yong House Bill 8171, ang gusto lang nating bawiin dyan ay excise tax talaga sa fuel na matagal na talaga nating sinasabi na ang talagang tatamaan dito ay ang mga mahihirap na nagkakatotoo nga,” ani Quimbo.

Magugunita na tumaas ang excise tax sa mga produktong petrolyo simula nang ipatupad ang Tax Reform Acceleration and Inclusion (TRAIN) Law noong Energo 2018 na siyang itinuturong dahilan ng pagtaas ng inflation rate sa 6.7% noong Setyembre at Oktubre.

Dahil sa buwis sa mga produktong petrolyo lalo na ang diesel na dating libre sa buwis ay tumaas umano ang presyo, hindi lamang ng pagkain kundi ang mga serbisyo publiko tulad ng pasasahe.

Sinuspendi na rin ni Pangulong Rodrigo Duterte ang second tranche ng TRAIN Law sa Enero subalit hindi pa rin ito dahilan para iatras ng oposisyon ang kanilang panukalang batas.

“Ang sinasabi natin, while we welcome that (suspensyon ng train law sa langis), that is not enough. Kasi ang kailangan nating gawin is entirely tanggalin natin ang excise tax sa diesel at kerosone at ibalik natin don sa bago ipinasa ang train. Meaning walang excise tax and diesel at kerosene,” ani Quimbo.

Ito umano kasi ang dahilan kung bakit nadagdagan ng 2.3 million Filipino sa below-poverty line dahil sa pagtaas ng presyo ng mga bilihin mula nang ipatupad ang TRAIN Law.

“’Pag nagtaas ka ng bilihin ng 10 porsiyento lang sa iisang taon, matik na yong nandon sa borderline, 2.3 million sa kanila malalaglag below the poverty line. So, ganyan kabigat ang impact ng inflation sa mahihirap,” ani Quimbo kaya dapat umanong mawala ang excise tax sa mga produktong petrolyo.

Read More

MALAKING BAWAS SA PRESYO NG LANGIS NGAYONG LINGGO

0

Nakatakdang bumaba nang malaki ang presyo ng petrolyo ngayong linggong ito, ayon na rin sa  pahayag ng mga kumpanya ng langis.

Mababawasan ang presyo ng diesel ng P1.10 bawat litro,  P1.25-P1.30 bawat litro naman sa gasolina at 80 sentimos bawat litro sa kerosene.

Kabilang sa mga kumpanyag nagpahayag ng tapyas presyo ay ang  Clean Fuel, Petro Gazz, Phoenix Petroleum, Pilipinas Shell, Seaoil, at Unioil.

Read More