MAHALAGA ang pagkakaroon ng Virology Institute of the Philippines (VIP) sa bansa.

Kaya isinusulong ito ng pamahalaan.

Mas lumakas din ang panukalang ito dahil maraming pabor dito.

Katunayan, nagpahayag din ng buong suporta ang Pitmaster Foundation para sa pagpapasa ng charter ng VIP.

Ginawa ni Pitmaster Foundation Executive Director Atty. Caroline Cruz ang pahayag kasunod ng panawagan ng ilang sektor para sa pagpapasa ng naturang charter.

Sinasabing ito’y isang priority project na nabanggit sa huling State of the Nation Address (SONA) ni Pangulong Rodrigo Duterte.

“We fully support the passage of the charter of the Virology Institute of the Philippines. The VIP will help address biological threats to the gamefowl industry of the country. Such threats include outbreaks of avian flu, the most recent concerning incident of which involves ducks and ­chickens having been detected with H5N1 in Central Luzon,” wika ni Cruz.

Umaasa ang Pitmaster na ang charter ay maipapasa sa panahon ng kasalukuyang administrasyon.

“We are hopeful that the charter can be passed within this administration. From our understanding, the lack of a charter prevents the national government from assigning significant resources to the institute, even when the campus is already being built in New Clark City,” sabi ng abogado.

Naniniwala si Cruz makatutulong ang VIP upang matiyak na ang gamefowl sector, na nag-i-empleyo ng 1.6 milyong Pinoy at ­nagkakahalaga ng P50 bilyon, ay patuloy na makakatulong sa national development.

Marami kasing umaasa rito.

Ang Pitmaster naman ay talagang maraming natutulungan.

“The VIP is also critical to health resiliency, which is an advocacy of the Foundation. By being able to understand viruses better, the country can prepare for future pandemics which severely affected the lives and livelihoods of millions, including the gamefowl sector,” ani Cruz.

Handa rin silang makipagtulungan sa Department of Agriculture (DA) at sa mga lokal na pamahalaan sa buong bansa.

Sa pamamagitan nito, hinihikayat nila ang mga breeders at iba pang stakeholders na mag-adopt ng mga pamamaraan upang masugpo ang H5N1 at iba pang avian diseases na maaaring manalasa sa ating bayan.

Isa sa pinakamalaking charities sa bansa ang Pitmaster Foundation.

Siyempre, aktibo ang grupo sa pagprotekta sa kalusugan ng publiko ngayong panahon ng COVID-19 pandemic.

Ang Pitmaster ay pinamumunuan ng kanilang chairman at entrepreneur na si Charlie “Atong” Ang.