SANGLEY AIRPOT NAG-OPERATIONAL DRY RUN NA

(NI KEVIN COLLANTES)

MATAPOS ang apat na buwang puspusang konstruksiyon, isinailalim na sa wakas ng Department of Transportation (DOTr) sa ‘operational dry run’ ang Sangley Airport sa Cavite.

Si Transportation Secretary Arthur Tugade mismo ang nanguna sa pag-iinspeksiyon at pangangasiwa sa naturang aktibidad na isinagawa kahapon ng umaga, bilang pagtalima sa naunang kautusan ni Pangulong Rodrigo Duterte na tiyaking mabubuksan na ang naturang paliparan sa Nobyembre 2019.

Nabatid na isang flight ng Cebu Pacific ang matagumpay na lumapag sa Sangley bilang bahagi ng naturang naturang operational dry run.

Matatandaang noong Hunyo 2019 ay lumang skeletal structure pa lang ang nakatayo sa Sangley Airport, halos wala rin itong laman, baku-bako ang runway at ang mga kalsada sa airport compound.

Ipinag-utos naman ng Pangulo na madaliin ang konstruksyon sa Sangley upang makatulong sa pag-decongest sa Ninoy Aquino International Airport (NAIA).

Kaagad namang ipinag-utos ni Tugade ang 24/7 construction sa military air base, kumuha ng karagdagang manpower at kagamitan upang mapabilis ang pagtatayo ng mga karagdagang pasilidad.

“Ngayon, makalipas ang apat na buwan, sumasabak na sa ‘Operational dry run’ ang Sangley Airport,” pagmamalaki naman ng DOTr.

Nabatid na ang naturang dry run ay naisagawa ng DOTr, na mas maaga sa Nobyembre, na siyang itinakdang palugit ng Pangulo upang makapaghatid ang paliparan ng general aviation at turboprop cargo operations.

Iniulat ng DOTr na kumpleto na ang asphalt overlay at clearing ng dulo ng runway, reblocking ng concrete pavement, installation ng dalawang pump kabilang na ang drainage system, konstruksyon ng ramp, at site development kasama ng Portland Cement Concrete Pavement (PCCP), landscaping at streetlight installations, gayundin ang konstruksyon ng access road, installation ng CCTV Surveillance System, counter, weighing conveyor, meteorological equipment setup, at mobilization ng dalawang modernong fire trucks.

Finishing works na lamang umano sa ilang bahagi ang hinihintay at magiging ‘100% complete’ na ang naturang paliparan.

Kumpiyansa ang DOTr na sa sandaling mailipat sa Sangley ang general aviation at turboprop cargo operations ay mas makaluluwag na ang NAIA.

Nabatid na ang operational dry run ay isinagawa ng DOTr, sa pakikipagtulungan ng Civil Aviation Authority of the Philippines, Manila International Airport Authority, Office for Transportation Security, Civil Aeronautics Board, Philippine Navy, Philippine Air Force, Philippine Ports Authority, Philippine Coast Guard and the Land Transportation Franchising and Regulatory Board, bilang paghahanda sa inagurasyon ng paliparan.

Kabilang din sa mga sumaksi sa aktibidad sina DOTr Undersecretary for Finance Garry De Guzman, Undersecretary for Aviation and Airports Manuel Antonio Tamayo, Assistant Secretary for Railways and Mindanao Projects Eymard Eje, Assistant Secretary for Maritime Lino Dabi, Assistant Secretary for Procurement and Project Implementation Giovanni Lopez, Assistant Secretary for Legal Affairs Mark Steven Pastor, Assistant Secretary for Special Concerns Manny Gonzales, CAAP Director General Jim Sydiongco, CAB Executive Director Carmelo Arcilla, PPA General Manager Jay Sanitiago, OTS Administrator Raul Del Rosario, CIAC President and CEO Jaime Melo, MARINA Administrator Narciso Vingson, LTFRB Chairman Martine Delgra III, at Air Force, Navy and Coast Guard officials.

 

Please follow and like us:
Read More

SENADO HATI SA PAGBIGAY NG LAW ENFORCEMENT POWERS KAY LENI

senate

(NI DANG SAMSON-GARCIA)

HATI ang mga senador sa hamon ni Pangulong Rodrigo Duterte kay Leni Robredo na pangunahan ang kampanya kontra droga at resolbahin ito sa loob ng anim na buwan .

Ayon kay Senate President Vicente “Tito” Sotto III, kung seryoso ang Pangulo sa kanyang panukala, mas makabubuting italaga si Robredo bilang chairperson ng Dangerous Drugs Board at concurrent Philippine Drug Enforcement Agency director general.

Sinabi naman ni Senador Koko Pimentel na hindi maaaring ibigay ng Pangulo ang kanyang law enforcement powers maliban na lamang sa kanyang mga alter ego.

“PRRD is the Chief Executive. He executes the laws. That cannot be delegated except to his alter egos,” saad ni Pimentel.

Hindi naman sineryoso ni Senador Leila de Lima ang tinawag nitong “tongue-in-cheek proposal” para kay Robredo sa paggiit na nais lamang nitong magpapansin.

“But like all his other statements of the kind, it is senseless and outrageous when it comes to being considered as a serious policy pronouncement,” saad ni de Lima.

Iginiit nito na kung seryoso ang Pangulo, dapat buo nitong ibigay kay Robredo ang kanyang kapangyarihan upang ang Pangalawang Pangulo na ang magsilbing acting president sa mga panahon na anya ay “over-acting phase” ni Duterte.

Nagbigay din ito ng mensahe sa Pangulo.

“Hello! You were the one who promised to solve every problem of this nation that existed since the 19th century in the span of six months. You failed. And now  you mock VP Robredo when you were the one who bragged everything is solvable with the 6-month Duterte formula of wishing that things would just fix themselves by the sheer power of your stupid jokes and equally idiotic ramblings,” giit nito.

Please follow and like us:
Read More

PHIVOLCS NAGBABALA NG MAS MALAKAS NA LINDOL SA MINDANAO

earthquake121

(NI ABBY MENDOZA)

PINAGHAHANDA ng Philippine Institute of Volcanology and Seismology (PHIVOLCS) ang mga residente sa Mindanao sa posibilidad ng pagkakaroon ng mas malakas na lindol kasunod ng dalawang insidente ng lindol na tumama sa North Cotabato.

Noong Oktubre 16 ay tumama ang 6.3 magnitude quake sa Tulunan, North Cotabato na kumitil sa buhay ng anim  katao, isang  6.6 magnitude quake ang muling tumama sa nasabing bayan kung saan dalawa ang naiulat na nasawi.

Ayon kay Phivolcs Director Renato Solidum, may posibilidad na may mas malakas pa na lindol ang yumanig sa rehiyon dahil na rin sa aktibong fault.

“Yung faults dyan ay may kakayahan na mas malaki sa magnitude 6.3 na pwede ipakawala, hindi po natin inaalis ‘yung posibilidad na may sumunod na mas malaki,” paliwanag ni Solidum.

Inamin ni Solidum na vertical at horizontal motion ang dapat na asahan sa lindol.

“‘Yung vertical motion initial lang po ‘yun, mas matagal po ‘yung horizontal. Kung malayo naman po sa episentro, hindi na nararamdaman ‘yung vertical, ‘yung horizontal po ang nararamdaman. ‘Yun po ‘yung damaging. Pagdating sa ating building code, ang kinokonsidera po sa design ay ‘yung horizontal shaking dahil ito ang mas malakas,” dagdag pa nito.

Sa talaan ng Phivolcs ay nakapagtala na ng 22 aftershocks kasunod ng naganap na lindol kung saan ang pinakamataas ay 6.6 magnitude habang ang pinakamahina ay magnitude 3.

 

Please follow and like us:
Read More

CAYETANO KAY LENI: PLANO SA DRUG WAR, ILATAG

(NI BERNARD TAGUINOD)

HINAMON ni House Speaker Alan Peter Cayetano si Leni Robredo na ilatag nito ang kanyang plano kung paaano susugpuin ang giyera kontra ilegal na droga sa bansa.

Ginawa ni Cayetano ang hamon matapos sabihin ni Pangulong Rodrigo Duterte na handa niyang isuko ang kanyang law enforcement authority kay Robredo sa loob ng 6 na buwan para pamunuan ng Bise Presidente ang war on drugs.

Ang pahayag ni Duterte ay kasunod ng pagbatikos ni Robredo sa war on drugs ni Duterte dahil malala pa rin umano ang problema sa droga gayong tatlong taon ang war on drugs.

“Ako susuportahan ko ang challenge ng ating Pangulo at susuportahan ko si Vice President if she takes the reign for six months but ipakita muna niya at ipaliwanag anong programa niya kasi madaling magsabi,” ani Cayetano

“You wanted the chance, gusto mo magbago ang Pilipinas,  gusto mo magbago ang drug war. Tell us now,  kung ikaw ang 6 months, ano ang gagawin mo?,” ayon pa sa lider ng Kamara.

Kapag nailatag na umano ni Robredo ang kanyang plano kung paaano susugpuin ang problema sa droga sa bansa ay maaari na itong magsimula sa kanyang tungkulinbilang anti-drug czar.

Kinontra din ni Cayetano ang pahayag umano ng mga kritiko ng administrasyon na ipinapasa lamang ni Duterte ang problema kay Robredo dahil hindi nito natupad ang kanyang pangako na tatapusin ito sa loob ng 3 hanggang anim na buwan.

“I don’t really believe it is passing the problem. I don’t believe the President does not believe that still it is his responsibility,” ayon pa kay Cayetano.

 

Please follow and like us:
Read More

PNP NORTHERN MINDANAO DIRECTOR, SUSPENDIDO

ombudsman

(NI NICK ECHEVARRIA)

IPINATUPAD na ni Philippine National Police (PNP) officer-in-charge Lt. Gen. Archie Gamboa nitong Martes ang suspension order na ipinalabas ng  Office of the Ombudsman laban kay Northern Mindanao police regional director, Brig. Gen. Rafael Santiago.

Ayon kay Gamboa, si Santiago ay sinuspinde ng anim na buwan kaugnay sa kasong may kinalaman sa logistics na isinampa noon pang 2012.

“Yes, he was relieved because he has a suspension order that came out that was dated October 21, 2019. And sayang din (it is a waste) because he was a very good performer but we have to implement the suspension order for six months, even if he is retirable by May of next year, I have no other recourse but to implement it. We will be implementing our new regional director on Thursday,” pahayag ni Gamboa.

Matatandaan na nitong Lunes itinanggi ni Gamboa sa isang press briefing sa Camp Crame ang mga akusasyon na may nangyaring “bata-bata” system sa katatapos lamang na malawakang revamp sa hanap ng PNP kamakailan.

Sa katunayan, ayon kay Gamboa dalawa sa kanyang classmates ang naapektuhan din sa nasabing balasahan sa hanay ng mga matataas na opisyal ng PNP na sina P/MGen. Amador Corpus at P/BGen. Edward Carranza.

Si Corpus ay nailipat mula sa Criminal Investigation and Detection Group (CIDG) para pamunuan ang Directorate for Human Resource and Doctrine Development habang si Carranza naman ay itinalaga sa Logistics Support Service mula sa pagiging regional director nito sa  Region 4  (Calabarzon).

Si Gamboa at si Santiago ay mag-mistah din sa Philippine Military Academy class of 1986.

Tiniyak din ni Gamboa na wala nang nangyayaring “bata-bata” system o favoritism sa PNP at hindi na ito dapat mangyari.

Nauna nang binigyan ng kapangyarihan ng National Police Commission (Napolcom) si Gamboa para magpatupad ng balasahan kung saan mahigit 20 matataas na opisyal ng PNP ang naapektuhan kasabay ng pagsasailalim sa 3 month probationary period.

Please follow and like us:
Read More

DEPT. OF DISASTER NAPAPANAHON NANG ITATAG

lindol12

(NI BERNARD TAGUINOD)

HINDI na kailangang dumaan sa masusing pagdinig sa Mababang Kapulungan ng Kongreso ang pagpapatibay sa panukala na magkaroon ng Department of Disaster Resilience sa gitna ng sunod-sunod na paglindol.

Ginawa ni Agusan del Norte Rep. Lawrence Fortun ang nasabing pahayag matapos yanigin ng 6.6 magnitude na lindol ang Tulunan, North Cotabato, Martes ng umaga.

Ayon sa mambabatas, maaaring gamitin ng Kamara ang Rule 48 kung saan ang mga panukalang batas na naipasa na noong nakaraang Kongreso ay otomatiko ng aprubado.

“Madalas tumama ang malalakas na lindol sa amin sa Mindanao dahil maraming earthquake fault dito sa ilalim ng lupa at ilalim ng dagat. Ramdam namin ang matinding pangangailangan para sa isang Department of Disaster Resilience,” ani Fortun.

Bago ang lindol sa Tulunan, North Cotabato ay nagkaroon din pagyanig sa Davao del Sur at North Cotabato noong Oktubre 16 na ikinamatay ng 5 katao at pagkasugat ng maraming iba pa bukod sa pagkasira ng mga ari-arian at imprastraktura.

“Last July 13, Butuan and Agusan del Norte felt at Intensity V a magnitude 5.5 earthquake with epicenter in Carrascal, Surigao del Sur,” anang mambabtas kaya kailangan na umano ang nasabing departamento lalo na ang lindol ay walang nakakaalam kung kailan darating.

“Ang mga bagyo at El Niño kahit papaano napaghahandaan, pero ang lindol biglaan at gulatan kaya dapat laging handa,” ayon pa sa mambabatas at malaki umano ang maitutulong ng departamento sa paghahanda sa ganitong kalamidad kaya dapat na umanong itatag ito.

Dahil dito, dapat na aniyang ipasa ng Kamara ang nasabing panukala gamit ang Rule 48 upang magkaroon ng sapat na panahon ang Senado para simulan ang pagdinig sa kanilang bersyon dito matapos mabigo ang mga ito na maipasa ang nasabing panukala noong nakaraang Kongreso.

Sinabi naman ni House Speaker Allan Peter Cayetano na kabilang ang nasabing panukala top priority ng Kamara bukod sa Department of OFW department at Department of Water.

 

Please follow and like us:
Read More

PAGBUO NG DEPT. OF WATER MINAMADALI

bong go55

(NI NOEL ABUEL)

TINITIYAK ni Senador Bong Go na maganda ang idudulot ng pagkakaroon ng Department of Water para makatulong sa pagkakaroon ng maayos na supply ng tubig sa bansa.

Sinabi ni Go na naniniwala itong ang panukalang pagtatayo ng  Department of Water ay magsisilbing ahensya na tututok sa pangangasiwa ng yamang  tubig ng  bansa.

Ayon sa senador, kailangan na maging mas mabilis  at mas maaasahan  ang pagresponde  ng  gobyerno pagdating sa pangangailangan ng publiko sa malinis at sapat na tubig at hindi dapat mahirapan dahil sa kapalpakan ng mga water concessionaires.

Sa kabila nito, nilinaw ni Go na patuloy nitong pinag-aaralan ang panukala kung saan kinokonsulta nito ang mga kasamahan  sa Senado at mga ahensiya ng pamahalaan.

Ang pahayag ay ginawa ni Go kasunod ng mga panukalang  madaliin ang pagtatatag ng Department of Water bunsod ng  napipintong water supply interruptions sa Metro Manila.

Una nang hiniling ng senador kay Pangulong Rodrigo Duterte na repasuhin ang kontratang pinasok ng Maynilad Water Services Inc. at Manila Water Co. dahil sa sinasapit na kahirapan ng taumbayan sa supply ng tubig.

Tiwala ito na aaksyon ang Pangulo lalo na at nagalit ito dahil sa sinasabing water shortage na nararanasan ngayon.

Giit pa ng senador, dapat na isipin ng mga water concessionaires na obligasyon nito na sundin ang kontratang pinasok na bibigyan ng maayos na supply ng tubig ang mga consumers at hindi para pahirapan.

 

Please follow and like us:
Read More

2 PATAY, HIGIT 100 NASAKTAN SA 6.6 LINDOL SA MINDANAO

(NI JG TUMBADO)
UPDATE
DALAWA katao ang patay habang nasa 215 iba pa ang sugatan makaraang yumanig ang magnitude 6.6 na lindol na tumama sa malaking bahagi ng Mindanao region kahapon.

Batay sa ipinalabas na datos ng National Risk Reduction and Management Council (NDRRMC), kabilang sa mga nasawi ang 15 anyos na si Jessie Riel Parba, grade 9 student ng Kasuga National High School sa bayan ng Magsaysay at ang 66 taong gulang na si Nestor Narciso ng Koronadal City, South Cotabato.

Ayon sa NDRRMC, nabagsakan si Parba ng mga debris mula sa nasirang gusali ng paaralan nito sa kasagsagan ng pagtama ng lindol.

Matindi namang pinsala ang natamo ni Narciso ng mabagsakan ito ng gumuhong pader sa loob mismo ng kanyang tahanan.

Dakong alas 9:04 ng umaga ng Martes ng tumama ang 6.6 magnitude na lindol sa bayan ng Tulunan, Cotabato kung saan tectonic ang origin nito at may lalim lamang na pitong kilometro sa epicenter nito.

Naramdaman ang pagyanig ng lupa sa malaking bahagi ng mga sumusunod na lugar:

Intensity VII – Tulunan at Makilala, Cotabato; Kidapawan City; Malungon, Sarangani.

Intensity VI – Davao City; Koronadal City; Cagayan de Oro City

Intensity V -Tampakan,Surallah and Tupi, South Cotabato; Alabel, Sarangani

Intensity IV – General Santos City; Kalilangan, Bukidnon

Intensity III – Sergio Osmeña Sr., Zamboanga del Norte; Zamboanga City; Dipolog City; Molave, Zamboanga del Norte; Talakag, Bukidnon

Intensity I- Camiguin, Mambajao

Instrumental Intensities:

Intensity VII – Kidapawan City; Malungon, Sarangani

Intensity V – Alabel, Sarangani; Tupi, South Cotabato

Intensity IV – Gingoog City, Misamis Oriental; General Santos City

Intensity II – Zamboanga City

Intensity I – Dipolog City; Bislig City; Palo, Leyte

Una ng ini ulat ng Phivolcs na magnitude 6.4 sa kanilang 9:04am na bulletin subalit pinalitan Ito ng magnitude 6.6 sa oras na 9:44 bulletin.

 

Please follow and like us:
Read More

ATENEO ‘DI TATANTANAN NG GABRIELA

(NI BERNARD TAGUINOD)

HINDI tatantanan ng Gabriela ang Ateneo de Manila University (AdMU) hangga’t hindi nila makakamit ang mga biktima ng sexual harassment na kagagawan umano ng ilan nilang opisyal.

Ito ang pahayag ng Gabriela Youth na kinakatawan ni Rep. Arlene Brosas sa Mababang Kapulungan ng Kongreso ukol sa mga kaso ng sexual harassment sa nasabing unibersidad na naging dahilan ng kilos protesta ng mga estudyante at faculty members.

“Gabriela Youth stands with the community of Ateneo De Manila University in its calls to end the culture of impunity and to demand action from its administration,” ayon sa nasabing grupo.

Magugunita na idinaan ng mga biktima sa social media ang kanilang naranasang pang-abusong sexual sa  ilang opisyales ng unibersidad subalit malambot ang pagtugon umano ng AdMU.

Dahil dito, nagsagawa ng kilos protesta ang mga estudyante at faculty members ng AdMU na sinuportahan ng Gabriela Womens Party at hindi umano nila hahayaan na makalimutan na lamang ito.

“When institutions coddle and protect sexual abusers, it leaves its members vulnerable to a cycle of abuse kept in place by institutional impunity. This must end – not through slaps on the wrist or corrective actions that do nothing to address the root of the problem – but through direct, preventive actions from the administration that will put protective measures in place,” ayon pa sa Gabriela Youth.

Nagbabala naman si Brosas sa mga opisyales, hindi lamang ng AdMU, kundi lahat ng unibersidad sa bansa  na masasangkot sa sexual harassment na mahaharap ang mga ito sa mabigat na parusa dahil sa Republic Act (RA) 11313 o “Safe Streets and Public Spaces Act”  na mas kilala sa tawag na anti-bastos law at  Bawal Bastos Law.

Ipinaalala ni Brosas na bukod sa mga kulong ay pagmumultahin din ang mga sangkot sa sexual harassment sa mga educational institution ng mula P100,000 hanggang P500,000.

Napirmahan na ang Implementing Rules and Regulations (IRR) ng nasabing batas at inaasahang iimplementa na ito matapos ang 15 araw.

 

Please follow and like us:
Read More