Euro, Americas at final boxing Olympic qualifiers NABIKTIMA NG COVID-19

KANSELADO na ang European, Americas at final world qualifying boxing tournaments para sa Tokyo Olympic Games dahil sa coronavirus outbreak sa buong mundo.

Ito ang napagdesisyunan ng International Olympic Committee (IOC), sa pamamagitan ng Boxing Task Force (BTF) nito na siyang namamahala sa mga narurang events matapos ang  suspensyon ng world body AIBA noong nakaraang taon, makaraang mag-lockdown ang maraming bansa dahil sa Covid-19.

Bagamat hindi pa nagsisimula ang Americas at final world tournaments, nasa third day competition na ang 10-day European event sa London’s Copper Box nang bigla itong suspendihin dahil sa pandemic virus.

Sa kabila nito, 16 na lalaking boxers sa flyweights at featherweights ang nakasikwat ng tiket sa Tokyo Olympics bago ang shutdown noong Lunes ng gabi. Kabilang sa mga ito sina British flyweight Galal Yafai at Frenchman Billal Bennama.

Nauna rito, Linggo pa lang ay inutos na ng BTF na huwag magpapasok ng mga manonood o gawing closed doors ang European boxing event.

Natapos na ang Africa, Asia and Oceania boxing Olympic qualifiers habang ang  Americas event na naka-schedule aa Buenos Aires sa March 26-April 3 ay na-postpone noong nakaraang linggo.

Matatandaan na ang Asia and Oceania event, na dapat ay gagawin sa Wuhan, China na pinagmulan ng coronavirus, ay inilipat sa Amman, Jordan.

Ang huling worlds qualifier sa Paris ay magaganap sa May 13-20.

Tiniyak ng BTF na ilalabas nila ang mga detalye sa qualification process para sa ibang regions sa mga darating na araw.

Paliwanag ng task force, napilitan silang kanselahin ang European event sa gitna ng global travel restrictions at quarantine measures upang bigyang pagkakataon ang mga participant sa 60 bansa na makapag-adjust sa kanilang travel plans at makauwi sa kanilang mga tahanan.

Tiniyak pa ng BTF na araw-araw nilang e-evaluate ang sitwasyon upang makumpleto ang distribusyon ng mga natitirang Tokyo 2020 boxing quota places sa May at June.

“The BTF’s priority remains the qualification of athletes on the field of play, and it will inform all stakeholders as soon as more information is available,” giit ng IOC.

Read More

EXTRA ELIGIBILITY YR SA SENIOR ATHLETES Kapag tuluyang kinansela ang NCAA 95

NAKATAKDANG pagkalooban ng ‘extra year of eligibility’ ang senior o graduating athletes na kalahok sa mga hindi matatapos na sports events sa sandaling tuluyang makansela ang NCAA Season 95.

Sa pamamagitan ni league’s Management Committee (ManCom) chairman Peter Cayco ng host school Arellano, nagsumite sila ng rekomendasyon sa Policy Board na kanselahin na ang nalalabing season ng liga. Kung mangyayari ito, ang mga senior athletes na walang problema ay daragdagan ng isang taon ang eligibility status.

“If it’s your final year, you still have one more year to play. Pero that is for those who have not completed their events,” pahayag ni Cayco sa panayam ng programang ‘FastBreak’ nina Freddie Webb at Boyet Sison sa DZMM.

“You can still play but we still have to clarify about the age. If you are still within the range, you can still play your final year,” dagdag niya.

Ang bawat student-athlete ay may limang taon para makapaglaro sa collegiate team at hanggang edad 25 lamang.

Kabilang sa mga maaapektuhan ng suspension ay: indoor volleyball, football, lawn tennis, soft tennis, track and field, under-15 basketball at beach volleyball at maging ang cheerdance competition.

“Actually, we proposed to the policy board to cancel na the rest of the season. We are still awaiting approval. But in the meantime, we were overtaken by the declaration of a lockdown. So we still have enough time to contemplate what to do,” paliwanag ni Cayco.

“But for us in the Management Committee, we have decided to recommend the cancellation for the rest of the season because it will eat up to Season 96.”

Dahil sa coronavirus outbreak, ilang beses nang nakansela ang mga event ng NCAA Season 82 at nitong nakaraang linggo ay muling sinuspinde ang mga laro matapos ipag-utos ni Pangulong Rodrigo Duterte ang Metro Manila lockdown. (VT ROMANO)

 

Read More

PILIPINAS 3X3, WORLD TOUR MANILA MASTERS KINANSEL

NAGDESISYON ang Chooks-to-Go Pilipinas 3×3 at International Basketball Federation (FIBA) na i-postpone ang 2020 President’s Cup.

Kanselado na rin ang World Tour Manila Masters dahil pa rin sa coronavirus disease 2019 o COVID-19.
“We have decided to move the opening of our first conference to a later date because of the on-going COVID-19 pandemic,” sabi ni Pilipinas 3×3 league owner Ronald Mascariñas.

“As Filipinos, the health and safety of our players, officials, staff, and, most importantly, our fans are the most important thing to us,” dagdag niya.

Ang anim na leg na President’s Cup ay magsisimula sana sa March 29 sa events center sa SM Fairview. Tampok sa liga ang 12 koponan, siyam ay galing sa Maharlika Pilipinas Basketball League.

Samantalang ang Chooks-to-Go FIBA 3X3 World Tour Manila Masters ay nakatakda sana sa Mayo 2-3, 2020 sa SM Megamall fashion hall.

Inilipat ang Manila Masters sa Agosto 15-16 sa parehong lugar.

Ang Manila Masters ay isang maximum-level FIBA 3×3 event na tampok ang mga pambansang koponan at mga pinakamahuhusay na clubs sa buong mundo.

Ang iba pang FIBA 3×3 events na na-postpone ay ang Olympic Qualifying Tournament na dapat gagawin sana sa Marso 18-22 sa Bengaluru, India, at Asia Cup sa Mayo 13-17 sa China.

Hindi pa naitatakda ang araw para sa OQT subalit ayon sa FIBA, kailangan itong agad na maisagawa bago ang Universality OQT sa Abril 24-26 sa Budapest, Hungary. Ang Asia Cup ay gaganapin na sa Setyembre 9-13.

“We at Chooks-to-Go Pilipinas are closely monitoring the situation on a daily basis. But for now, we are calling on everyone to make personal safety as the utmost priority,” sabi pa ni Mascarinas. (ANN ENCARNACION)

Read More

Para iwas-coronavirus, NO TO SPITTING IN PUBLIC—PACQUIAO

MANNY PACQUIAO

UPANG maiwasan ang pagkalat ng coronavirus disease 2019 o Covid-19, ipinanukala ni eight-division world boxing champion Manny Pacquaio ang pagdura sa kung saan-saan lang.

Sinabi ni Pacquiao, ang kanyang Senate Bill No. 1406 o “Anti-Spitting Act of 2020” ay naglalayong pigilan ang patuloy na pagtaas ng bilang ng mga naapektuhan ng coronavirus.

Sa panukalang batas ng Fighting Senator, ang mga mahuhuling dumudura sa mga pampublikong lugar ay pagmumultahin ng P5,000 hanggang P50,000 at ilan buwang pagkakulong.

“Considering the gravity of the situation, there is an urgent need to institute a concrete preventive measure to stop the spread of the disease that has become a global health emergency,” sabi ni Pacquiao.

“This shall not only prevent the spread of the coronavirus and (but also) other contagious and airborne diseases,” dagdag niya.

Sa proposed bill ng Pambansang Kamao, ang first offender ay pagmumultahin ng P5,000 at sa ikatlong offense ay P50,000 multa at kulong ng mahigit anim na buwan.

Nauna nang ideneklara ng World Health Organization ang Covid-19 na pandemic at pandaigdigan nang problemang pangkalusugan. (ANN ENCARNACION)

Read More

Public Health Emergency na kaya UAAP HS TIGIL NA

NASA ilalim ng Public Health Emergency (PHE) ang National Capital Region kaya’t minabuti ng University Athletic Association of the Philippines (UAAP) na kanselahin na ang high school tournaments nito.

Kaugnay ng PHE, nagsimulang ipatupad ang ‘social distancing’ kahapon (Marso 15) at magtatagal hanggang Abril 14, 2020, kung saan ipinagbabawal ang pagtitipon ng mga tao, kasama na rito ang “sporting events and other entertainment activities.”

Suspendido rin ang lahat ng antas ng klase hanggang Abril 14, 2020, ayon naman sa Department of Education.

Apektado ng suspensyon ng klase ang academic calendar para sa high school unit, na sa panahong iyon ay patapos na dapat ang klase pati na rin ang sporting season.

Ang girls’ basketball at beach volleyball ang nasakop ng nasabing suspensyon.

Kanselado naman ang athletics, demo sport lawn tennis at exhibition sport streetdance.

Dapat sana’y maghaharap noong Marso 6 sa winner-take-all Game 3 ang Adamson University at UST sa girls’ basketball, sa halip ang Baby Lady Falcons at Junior Growling Tigresses ay idineklara na lamang bilang co-champions para sa nasabing demonstration event.

Nabitin din ang beach volleyball tournament regular season, kung saan sa girls’ division ay umabante na ang Nazareth School of National University (5-0) at UST (5-1) sa semifinals. Habang nasa ikatlong puwesto ang De La Salle-Zobel (3-2), at tabla naman ang UE at Adamson sa fourth (2-3). Talsik na ang FEU-Diliman (1-4) at Ateneo High School (0-5).

Habang sa boys’ side, swak sa semis ang UST (6-0) at FEU-D (5-1) at magkakatabla sa 3-3 ang UE, Adamson at NSNU. Laglag na ang DLSZ, AHS at UPIS. (VT ROMANO)

Read More

IBF super-flyweight bout: ANCAJAS vs RODRIGUEZ MATUTULOY SA ABRIL

TULOY ang laban ni Jerwin Ancajas sa US sa April 11, kaya’t hindi siya nagpapaawat sa training kahit pa may coronavirus scare.

Nakataya ang International Boxing Federation (IBF) super-flyweight title ni Ancajas sa laban niya kontra Jonathan Javier Rodriguez ng Mexico sa Cosmopolitan Resort & Casino sa Las Vegas.

“Tuloy daw po ang laban,” ito ang pagtitiyak ng trainer ni Ancajas na si Joven Jimenez.

“March 20 kami aalis,” dagdag ni Jimenez.

Sinegundahan naman ni MP Promotions president Sean Gibbons ang pahayag ni Jimenez. “All good so far.”

Ang naturang 12-round bout ang kauna-unahang laban ni Ancajas sa Las Vegas.

Una nang ineskedyul noong November 2, 2019 sa California ang laban nina Ancajas at Rodriguez ngunit hindi natuloy nang mabigo ang huli na makakuha ng US visa.

Sa halip ay nilabanan ni Ancajas si Miguel Gonzalez ng Chile noong December sa Mexico kung saan nanalo ang Pinoy pug via sixth-round stoppage.

Bago ang Metro Manila lockdown kahapon ay sa Dipolog ang training camp ng 28-anyos na tubong Panabo, Davao Del Norte, at swerteng nakabalik sa Maynila noong Biyernes.

“March 15 yung ticket namin, pero nung nagpunta kami para magpa-rebook Friday, na-suwertehan na meron pang bakante kaya nakaalis kami,” sabi ni Jimenez.

Sa ngayon ay nagte-training si Ancajas sa isang hindi pinangalanang gym sa Maynila.

“Kailangang ingat na ingat at tago na tago,” ayon kay Jimenez.

Read More

Para iwas-COVID-19 ABL, FIBA KINANSELA

DAHIL pa rin sa coronavirus disease 2019 o COVID-19, sinuspinde na ang Asean Basketball League (ABL) at maging ang Fédération Internationale de Basketball (FIBA).

Naging “unanimous” o nagkaisa ang mga miyembrong koponan ng ABL na itigil na muna ang mga laro para na rin sa kapakanan ng lahat sa gitna ng lumalalang problema sa coronavirus sa buong mundo.

“With the safety of our teams and fans in mind, the league has followed every protocol, obeyed travel restrictions, and erred on the side of caution at every step to protect everyone involved. The ABL was one of the first leagues to react to the current health crisis with the postponement of more than 50 games that started early February. Only a single ABL game has been played after February 23,” ayon sa pahayag ng ABL.

Bago magdesisyon ay kinonsulta muna ng ABL ang lahat ng kanilang stakeholders, kasama na rito ang mga advertisers, venues, at broadcast partners.

“The ABL explored all options in an effort to continue to deliver top-quality basketball and entertainment to our loyal fans. The league looked at booking neutral venues where multiple teams could play some of their postponed games. However, the travel restrictions in the region, the quarantine requirements upon the teams’ return to their respective countries, and heeding the advice of multiple government institutions have led to the decision to suspend our season.

We thank all the teams for their patience and their willingness to exhaust all means to push through,” dagdag na pahayag ng ABL.

Nauna rito, nagpalabas din ng pahayag ang FIBA kaugnay sa pagkansela sa lahat ng kanilang  torneo simula March 13.

Ito’y bilang reaksyon sa pagdedeklara ng World Health Organization sa COVID-19 outbreak na isa nang pandemic.

Tiniyak ng federation na patuloy silang magmomonitor at pag-aaralan kung kailan muling itutuloy ang mga nakatakdang torneo.

“FIBA will continue to monitor the situation on a daily basis and will evaluate the options for the continuation or not of the respective competitions when and if the situation allows for it,” ayon pa sa FIBA.

Nauna nang sinuspinde ng FIBA ang kanilang 3×3 Olympic qualifiers at ni-reschedule ang 3×3 Asia Cup at 3×3 U17 Asia Cup sa September. Kanselado na rin ang FIBA U16 Asian Championships for men and women.

Read More

CLARKSON, NBA SA GITNA NG COVID-19

MATAPOS pumutok ang balitang nag-positibo sa coronavirus sina Utah Jazz players Rudy Gobert at Donovan Mitchell at ang tuluyang pagkansela ni NBA sa mga laro, nagpaabot ng pag-aalala ang fans ni Fil-American Jordan Clarkson hinggil sa kalagayan nito.

Nag-post si Jordan sa social media account (Twitter) upang mapawi ang pag-aalala ng kanyang fans, kung saan sinabi nitong ‘healthy’ siya matapos mag-negatibo sa coronavirus test.

“Thank you for all the love and prayers sent my way! I have been tested and I am good,” lahad ni Clarkson sa Twitter. “Wild 24 hours. Glad I am healthy!”

Umaasa rin si Clarkson sa maagang paggaling ng kanyang teammates na sina Gobert at Mitchell.
“Keeping my teammates @spidadmitchell and @rudygobert27 in my heart as they get better going through this process!”

Bukod kay Clarkson, negatibo rin sa coronavirus sina guard Emmanuel Mudiay at forward Royce O’Neale.

MITCHELL NAHAWA KAY GOBERT?

Si All-Star Mitchell ang ikalawang Utah player na nag-positibo sa COVID-19, kasunod ni Gobert.

Ayon sa ulat, hinawakan ni Gobert ang kanyang teammates sa locker room, pati na ang mga kagamitan ng mga ito, na sinasabing posibleng naging dahil kaya naapektuhan si Mitchell.

Bukod kay Clarkson, negatibo rin sa coronavirus sina guard Emmanuel Mudiay at forward Royce O’Neale.

Ang Thunder na kalaban ng Jazz noong Huwebes, ay naka-quarantine na, gayundin ang iba pang koponang nakalaro ng Utah sa nakalipas na 10 araw gaya ng Cleveland, New York, Boston, Detroit at Toronto.

NAG-SORRY SI GOBERT

Matapos magpositibo sa coronavirus na naging sanhi ng pagkasuspinde ng NBA games, tila nahimasmasan si Rudy Gobert sa kanyang ginawa at agad itong humingi ng paumanhin sa lahat.

“I want to thank everyone for the outpouring of concern and support over the last 24 hours. I have gone through so many emotions since learning of my diagnosis…mostly fear, anxiety, and embarrassment,” pauna niya.

“The first and most important thing is I would like to publicly apologize to the people that I may have endangered. At the time, I had no idea I was even infected. I was careless and make no excuse. I hope my story serves as a warning and causes everyone to take this seriously. I will do whatever I can to support using my experience as way to educate others and prevent the spread of this virus.”

I am under great care and will fully recover. Thank you again for all your support. I encourage everyone to take all of the steps to stay safe and healthy. Love.”  (VT ROMANO)

Read More

4 KABATAAN PINARANGALANG JUNIOR ATHLETE OF THE YEAR

NAGING misyon na ng Milo na bigyang parangal ang mga kabataang atletang nagtatagumpay sa kani-kanilang larangan. At sa taong 2019, apat ang napili nilang mapasama sa Junior Athlete of the Year.

Sa ginanap kamakailan na Philippine Sportswriters Association (PSA) Awards, kinilala ng Milo ang apat na outstanding athletes na sina tennis superstar Alexandra “Alex” Eala, chess prodigy Daniel Quizon, ace swimmer Miguel Barreto, at gymnast extraordinaire Daniela Dela Pisa.

Pinagkalooban nina Nestlé Philippines Vice President Veronica Cruz at Milo Sports Marketing Manager Lester P. Castillo ng award sina Eala, Quizon, Barreto, Dela Pisa at kanilang mga magulang bilang parangal sa kanilang achievements sa larangan ng sports.

“We at Milo recognize the role of sports in teaching our youth character-forming values that will help them become well-rounded individuals and Tomorrow’s Champions. It is an honor for MILO to bestow the Milo Junior Athlete of the Year award to Alex, Daniel, Miguel, and Daniela who have shown great dedication in their sport and manifest the values that we try to impart to the youth of today.

“Seeing them soar in their respective fields is a testament that great things truly start from small beginnings. We congratulate the four awardees and look forward to their continued success,” saad ni Cruz.

Si Eala, 14, ay nagsimula sa Milo Summer Sports Clinic bago naging isa sa top players sa junior tennis world. Katunayan, siya ang unang Filipino tennis player na naging grand slam champion sa 2020 Australian Open.

Patuloy naman na gumagawa ng pangalan sa larangan ng chess si Quizon, isa sa pinakabatang International Master sa bansa. Sa kanyang edad na 15, naisakatuparan ni Quizon ang impresibong kampanya sa blitz tournament sa Indonesia at Seoul noong 2018, at sa 30th Southeast Asian (SEA) Games.

Sa edad na 16 ay marami na rin medalyang napanalunan ang swimmer na si Barreto, nakapagtala ng records sa 2019 Palarong Pambansa, naka-gold sa Philippine National Open Swimming Championships at naging bahagi ng pambansang koponan sa 30th SEAG.

Nakatakdang sumabak ang ace swimmer sa 44th Southeast Asian Age Group Swimming Championships sa Malaysia sa Hunyo at Asian Swimming Championships sa Nobyembre.

Itinuturing na standout gymnast naman si Dela Pisa na naka-gintong medalya sa SEAG. Literal na “success story” ang buhay niya nang mapagtagumpayan ang sakit na kanser sa murang edad.

Si Dela Pisa ay patuloy na nagsasanay para sa international competition na sasalihan sa Poland sa susunod na buwan. (DENNIS INIGO)

Read More