PACMAN PACK-UP NA SA BOKSING

0

TAPOS na sa boksing si eight-division world champion Manny Pacquiao.

Sa halip, itutuloy na niya ang pagkandidato bilang ­pangulo sa 2022 national elections.

“Boxing career ko? Tapos na ‘yong boxing career ko,” pag-amin ni Sen. Pacquiao sa “Toni Talks” ni TV host at singer-actress Toni Gonzaga.

“Tapos na kasi matagal na rin ako sa pagboboksing at ‘yong pamilya ko laging nagsasabi na tama na. Nagtuloy-tuloy lang ako kasi passionate ako sa sports na ito.”

Dagdag niya, susuporta na lamang siya sa iba pang mga boksingero upang magkaroon muli ng boxing champion ang bansa.

Nitong Agosto lang nang lumaban at nabigo si Pacquiao na mabawi ang WBA super world welterweight title mula kay Yordenis Ugas ng Cuba.

Samantala, sa ulat ni Mike Coppinger ng ESPN, ­ipinarating ni MP Promotions president Sean Gibbons na hindi pa opisyal ang pagre­retiro ng Pinoy boxing icon.

“In the coming weeks, the senator will decide how he’s going to finish his professional boxing career,” saad ni Gibbons. “After the fight and recently, he’s discussed ­retiring [or] maybe one more [fight]. He’s just talking out loud about different situations.”

Pahabol pa ni Gibbons: “Until you see it officially come out on his Twitter or Instagram, he isn’t retired. Once you see it on a platform like that, it’s ­official. Anything else is just talk about what his thoughts are in the moment. It’s ­coming from him, but it’s hearsay.” (ANN ENCARNACION)

Read More

ADELAIDE NI KAI SOTTO SALUDO SA MGA PINOY

0

MALAKI ang pasa­salamat ng Adelaide 36ers sa ­matinding suporta sa kanilang bagong recruit na si 7-foot-3 Kai ­Zachary Sotto ng Filipino community sa Australia.

“A massive thank you to the Filipino Communities Council of Australia for welcoming Kai on the weekend!”

Post ito ng Adelaide 36ers sa kanilang social media account kasama ang mga larawan ni Sotto sa naganap na meet & greet sa community.

“Kai enjoyed ­meeting and spending time with the community & we can’t wait to see ­everyone again as we get ­closer to #NBL22!”

Nagpasalamat din sa @adelaide36ers ang ­new­est recruit nila na si Sotto: “It’s always a great feeling ­seeing and ­meeting Filipinos ­everywhere I go, and I am just happy that a lot of them are here in Australia.”

Biglang naging crowd-favorite ang Adelaide sa Australian National Basketball League dahil sa pagkuha nila sa ­tinaguriang Pinoy ‘wanderkind.’

Magugunitang sinapo ng 36ers si Sotto matapos madiskaril ang career nito sa Team Ignite ng NBA G-League. (ANN ENCARNACION)

Read More

Panalo sa 2021 U.S. Open Pool PINAGPASA-DIYOS NI BIADO

0

Ni ANN ENCARNACION

IPINANALANGIN ni 2021 U.S. Open Pool champion Carlo Biado ang final game niya laban kay Aloysius Yapp ng Singapore.

Kwento ng 37-anyos at ­dating golf caddie-turned billiard player na si Biado, humingi siya ng tulong sa Diyos noong lumamang si Yapp, 4-8, sa final match-up nila.

“Nanalangin po ako noong time na iyun kay Lord na sana mabigyan ako ng isa pang chance at sign para magawa ko ang dapat kong gawin para sa kanya. Iniisip ko na ­kapag ­nagkaroon ng chance ay ­ga­gawin ko na maging agresibo at ­magpokus sa laban, at iyun nga ­sumablay ang kalaban,” sabi ng Pinoy cue artist.

At nagawa ngang umahon ni Biado at magwagi, 13-8, sa matira-matibay na kampeonato na ginanap Linggo sa Atlantic City, New Jersey.

Ang tagumpay ay nagtulak kay Biado upang maging ika­lawa pa lamang na Pilipino na nakasungkit sa prestihiyosong titulo. Ang pinakaunang nakagawa nito ay si “The Magician” at pool legend Efren “Bata” Reyes noong 1994 laban sa Amerikanong kampeon na si Nick Varner.

Kaya sobra ang saya at pasasalamat ni Biado, na aminadong tagahanga ni Reyes.

“Idol na idol ko po talaga si Tata Efren, bata pa lamang ako sinusundan ko na siya. Nakakatuwa po na masundan ko ang mga yapak niya,” wika pa ng bagong U.S. Open Pool champ.

Narito ang iba pang karangalang naiuwi ni Biado: 2017 World Games gold medalist, 2017 Asian Indoor and Martial Arts Games bronze medalist, Southeast Asian Games 2015 Singapore gold sa doubles at bronze sa ­singles, SEAG 2017 Kuala Lumpur ­singles gold ­medalist, at SEAG 2019 ­Philippines doubles gold ­medalist.

‘DI SAKOP NG INCENTIVES ACT

Hindi kasama ang latest feat ni Biado sa Republic Act 10699 o Athletes Incentive Act.

Mismong si Billiards Sports confederation of the Philippines (BSCP) secretary general ­Robert Mananquil ang nagkumpirma nito sa kanyang pagdalo sa lingguhang Philippine Sportswriters Association (PSA) online forum na suportado ng San Miguel Corporation (SMC), MILO, Amelie Hotel Manila, Braska Restaurant, at Philippine Amusement and Gaming Corporation (PAGCOR).

“Hindi kasi mention ang sports na billiards sa batas kasi nga may status na professional tayo. But hopefully, sana ay ­mabigyan si Carlo ng mga Citations at incentive para makatulong din sa kanya,” wika ni Mananquiil.

Aminado si Biado na matagal na niyang hinahangad na mapagwagian ang US Open Pool title at maipakita muli ang husay ng mga Filipinong cue artists sa mundo. “Matagal ko na talagang inaasam ito. Ito iyung pinaka-prestigious event saka 256 kasaling players at world class ang tournament. Kaya talagang ipinakita ko sa ibabaw ng table ang katuwaan ko.”

Sunod na sasalihan ni Biado ang World 10-Ball sa Las Vegas, Asian Indoor and Martial Arts Games, World Games at kung matutuloy, ang Southeast Asian Games.

‘”Nagpunta muna ako dito sa U.S. para sumali sa mga tournament kasi kailangan ko rin kumita,” pagtatapat niya.

Read More

MAGNOLIA SINAGIP NI ABUEVA

0

INILIGTAS ni Calvin ‘The Beast’ Abueva ang Magnolia laban sa NorthPort sa kanyang game-winning turnaround shot, 90-89, kahapon sa pagpapatuloy ng 2021 PBA Philippine Cup sa Don Honorio Ventura State University gym sa Bacolor, Pampanga.

Mayroong ­nalalabing 2.6 segundo na lang sa laro nang mula sa inbound ni Rome Dela Rosa ay nakuha ni ­Abueva ang bola at isinyut ito sa kabila ng mahigpit na depensa ng NorthPort.

Nanguna para sa Hotshots si Ian ­Sangalang sa kinamadang 26 points at 10 boards.

Nagdagdag naman si The Beast ng 15 points kasama ang winning basket, five rebounds at four assists.

Top scorer para sa Bat­ang Pier si Greg Slaughter na may 21 points off of the bench, habang nag-ambag ng 16 points si Sean Anthony.

Nag-imprub ang Magnolia sa 7-3 win-loss, samantalang dumausdos sa 4-5 kartada ang NorthPort.

Read More

4 MATIKAS NA PINOY SA 2021 U.S. OPEN POOL

0

APAT na Filipino cue ­artists ang umusad sa Last 16 ng U.S. Open Pool Championship 2021 sa Atlantic City.

Sila ay sina Dennis Orcollo, Johann Gonzales Chua, Carlo Biado at ­Rodrigo Geronimo.

Sa apat na Pinoy, walang talong umusad sa Last 16 sina Orcollo at Chua. Habang kinailangang umahon mula sa loser’s bracket sina Biado at Geronimo.

Sunod na makakatapat ng napunta sa top bracket na si Geronimo si Denis Grabe ng Estonia, habang haharapin ni Orcollo si Mario He ng Austria.

Maaaring magkaroon ng all-Pinoy semifinal match up kung kapwa mananalo sa kanilang mga kalaban sina Orcollo at Geronimo.

Sasabak naman ang kapwa nasa bottom bracket na sina Chua at Biado kontra John Morra ng Canada at David Alcaide Bermudez ng Spain, ayon sa pagkakasunod.

Kung kapwa sila mananaig sa kanilang mga kalaban, hindi rin maiiwasan ang salpukan nina Chua at Biado sa quarterfinals.

Nakatakdang magsimula ang Last 16 ng U.S. Open Pool Championship Biyernes 10p.m. (Philippine time).

Read More

KALEI MAU DOBLE-KAYOD PARA SA PWNVT

0

BATID ng Hawaii-born volleybelle na si Kalei Mau na gahol na sa oras ang Philippine ­Women’s National Volleyball Team (PWNVT), na sasabak sa AVC Asian Women’s Club Championship sa susunod na buwan.

Nanghihinayang din ang Filipino-American player na hindi siya makapagpraktis kasama ang national squad.

Kaya hataw siya sa training para kondisyon siya sa ­sandaling mag-join sa pambansang koponan sa Nakhon Ratchisima, Thailand kung saan isasagawa ang AVC Club sa Oktubre 1 hanggang 7.

“I am always so grateful to come home and have the resources and people to help me get better! Not being able to train with the Philippine National team in preparation of the upcoming tournament makes me want to work much even harder on my end,” Instagram post ni leimau.

Ipinakita pa niya sa IG ang puspusang pagsasanay kasama ang isa pang dapat ay maglalaro sa PWNVT na si Alohi Robins Hardy.

“Mahalo to Uncle Bob @volleyhawaii & my forever teammate & sista @alohirobinshard for this morning’s session. #Sambansa #filhawaiian.”

Ang 6-foot-1 power hitter na si Mau ay huling naglaro sa local league para sa F2 Logistics. (ANN ENCARNACION)

Read More

DREAM COME TRUE KAY FAJARDO

0

PROUD si Pinay cager Ella Fajardo na mairepresenta ang bansa kasama ang Gilas Pilipinas Women sa 2021 FIBA ­Women’s Asia Cup.

Katunayan, “dream come true” sa kanya ang makapaglaro para sa bansa sa Women’s Asia Cup na gaganapin sa Amman, Jordan mula Setyembre 27 hanggang Oktubre 3.

“It is such a surreal moment. It’s always been a dream of mine.” pag-amin sa One Sports’ The Game ni Fajardo, dating naglaro para sa national team sa 3×3 competitions.

“I never expected that it would be this soon that coach Pat ­(Aquino) would trust me to be on the team with my ates. I’ve looked up to them and I’ve watched every single game of theirs. To be ­representing my country and playing alongside them is a dream come true.”

Makakasamang drumibol ng 5-foot-5 guard sa Gilas Women sina Afril Bernardino, Clare Castro, Janine Pontejos, Chack Cabinbin, Khate Castillo, Ria Nabalan, Mar Prado, Andrea Tongco, Kristine Cayabyab, Ann Pingol at Camille Clarin.

Sa ngayon ay puspusang nagpapalakas ang team sa Lipa, Batangas bubble lalo’t malapit nang magsimula ang Women’s Asia Cup. (ANN ENCARNACION)

Read More

LILLARD LOYAL SA PORTLAND

0

BALITANG NBA Ni VT ROMANO

SA pamamagitan ng social media, siniguro ni Damian Lillard ang kanyang pagbabalik sa Portland Trail Blazers para sa 2021-22 season.

Post ni Lillard sa kanyang IG account: “Back for more…” “#RipCity is my city.” May kalakip itong larawan kung saan kumakaway siya sa fans habang pabalik sa arena.

Nagkaroon ng espekulasyon ngayong offseason na ang six-time All-Star player ay naghahanap ng malilipatang koponan, lalo na’t nasibak ang Portland sa opening round ng NBA playoffs sa dalawang season.

Nagkaroon ng espekulasyon na ang 31-year old player ay lilisanin ang koponan bunga nang pagtatalaga kay Chaunsey Billups bilang head coach.

Pero sa kanyang IG post, malinaw na walang interes si Lillard na lisanin ang Portland.

Si Lillard, sixth overall selection sa 2012 NBA Draft mula sa Weber State, ay nag-average ng 28.8 points sa 67 games sa nakaraang season, kasama ang 7.5 assists at 4.2 rebounds.

May average rin siyang 24.7 points, 6.6 assists at 4.2 rebounds sa kanyang siyam na season sa Portland.

Noong 2019, lumagda si Lillard sa four-year supermax contract extension na magsisimula sa darating na season kung saan babayaran siya ng $39.3 million ng Trail Blazers at $48.8 million sa final year ng deal (2024-25 season), ayon sa Spotrac.

PANGOS PASOK
SA CAVS

PINAPIRMA ng Cleveland ­Cavaliers si EuroLeague ­veteran point guard Kevin Pangos ng two-year deal nitong Miyerkoles (Huwebes sa Manila), ayon sa agency nito.

Sa nakalipas na anim na taon, ang 28-anyos na Canadian ay lumaro sa Europe leagues.

“Hard work pays off,” tweet ng Priority Sports matapos lumagda ni Pangos, bagama’t wala pang inihahayag ang Cavs tungkol dito.

Sa kanyang huling stint sa Zenit Saint Petersburg, si Pangos ay nag-average ng 13.5 points at 6.6 assists at napabilang din sa All-Euro League.

Prayoridad ng Cleveland ngayong offseason ang ­magdag-­dag ng lalim sa backcourt.

Tiyak na magkakatulungan bilang guard sina Pangos at ang beteranong si Ricky Rubio, na kinuha ng Cavs mula sa Minnesota.

Lumaro din si Pangos sa Gonzaga, kung saan nagtala siya ng school record 322 3-pointers, record na hindi pa nasisira hanggang ngayon.

Hindi siya na-draft matapos niyang iwan ang Zags noong 2015. Naglaro rin siya sa Canada’s national program at tinulungan ang bansa na maka­kuha ng puwesto sa 2019 Fiba World Cup.

BAGONG RECRUITS
NG BULLS

LUMAGDA nitong Miyerkoles (Huwebes sa Manila) sa Chicago Bulls si former Toronto Raptors forward Stanley Johnson.

Inihayag din ang naging deals kina free agent forwards Tyler Cook at Alize Johnson at guards Matt Thomas at Ethan Thompson.

May average 6.2 points si (Stanley) Johnson sa Detroit, New Orleans at Toronto mula nang ma-draft ng Pistons bilang eighth overall pick noong 2015.

Nag-average siya ng 4.4 sa 61 games sa Toronto noong nakaraang season, na ikalawa niyang season sa team.

Habang si Cook, 4.0 points at 2.4 rebounds sa dalawang season niya sa Cleveland, Denver, Brooklyn at Detroit. May 2.9 points at 3.2 rebounds naman si Alize Johnson sa tatlong seasons sa Indiana at Brooklyn.

Si Thomas naman ay may average 4.0 points sa dalawang season sa Toronto at Utah, habang si Thompson na mula sa ­Oregon State ay undrafted ngayong taon.

Read More

ASIAN YOUTH GAMES KANSELADO

0

HINDI na matutuloy ang Asian Youth Games ngayong taon.

Sa halip, inoorganisa ng Olympic Council of Asia (OCA) na isagawa ito sa susunod na taon.

Nakatakda ang 3rd Asian Youth Games sa Nobyembre 2021. Ngunit ngayon ay binabalak itong gawin sa Disyembre 2022.

Wala naman pahayag ang OCA na ililipat ito ng venue, kaya malamang na sa Shantou City sa southern Guangdong, China pa rin gaganapin ang AYG.

Ang kasalukuyang COVID-19 pandemic pa rin ang itinuturong dahilan sa pagkansela sa AYG.”The move is to ensure the safety and health of athletes and all participants,” pahayag ng Shantou department na in-charge sa sports affairs sa Chinese social media.

“In view of the current situation of global COVID-19 ­pandemic, the Olympic Council of Asia, the Chinese Olympic Committee and Shantou 2021 Asian Youth Games Organising Committee have made the joint decision to reschedule the 3rd Asian Youth Games, which was due to take place in November 2021, to the new dates of 20-28 December 2022.” (ANN ENCARNCION)

Read More