3 ELITE, 1 KATROPA LILIPAT NG TEAM

0

TATLONG players ng Blackwater Elite at isa mula sa TNT ­Tropang Giga ang maglalaro sa ibang team sa pagsisimula ng 46th PBA Season sa Abril.

Ibinunyag ng isang player agent, malaki ang posibilidad na mapunta sina Mac Belo, Don Trollano, at Roi Sumang sa Tropang Giga kung walang magiging problema sa negosasyon.

Samantala, isang hindi pinangalanang player ang malamang na bitawan umano ng kanyang mother team bago magsimula ang first conference.

Tumangging magbigay ng dagdag na detalye ang source kung ang player na tinutukoy ay may live o expiring contract. (ANN ENCARNACION)

Read More

CJ PEREZ GUSTONG SULUTIN NG BEERMEN

0

DESIDIDO ang San Miguel Beer na makuha si 2018 top rookie pick Christian Jaymer “CJ” Perez mula sa Terrafirma Dyip.

Nabatid mula sa isang beteranong player agent, gusto ng Beermen na magdagdag ng shooter at athletic young player lalo’t maraming may edad na at injured sa kanilang team.

Maging si SMB coach Leo Austria ay aminadong kailangan na ng rebuilding ng koponan matapos mabigong depensahan ang Philippine Cup crown sa nakaraang PBA bubble sa Clark, Pampanga.
“Ang tanong ay kung anong puwedeng ibigay at kung sino ang puwedeng makapalit?” sambit ng agent.

Pang-walong pick ang Beermen sa 2021 PBA Rookie Draft sa unang round at kasunod na pipili sila sa ika-38 puwesto na.

Nauna nang ibinalita sa social media ni Snow Badua ang tungkol sa pagnanais ng SMB na makuha ang serbisyo ni Perez:

“Sources from inside SAN MIGUEL CAMP told me that they are still waiting for the execution of trade to get CJ PEREZ.­Waiting na lang sa go signal ng mga bossing. Kumbaga sa skyway na ginagawa, tapos na pero di pa pinapadaanan.”

Read More

2022 FIBA 3×3 WORLD CUP GAGANAPIN SA ANTWERP

0

SA Hunyo 2022, sa Antwerp, Belgium isasagawa ang seventh edition ng FIBA 3×3 World Cup.

Ipinahayag pa ng FIBA, ang Belgian Basketball ­Federation ang magsisilbing host habang ang Sportizon/Golazo ang mago-organize ng event sa Groenplaats, isa sa most iconic squares sa historic district ng Antwerp.

Sa naturang siyudad dapat gagawin ang FIBA 3×3 Europe Cup 2020 ngunit nakansela ito dahil sa ­COVID-19 pandemic.

“FIBA is delighted to bring the FIBA 3×3 World Cup 2022 to Belgium,” ani FIBA ­secretary general Andreas Zagklis. “The historic district of Antwerp promises to be one of the most spectacular urban backdrops in 3×3 history.”

“We’re excited to be in such a young and dynamic city and region, for what will be the first World Cup after 3×3’s Olympic debut in Tokyo later this year,” dagdag niya.

Tig-dalawampung men’s at women’s teams ang magtatagisan sa Antwerp, ayon pa kay Zagklis.

China’s women at USA’s men ang nagkampeon sa huling FIBA 3×3 World Cup sa Amsterdam, Netherlands noong Hunyo 18-23, 2019.

“The FIBA 3×3 Basketball World Cup will allow Flanders to get to know a young and dynamic Olympic discipline,” saad ni Flemish Minister for Sport Ben Weyts.

“This hip and urban form of sport and exercise will stimulate and inspire young people even more. I strongly believe that the World Cup will offer an added value for the further development of basketball in Flanders,” sabi pa niya.

Read More

SASABAK SA 31st SEAG ONLINE TRAINING MUNA

0

MANANATILI sa online training ang mga atletang sasabak sa Southeast Asian Games ngayong taon sa ­Vietnam.

Tanging ang mga Filipino athletes na naghahanda sa ­Tokyo Olympics ang nasa bubble ­training sa Calamba, Laguna.

Sa PSA Forum videocon kahapon, sinabi ni National training director Mark Velasco, nilalakad pa ng Philippine Sports Commission (PSC) sa AITF na mabigyan ng clearance na makapag-face-to-face training na rin ang SEA Games-bound athletes.

“We need the IATF ­clearance for that. (PSC) Commissioner Ramon Fernandez (SEA Games chef de mission) is working on that,” lahad ni Velasco.

Mga qualified at mga sasalang sa qualifiers ang binigyan ng clearance ng AITF sa bubble training sa Inspire Sports Academy.

Sina Olympic-bound ­athletes gymnast Caloy Yulo, pole vaulter EJ Obiena, boxer Eumir Marcial ay pawang nasa abroad. Habang si weightlifter Hidilyn Diaz ay nasa Malaysia at doon naghahanda.

Ayon kay Velasco, halos 60 katao ang mananatili sa Calamba bubble, kasama na ang mga atleta at coach ng boxing, karatedo at taekwondo, na pawang naghahanda para sa Olympic qualifiers hanggang Hunyo.

“We have to prioritize the safety of everybody. I think everybody (SEA Games rivals) is in the same situation. Health is our primary concern. November may still be far but for an athlete preparing

for the SEA Games that’s near,” komento naman ni Richard Lim, president ng Karate Pilipinas Inc. na panauhin din sa forum na suportado ng San Miguel Corp., Go For Gold, MILO, Amelie Hotel Manila, Braska Restaurant at Philippine Amusement and Gaming Corporation (PAGCOR).

Idinadag ni Velasco, pagdating ng vaccines ay papayagan na ring mag-open training ang mga atletang kakatawan sa Pilipinas sa biennial meet sa Hanoi.

At dahil wala ring ­international exposures ang mga atleta, mas mahabang ­preparasyon ang kinakailangan para maidepensa ang SEA Games crown.

“That’s why we are planning the best timetable for them. With no foreign exposure we need longer training cycles,” pagtatapos ni Velasco.

Read More

SMBeer coach Leo Austria: ‘Babangon kami!’

0
SPORTS FEATURE Ni EDDIE ALINEA

NAGKAROON ng reputasyon ang San Miguel Beermen na nakababalik sa tuwing sila’y malulugmok sa pagkatalo mula pa noong 45 taon na ang nakalilipas, nang sumama ang koponan sa walong prangkisang humiwalay sa ranggo ng amatyur at nagtayo ng PBA, ang kauna-unahang liga propesyonal sa bansa at sa Asya.

Ito ang pagkilalang inaasahan ni coach Leo Austria na magdadala sa Beermen para muling makabangon sa pagkawala nila sa trono ng PBA Philippine Cup na limang taon nilang tinamasa mula noong 2014.

Ang Beermen, sa katunayan ay inihahalintulad sa Boston Celtics ng US NBA, ang ­koponang dati ay may pinakamaraming koronang napanalunan sa pinakatanda at pinaka-prestihiyosong liga propesyonal sa daigdig na 17, bago sila natablahan ­kamakailan ng Los Angeles Lakers sa katatapos lang na 2020 bubble.

Mula noong ang prangkisang pag-aari ni businessman-sportsman Ramon S. Ang ay pagharian ang All-Filipino noong 1979, limang taon matapos ipanganak ang PBA, ang SMB na noon ay dala ang bandila ng Royal Tru-Orange, ay dinomina na ang liga bilang kampeon ng 27 na beses, pinakamarami sa ­kasalukuyang 12 koponang bumubuo ng liga.

Nakoronahan din sila ng pangalawa lamang na Grand Slam noong 1989 nang ang Beermen na hawak noon ni coach Norman Black, na ­mentor ngayon ng Meralco, ay mawalis ang lahat ng ­tatlong torneo kabilang ang ­All-Filipino, kasunod ng ­maalamat na Crispa Redmanizers.

Ang All-Filipino, na ngayon ay tinatawag na Philippine Cup, ang tinapay at mantekilya ng Beermen kung saan sila ang nag-kampeon ng siyam na beses, kabilang ang limang sunod bago sila nahubdan ng titulo ngayong taon ng sister team Barangay Ginebra.

Maraming beses din namang nahulog sa hukay ng pagkatalo ang SMB sa Philippine Cup, tulad sa katatapos lang na season.

Subalit hindi nababahala si coach Leo Austria.

“We’ve been in this ­situation many times before and San Miguel always rise after falling flat,” pagtatapat ni coach Leo sa reporter na ito sa isang panayam noong nakaraang lingo. “We have a saying, you can’t win ’em all. Ganyan ang buhay sa sports.”

“May kasabihan din na failure is just a reminder from Someone up there na baka ­medyo nalilihis tayo ng landas na ating dinadaanan,” pamimilosopo ni Austria.

“I take this failure of ours na paalala from Someone up there na dapat na tayong mag-isip kung saan tayo nagkamali,” aniya. “Wala pa kaming napag-uusapan ng management kung ano ang susunod naming hakbang.”

“We haven’t met yet. Abala lahat sa holidays. Nanalo ang Ginebra, so, party dito, party doon. Next tournament, hopefully is April pa naman. ”

“But sa team, we already know what we lacked that have to be addressed,” paniguro ni coach. “Our biggest problem was the absence of June Mar (Fajardo) that we thought we could easily solve because we were defending the All-Filipino.”

“Besides missing our most lethal weapon, talagang na-realize namin na kulang kami sa tao,” obserbasyon niya.

Ang hard core ng Beermen ay sina Arwind Santos, Alex Cabagnot, Chris Ross, and Marcio Lassiter na nakapaglalaro na mula 35-40 minuto kasama ng mga batang sina Mo Tautuaa, Von Passumal at Paul Zamar.

“Pero kapag nilabas ko ang sinuman sa core, wala nang kapalit,” wika niya. “So, that’s what we will be addressing immediately when to resume preparations.”

“What I can promise our fans though is, babalik kami! Babangon kami!” deklara ni Austria.

Ang Beermen sa ngayon ay tulad ng Braves noong amatyur pa. In their old. Hindi sila nagtatapon ng manlalaro nang ganoon na lang.

“Ano nga ba ang liga kung sala ang San Miguel?” Tanong ng kanilang fans.

Sila na lamang ang koponan na hanggang sa mga oras na ito ay nasa PBA pa makaraan ang higit apatnapung dekada mula nang ang liga ay magkabuhay noong 1975.

Sabi nga ng PBA fans: “You beat anyone in the present PBA 12 team cast and everybody would say, ‘Who?’ You beat the San Miguel Beermen and ­everybody would say: ‘Wow!'”

Read More

Handa na si Eumir sa unang laban bilang pro

0

MASUSUBOK na kung hanggang saan aabot si Filipino Olympic qualifier Eumir Marcial sa kanyang ­napiling propesyon at pangarap na maging pandaigdigang kampeon sa middleweight.

Higit sa lahat, susubukan din ng 25-anyos na Zamboangueno kung may kapasidad siyang handugan ang Pilipinas ng kauna-unahang gintong medalya galing sa Olimpiyada.

Haharapin ni Marcial, kasalukuyang nasa Amerika na tinatawag na lupain ng tamis at pulot-pukyutan, na napili niyang lugar para ­maghanda para sa Tokyo Games at sa laban kontra ­Andrew Whitfield sa LA Microsoft Theater sa Los Angeles.

Apat na rounds ang paglalabanan ng dalawa sa kanilang pagtutuos (Disyembre 17 sa Maynila) para ilunsad ang prizefighting career at sukatin din ang kakayahan ni Marcial, na mabigyan ng Olympic gold medal ang bansa sa loob ng 96 taon mula noong unang lumahok ang Pilipinas sa Olimpiyada noong 1924 sa London.

Nakahanda na si Eumir para lumaban sa kanyang pro debut, proklama ng kanyang chief trainer, ang Hall of Famer na si Freddie Roach, trainer din ng kababayang si eight-division world champion Many Pacquiao, na ngayon ay senador na at may-ari ng MP Promotions.

Ito ay sa kabila ng dalawang buwan lamang na page-ensayo niya sa ilalim ng pamamahala ni Roach sa kanyang Wild Card Gym sa LA.

“Eumir is ready for his pro debut. He is a good kid. Very polite, mature, and professional. And boy can he fight!” bulalas ni Roach, pitong beses ginawaran ng karangalang ‘Trainer of the Year’ ng Boxing Writers ­Association of America.

At sapagkat hindi naman niya ikinahihiyang ­ikumpisal na idolo niya si Pacman, sinadya man o hindi, ang araw ng laban ay araw na ipagdiriwang din ni Manny ang kanyang ika-42 taong gulang.

Bago ang pagtutuos, papasok si Pacquiao at Whitfield sa bubble ngayong araw (Linggo sa Maynila) bilang bahagi ng pag-­iingat para hindi mahawa ng ­COVID-19.

“Mabuti na po ang ­nagi-ingat, malapit na ang napaka-importanteng laban sa boxing career ko, baka ngayon pa ako dapuan ng covid,” pahayag ni Marcial sa SAKSI NGAYON sa isang panayam noong Sabado.

Sumasailalim din ang talentadong Pinoy sa swab testing kada dalawang araw mula noong nakaraang dalawang linggo.

Read More

Sino maghaharap sa 2020 PBA All-Filipino Finals?

0

PAGPAPASIYAHAN ngayong araw ng apat na koponang semifinalists – Barangay Ginebra, Talk ‘N Text, ­Meralco at Phoenix Super LPG – kung alin sa kanila ang maiiwan para magharap sa ­kampeonato ng 2020 PBA Philippine Cup bubble.

Nangyari ito matapos malusutan ng Tropang Giga ang Fuel Masters, 102-101 at ng Bolts ang Gin Kings, 83-80, noong Miyerkoles sa Game 4 ng kani-kanilang best-of-five Final Four series para maitabla at palawigin ang serye sa sukdulang limang laro.

Tabla na ang Tropang Giga at Fuel Masters at ang Gin Kings at Bolts, 2-2, tungo sa pagpapatuloy ng semis mamayang gabi sa Clark bubble.

Ang pagwawagi ng Tropang Giga laban sa Fuel Masters ay nagsilbing hudyat na ang mga bata ni coach Bong Ravena ay wala pang intensiyong tapusin ang siyam na taong paghihintay para malasap muli ang tamis ng tagumpay sa All-Filipino ­Conference, na huli nilang natikman noon pang 2011.

Ito ay sa dulo ng kanilang tatlong sunod na panalo ng korona ng All-Filipino para magawaran sila ng permananteng pagmamay-ari ng June Bernardino Trophy bilang paggunita sa alaala ng ngayo’y namayapa nang PBA Coimmissioner.

Ang TNT ang una sa dalawa pa lamang na koponang nagawaran ng nasabing parangal matapos maibigay ito sa San Miguel Beermen ng dalawang pagkakataon mula Season 2017-18 hanggang Season 2019.

Hudyat din ito ng Grupo ni businessman-sportsman Many V. Pangilinan (MVP) na ituloy ang misyon na maagaw sa Grupo ni Ramon S. Ang (RSA) ng SMC ang dominasyon nito sa Philippine Cup sa loob ng nakaraang walong taon. At ang paghahari ng tatlong koponang pag-aari ng SMC – Beermen, Gin Kings at ngayo’y Magnolia Hotshots Pambansang Manok – sa lahat halos ng torneong ginanap mula noong dekada 2000 hanggang noong nakaraang taon.

Sa kabilang dako, masamang balita naman ang ipinahatid ng Gin Kings sa tangka ng MVP Group na agawin ang dinastiyang naitayo ng RSA Group. Layon din kasi nito na manatili sa paghahari ng ­kumpanya sa kauna-unahang liga propessyonal sa bansa at maging sa Asya.

Kung magwawaging muli ang TNT at Meralco mamaya sa huling kabanata ng PH Cup Final Four, ito ang magsisilbing katuparan ng pangarap ni Boss MVP na makopo ng dalawa niyang koponan ang Finals. Kapag nagkaganoon ay tiyak wala nang kawala ang korona kahit sino man sa Tropang Giga o Bolts ang tanghaling bagong kampeon.

Ang tanong: Papayagan naman kaya ito ng Gin Kings na mangyari?

ABANGAN!

Read More

NATURALIZATION NI KOUAME NG ATENEO BLUE EAGLES, ISINULONG SA SENADO

0

INIHAYAG ni Senador Sonny Angara na kanyang inihain ang isang panukala upang gawing naturalized Filipino si Angelo Kouame ng Ateneo Blue Eagles para matiyak na malakas ang koponang Pilipinas sa pagsabak nito sa 2023 World Cup.

Sa pahayag, sinabi ni Angara na layunin ng panukala na maging solido at mapagtibay ang koponan ng Pilipinas sa naturang torneo.

Ayon kay Angara, chairman ng Samahang Basketbol ng Pilipinas (SBP), may counterpart na ang Senate Bill No. 1982 sa Kamara, ang House Bill No. 5951 na inihain ni SBP Vice Chairman Rep. Robbie Puno ng Antipolo City.

Nauna rito, inendorso ni Angara ang agarang pagpapasok kay Kouame ng Ivory Coast sa Gilas Pilipinas kaakibat ng panukalang Philippine citizenship para rito.

“Nakita natin ang galing, husay at tagumpay ni Kouame bilang miyembro ng Ateneo Blue Eagles sa loob ng tatlong taon. At sigurado tayo na sa mga darating na panahon, mas magiging matindi pa ang kanyang husay sa laro. Hindi pa ito ang sukdulan ng kanyang talento kaya, dapat ay bigyan natin siya ng sapat na suporta,” ani Angara.

“Mula 2016, dito na nanirahan sa Pilipinas si Ange at nakikita natin sa kanya ang sinseridad na makatulong na paunlarin ang Philippine basketball,” dagdag pa ng senador.

Sa edad na 20, inaasahang mapapabilang sa naturalized players ng Gilas Pilipinas si Kouame at sa kalaunan ay maging miyembro ng national team at maging professional player sa darating na panahon.

Sa kanyang istadistika sa nakaraang Season 82 ng UAAP, makikita ang husay ni Kouame na nakapagtatala ng 12.5 points average; 11.8 rebounds; 2.9 blocks at 1.4 assists, na naging malaking bahagi ng 16-0 sweep ng Ateneo.

Matatandaan na sa mga nakaraang taon, ilang dayuhang manlalaro rin ng basketball ang sumailalim na sa naturalization.

Kabilang sa mga ito sina Marcus Douthit at Andray Blatche na kapwa nagbigay ng malaking tagumpay sa koponang Pilipino.

“Alam naman nating lahat na dumaranas ang buong mundo ng matinding pagsubok. At isa ang sports, partikular na ang basketball sa mga nagpapasigla sa atin. Ang NBA, kailan lang, nakapagtapos ng isang season kaya ibinabalik na rin natin ang PBA. Nakakatuwang makita muli ang Gilas Pilipinas na balik-aksyon, kasama ang mga manlalarong tulad ni Kouame. Malaking pag-asa ito sa estado ng Philippine basketball,” lahad pa ni Angara. (ESTONG REYES)

Read More

“Walang dapat ikahiya!”

0

ITO ang mensaheng ipinarating ni Pilipino-Amerikanong coach na si Erik Spoelstra sa mga miyembro ng Miami Heat, sa kanilang mga taga-sunod at sa media sa aniya’y bigong kampanya nila sa 2020 NBA.

Naging emosyonal ang malambot magsalitang si Spoelstra sa paglalarawan ng madawag na daang tinahak ng kanyang koponan sa NBA Finals bubble na natapos noong Linggo, kung kailan natamo ng Los Angeles Lakers ang kanilang ika-17 titulo.

Ang malayong agwat ng resulta ng Game 6 sa pitong larong serye ay hindi inaasahan ni Spo at ng kanyang mga manlalaro, bagamat ang pagiging pangalawang pinaka-magaling na koponan sa daigdig ay hindi rin matatawaran.

Pumanglima ang Heat sa regular season at walang umasa na papasok sila sa post season playoffs. Sabihin ng himala, nakuhang madala ni coach Spo ang koponan sa playoffs kung saan tinablahan pa nila ang Lakers sa panalo-talong record na 12-3 matapos walisin ang Indiana Pacers, 4-0, sa first round ng best-of seven.

Ang Milwaukee Bucks ang nangunang koponan sa regular season, 4-1, ganoon din ang Boston Celtics, 4-1.

Umabante ang tropa ni coach Spo sa Finals para katawanin ang Eastern Conference kontra Lakers, na binigo naman ang tangka Portland Trailblazers, Houston Rockets at Denver Nuggets para katawanin ang Western Conference sa Finals.

Ang pagkatalo ng Heat, para kay Spo na ang inang si Elisa Celino ay tubong San Pablo City, Laguna, ay hindi kailanman magiging batik sa layo ng kanilang inabot.

“These are going to be lifetime memories that we have together,” anang Fil-Am coach sa media nang sumalang siya sa tradisyonal na post game press conference.

“Regardless of whatever happens in the future, we’re going to remember this year, this season, this experience and that locker-room brotherhood for the rest of our lives,” wika niya. “You’re in this business to be around people like this. And I can go on and on.”

Pagtatapat ni Spoelstra, two-time NBA champion, kung paanong ang kanyang mga manlalaro, sa kabila ng mga pinsalang natamo, ay isinulong pa rin ang kanilang sarili sa laban, at ginawang halimbawa sina Bam Adebayo at Goran Dragic na hindi nakalaro ng ilang beses sa Finals.

“That’s how this group was,” ani Spoelstra na nangailangan pang punasan ang luha sa kanyang mga mata bago sagutin ang mga katanungan ng media. “They wanted to do it for each other. I’m just really bummed that we couldn’t find a way to get over the hump and finish the season with the win. That’s not to take anything away, though, from the Lakers,” paglilinaw niya.

“It was great to share this stage with them. Congratulations on the championship. They earned it. They earned it in this series.”

Pinasalamatan ni coach Spo ang lahat ng nasa likod ng liga sa tagumpay sa bubble na idinaos sa Lake Buena Vista sa Florida, sa gitna ng COVID-19 pandemic.

“To be a part of something as historic as this to continue our season, we felt — we feel — honored and grateful that we were able to be a part of this,” sabi pa ng Heat head coach.

Read More