MAYORYA SA SENADO IDINIIN SI ALBAYALDE SA NINJA COPS

(NI DANG SAMSON-GARCIA)

MAYORYA na ng mga senador ang lumagda sa report ng Senate Blue Ribbon at Justice Committees hinggil sa isyu ng ninja cops na may kinalaman sa anti-drug operation ng mga awtoridad sa Pampanga noong November 2013.

Ayon kay Senador Richard Gordon, 14 sa 17 miyembro ng komite ang lumagda sa report.

“Right now, there are 14 of the 17 members of the blue ribbon committee who have signed. Si (Senator Lito) Lapid hindi pumirma, si (Senator (Leila) de Lima hindi pumirma, si (Senator Francis) Pangilinan pipirma pero nasa Amerika,” saad ni Gordon.

“So that’s very, very solid. Ang nag-imbestiga niyan sina (Minority Leader Franklin) Drilon, (Senate President Vicente III) Sotto, ako, Senator (Panfilo) Lacson,” dagdag nito.

Sa committee report, binigyang-diin na maituturing na ‘very liable’ si resigned PNP chief Oscar Albayalde sa kasong graft na may kinalaman sa mga iregularidad sa drug raid.

Posible aniyang kasuhan si Albayalde ng paglabag sa Section 3 (a) ng Republic Act 3019 o Anti-Graft and Corrupt Practices Act nang tangkain nitong impluwensyahan sina Philippine Drug Enforcement Agency director general Aaron Aquino at dating CIDG deputy chief Rudy Lacadin hinggil sa kapalaran ng mga pulis na sangkot sa operasyon.

Iginiit ni Gordon na ang naging aksyon ni Albayalde ay paglabag sa mga regulasyon.

Maaari aniya itong sampahan ng paglabag sa Section 27 ng Republic Act 9165 o Comprehensive Dangerous Drugs Act of 2001 dahil sa naging iregularidad ng kanyang mga tauhan bagama’t wala pang direktang ebidensya laban sa kanya.

Binigyang-diin din ng senador ang pagbibigay proteksyon ni Albayalde sa mga pulis na sangkot sa buy-bust.

Kasabay nito, nagtataka naman si Gordon sa pahayag ni DILG Secretary Eduardo Ano na walang nakitang ebidensya laban kay Albayalde.

“Hindi nila makita ang ebidensiya. Pambihira naman, kitang-kita naman na command responsibility. Hindi lang command responsibility. Idi-dismiss na nga ‘yung mga pulis, e dinemote na lang,” diin nito.

Binigyang diin pa ni Gordon na hindi naman abogado si Año at hindi rin ito ang batas.

 

Please follow and like us:
Read More

ALBAYALDE NAGSUMITE NG AFFIDAVIT SA DOJ

(NI HARVEY PEREZPHOTO BY KIER CRUZ)

LUMUTANG si retired PNP Director General  Oscar Albayalde at P/Major  Rodney Baloloy IV sa pagpapatuloy ng preliminary investigation  sa re-investigation ng  Pampanga drug raid noong 2013.

Nagsumite ng kanyang counter affidavit si Albayalde na kanyang pinanumpaan sa panel of prosecutors sa Department of Justice, ngayong Martes, sa pagpapatuloy ng kaso sa umano’y pagkakasangkot nito sa kontrobersiyal na Ninja cops.

Maging si Baloloy na nagsumite rin ng kanyang counter affidavit.

Matatandaan na unang itinanggi ni Albayalde ang alegasyon na pinoprotektahan niya ang 13 Ninja cops.

Hindi naman nag usap si Baloloy at Albayalde at tiningnan lamang nito ang una.

Muling itinakda sa Nobyembre 11 ang preliminary investigation sa kaso.

 

Please follow and like us:
Read More

‘FAELDON DAPAT MATULAD SA KAPALARAN NI ALBAYALDE’

faeldon1

(NI DANG SAMSON-GARCIA)

HINIMOK ni Senador Kiko Pangilinan ang gobyerno na dapat tiyaking matulad sa naging kapalaran ni dating PNP chief Oscar Albayalde ang rekomendasyon laban kay dating Bureau of Corrections (BuCor) Director General Nicanor Faeldon hinggil naman sa sinasabing iregularidad sa implementasyon ng Good Conduct Time Allowance (GCTA) for sale.

Ayon kay Pangilinan, suportado niya ang report ni Senate Blue Ribbon Committe Chairperson Richard Gordon kaugnay sa isyu ng ninja cops dahil malinaw na may cover-up.

“I agree na talagang may pananagutan si Albayalde sa nangyari at sa halip na sagutin nya ang mga paratang sa kanya, sabi nya na pinupulitika siya. Hindi nya sinasagot bakit pinagtakpan nya. Totoo bang sinabi nyang ‘wag silang sibakin? Hindi nya sinasagot,” saad ni Pangilinan.

Gayunman, dapat na rin anyang magkaroon ng rekomendasyon sa imbestigasyon kay Faeldon at sa iba pang Bucor officials na isinasangkot sa iba’t ibang anomalya.

“Ang gusto kong i-follow up kelan ang GCTA,” diin ni Pangilinan.

“Sana kasi yun ang nauna pero parehong mahalaga, parehong importante pero sana hindi na magtagal. Lumabas na rin ang report and findings sa GCTA at pananagutan ni Faeldon,” dagdag ng senador.

“Kaya kung ano ang pagsuporta ko sa findings ng ninja cops, ganun din sa rekomendasyon sa GCTA. Kung yung 2013 ninja cops ganito ang findings, dapat balikan din natin ang P6.4 billion drug shipment, at ang GCTA,” diin pa nito.

 

Please follow and like us:
Read More

ALBAYALDE GUILTY SA GRAFT, DRUGS NG NINJA COPS – GORDON

gordon12

(NI NOEL ABUEL)

PINAKAKASUHAN ni Senador Richard Gordon ng kasong kriminal at administratibo si Philippine National Police (PNP) Director General Oscar Albayalde hinggil sa kontrobersyal na ninja cops issue o mga pulis na nagre-recycle ng ilegal na droga mula sa mga operasyon.

Sa inilabas na draft committee ni Senate Blue Ribbon Committee chair Richard Gordon, inirekomenda ng komite na makasuhan ng paglabag sa Comprehensive Dangerous Drugs Act of 2002 at Anti-Graft and Corrupt Practices Act si Albayalde.

Ito’y dahil umano sa nangyaring iregularidad sa police anti-drug operation noong Nobyembre 2013 sa Mexico, Pampanga kung saan nagsilbing provincial director si Albayalde.

Binanggit ni Gordon ang seniority, moral superiority at competence ni Albayalde at iginiit na hindi siya aabot sa pagiging general kung wala siyang alam sa kontrobersya.

“Hindi naman siya aabot ng general kung wala siyang alam. I think he is very liable,” giit ni Gordon

Maituturing aniyang graft ang pagtawag ni Albayalde kay noo’y PNP Region 3 Director Aaron Aquino at dating CIDG Deputy Chief Rudy Lacadin kaugnay sa kapalaran ng 13 pulis na sangkot sa operasyon dahil tinangka nitong kumbinsihin ang dalawang opisyal.

Inusisa rin umano sana ng hepe ang sitwasyon ng kanyang mga tauhan habang isinasagawa ang raid maging ang mga suspek na naaresto at ang address at may-ari ng bahay na sinalakay at dapat humingi ng detalyadong report sa halip na paniwalaan ang ulat ni Police Major Rodney Baloyo IV.

Sa kabila nito, nakasalalay ani Gordon sa Office of the Ombudsman at Department of Justice kung masasampahan ng kaso si Albayalde.

“He is liable for anti-graft and that would be up to Ombudsman or Department of Justice by reason of his seniority, his moral superiority, his competence,” sabi nito.

Magugunitang nagsagawa ng buy-bust operation si Baloyo at 13 pulis Pampanga na sina Senior Inspector Joven de Guzman Jr.; Senior Police Officer 1 Jules Maniago; Senior Police Officer 1 Donald Roque; Senior Police Officer 1 Ronald Santos; Senior Police Officer 1 Rommel Vital; Senor Police Officer 1 Alcindor Tinio; Senior Police Officer 1 Eligio Valeroso; Police Officer 3 Dindo Dizon; Police Officer 3 Gilbert De Vera; Police Officer 3 Romeo Guerrero Jr.; Police Officer 3 Dante Dizon; at Police Officer 2 Anthony Lacsamana, na pawang miyembro ng Provincial Anti-Illegal Drugs Special Operation Task Force ng Pampanga Provincial Police Office  noong  Nobyembre 29, 2013 sa Woodbridge Subdivision, Lakeshore View, Pampanga.

Iniulat ng mga ito na nasa 36 kilo  ng shabu ang nasabat ng mga ito subalit nang magsagawa ng imbestigasyon si dating CIDG chief at ngayo’y Baguio City Mayor Benjamin Magalong ay natuklasang mahigit sa 200 kilo  ang tunay na nasabat na shabu.

Maliban dito, tinangay rin umano ng mga ito ang sinasabing drug lord na si Johnson Lee, isang Korean national at pinakawalan matapos magbayad ng P50M.

 

Please follow and like us:
Read More

INTEL NI DUTERTE PUMALPAK KAY ALBAYALDE

(NI BERNARD TAGUINOD)

PUMALPAK ang intelligence ni Pangulong Rodrigo Duterte kay Gen. Oscar Albayalde nang italaga niya ito bilang hepe Philippine National Police (PNP) noong nakaraang taon.Sa press briefing, sinabi ni Bayan Muna party-list Rep. Ferdinand Gaite na napatunayan na hindi gumana ang intelligence network ni Duterte kay Albayalde dahil hindi nito naamoy ang kontrobersyang kinasasangkutan nito sa ‘ninja cops’ ng Pampanga noong 2013.

“Laging sinasabi ni Presidente Duterte, magaling ang intelligence ko, bakit hindi niya namalam na si Albayalde pala ay tao niya ang mga ninjan cops sa Pampanga eh 2013 pa nangyari yan,” ani Gaite.

Magugunita na isang buwan bago ang retirement ni Albayalde ay nabunyag na mga tao nito ang Ninja cops sa Pampanga na nangupit ng shabu na kanilang nahuli at pinalaya umano ang inarestong Korean national kapalit ng P50 Million.

Dahil sa nasabing kontrobersya, maagang iniwan ni Albayalde ang pamumuno sa PNP at naghihintay na lamang ito ng kanilang retirement age sa Nobyembre 8, para tuluyang magretiro sa serbisyo.

NEXT PNP DI DAPAT ‘MAKE-UP ARTIST’ KUNDI PLASTIC SURGEON

Samantala, sinabi naman ni ACT-CIS party-list Rep. Eric Yap na hindi dapat isang make-up artist kundi plastic surgeon ang susunod na PNP chief upang maibangon ang imahe ng organisasyon.

“Medyo hindi naging maganda itong mga nakaraang linggo para sa imahe ng PNP. Hindi natin kailangan ng susunod na PNP Chief na make-up artist at tatakpan lang pansamantala yung pangit sa imahe, ang kailangan natin is a plastic surgeon, permanent solution”, ani Yap.

Ayon sa mambabatas, hindi lamang umano dapat magaling sa paglaban sa kriminalidad at mapanatili ang peace and order sa bansa ang dapat italaga ni Pangulong Duterte na susunod na PNP chief kundi magaling din ito sa paglilinis sa mga scalawags na miyembro ng organisasyon.

Sa ngayon ay hindi pa pinapangalanan ni Duterte ang susunod na PNP chief na papalit kay Duterte dahil sa kasalukuyan ay OIC o Officer in Charge lamang ang namumuno sa PNP sa katauhan ng Lt.Gen. Archie Gamboa.

Please follow and like us:
Read More

PAMUMUNO NI DELA ROSA MAS EPEKTIBO KAY ALBAYALDE

(NI AMIHAN SABILLO)

MAS epektibong nagagampanan ng PNP-IAS ang tungkulin noong panahon ni dating PNP Chief at ngayon ay Senador Ronald Bato dela Rosa kumpara sa pamumuno ng umalis na PNP chief Oscar Albayalde.

Ito ang pag-amin ni PNP-IAS Inspector General Alfegar Triambulo, noong panahon ni Delarosa, dinidirekta nila ang kanilang mga desisyon sa mga kaso ng mga nagkasalang pulis sa PNP Chief, at pinipirmahan ito ni Delarosa ora-mismo para agarang maipatupad.

Subalit nagbago umano ang sistema at sa halip na dumeretso ang kanilang mga desisyon sa PNP chief ay dumadaan muna ito sa Discipline and Law and Order Division o DLOD ng Directorate for Personnel amd records management o DPRM Kaya nababalam o napapatagal ang proseso.

Sinabi pa ni Triambulo, dahil dito, 30 porsyento lang ng kanilang desisyon ang na-implement at ang iba ay na-reverse pa.

Iginiit pa ni Triambulo, mas makabubuti kung ihiwalay na sa PNP ang IAS, at isailalim sa DILG, at bigyan sila ng ‘adjudicatory’ power upang maging final and executory na ang kanilang mga desisyon.

Dagdag ni Triambulo, kung mapapasailalim sa DILG ang IAS, ay mababantayan na rin ang Bureau of Fire Protection at Bureau of jail management and penology na walang mga sariling internal affairs service sa kasalukuyan.

Ang PNP internal affairs service ang nag-iimbestiga sa mga kaso ng katiwalian o kapabayaan sa trabaho ng mga pulis, at nagrerekomenda ng kaukulang parusa.

Please follow and like us:
Read More

LACSON, NALUNGKOT SA KAPALARAN NI ALBAYALDE

(NI DANG SAMSON-GARCIA/PHOTO BY DANILO BACOLOD)

NANLULUMO si Senador Panfilo ‘Ping’ Lacson na may mga graduate ng Philippine Military Academy (PMA) ang kinain na ng sistema ng katiwalian.

Ang pahayag ni Lacson ay kasabay ng kanyang reaksyon sa pagbibitiw ni PNP chief Oscar Albayalde makaraang masangkot sa kontrobersiya ng ninja cops.

“I do not mean to cast judgment on Gen Albayalde’s character with the preceding statement. Rather, it is only to reiterate the sad reality that many PMA graduates have been eaten by the corrupt and corrupting system of law enforcement,” saad ni Lacson.

Aminado si Lacson na magkahalo ang kanyang emosyon sa pagbitiw ni Albayalde na para sa kanya ay hindi naman tuluyang maglalayo sa PNP sa kontrobersiya ng ninja cops.

“I have mixed feelings about the way PGen Oscar Albayalde, now ex-CPNP has abruptly ended his police service more than three weeks before his compulsory retirement. His statements prior to his formal announcement today to relinquish command of the 190,000 strong police force have somehow diminished the redeeming value of his intent to spare the PNP from the so-called ‘ninja cops’ controversies,” diin ni Lacson.

“Being a PMA graduate myself, I feel sad whenever fellow PMAers slug it out publicly over issues that hit the very core of the unique and exclusive cadet honor system which has nurtured us for four arduous years to prepare ourselves to resist the moral challenges and temptations once we step out of the Academy,” dagdag pa nito.

Kasabay nito, pinuri naman ni Lacson si Mayor Benjamin Magalong gayundin si ret Gen Manuel  Gaerlan at iba pang retiradong heneral na humarap sa pagdinig ng Senado sa paglalantad na hindi anya nangunsinti sa kalokohan ng ilan ding kasamahan.

 

Please follow and like us:
Read More

ALBAYALDE POSIBLENG KASUHAN VS DROGA 

albayalde

(NI DANG SAMSON-GARCIA)

BUKOD sa negligence at graft, maaari ring ipagharap si resigned PNP chief Oscar Albayalde ng kasong paglabag sa Republic Act 9165 o Comprehensive Dangerous Drugs Act of 2002.

Ito, ayon kay Senate Blue Ribbon Committee chair Richard Gordon, sa pagpapaliwanag na maaaring may paglabag si Albayalde sa Section 27 ng batas.

“Criminal Liability of a Public Officer or Employee for Misappropriation, Misapplication or Failure to Account for the Confiscated, Seized and/or Surrendered Dangerous Drugs, Plant Sources of Dangerous Drugs, Controlled Precursors and Essential Chemicals, Instruments/Paraphernalia and/or Laboratory Equipment Including the Proceeds or Properties Obtained from the Unlawful Act Committed,” nakasaad sa section 27 ng batas.

Alinsunod sa probisyon, posibleng maharap sa life imprisonment hanggang kamatayan at multang mula P500,000 hanggang P10,000,000 bukod pa sa absolute perpetual disqualification sa public office ang sinumang public officer o employee na masasangkot sa misappropriation, misapplication o mabigong  i-account ang mga nakumpiskang droga sa operasyon.

Nangako naman si Gordon na posibleng ilabas na nila ang committee report na may kinalaman sa ninja cops sa Miyerkules o Huwebes.

Tiniyak ng senador na bibigyan nila ng kopya ng report si Pangulong Rodrigo Duterte para sa kaukulang aksyon nito.

Kasabay nito, hinamon ni Gordon ang Ombudsman, Department of Justice at Department of the Interior and Local Government na huwag balewalain ang resulta ng kanilang imbestigasyon at papanagutin ang mga dapat managot.

Sinabi ni Gordon na hindi lamang ang Pangulo ang madidismaya kundi maging ang buong sambayanan kung mawawalan lamang ng saysay ang imbestigasyon.

 

Please follow and like us:
Read More

PAG-RESIGN NI ABAYALDE, FAKE NEWS – PNP

albayalde

(NI AMIHAN SABILLO)

ITINANGGI ngayon ng pamunuan ng Philippine National Police (PNP) na nagbitiw na sa pwesto ang hepe ng pulisya matapos na madawit sa umnaoy maanomalyang 2013 Pampanga raid ng mga tinaguriang ‘ninja cops’.

Sa opisyal na pahayag ni PNP Chief Oscar Albayalde, na inilabas ng public information office (PIO), sinabi na isa lamang umanong smear campaign o paninira ang pagkalat ng text message na siya ay naghain ng resignation sa Pangulo.

Ilan sa pahayag ni Albayalde “I question the timing of this attack and smear campaign against me. Until now, despite the Senate hearings conducted, no hard evidence was ever presented showing that I was involved in that drug raid in Pampanga in 2013. All statements made remain allegations, insinuations, and unsubstantiated.”

Sinabi pa nito na bahala na umano ang Pangulo na mag desisyon sa mga pangyayari o kung aalis sa pwesto o mananatili hanggang sa kanyang pagretiro sa November 8.

Inihayag pa ni Albayalde na walang malinaw na batayan o ebidensya na nag-uugnay sa kanya na nakinabang umano sya sa maanomalyang drug operation.

Nilinaw din ni Albayalde na hindi nya kaibigan si retired Police General Rudy Lacadin, liban sa naging franchised ito sa kanilang negosyo na water refilling station noong 2011 kaya wala umanong katotohanan ang sinabi nito sa Senado na tinawagan nya si Lacadin hinggil sa imbestigasyon ng ‘ninja cops’ na dating mga tauhan.

“Lacadin has a lot of explaining to do and he will have his day in court.  All those police officials ganging up on me have ill motives against me and obviously all worked with the previous administration,” pahayag pa ni Albayalde.

Please follow and like us:
Read More