VOTER’S CERT DAPAT LIBRE NA – GUANZON

guanzon44

(NI HARVEY PEREZ)

IPINANUKALA ng Commission on Elections (Comelec) Commissioner Rowena Guanzon na ilibre na lamang sa publiko  ang pagbibigay ng voter’s certification sa mga registered voters na nangangailangan ng sertipikasyon.

Sinabi ni Comelec Commissioner Rowena Guanzon, inirekomenda niya sa Comelec en banc na maglabas ng polisiya at gawing libre ang pagbibigay ng naturang sertipikasyon sa mga botante.

Ayon kay Guanzon, maaarimg magamit ito ng mga mamamayan, partikular na ng mga kasambahay, bilang isang balidong identification card (ID) dahil makikita na rin dito ang kanilang larawan.
“I am proposing to @COMELEC  En Banc to pass a policy giving voter certifications for free,” anang commissioner, sa kanyang Twitter account.

Nalaman na inihain ni Guanzon ang panukala nang hindi  magustuhan ang ginagawang pagkuwestiyon ng ground crew ng isang airline sa mga kasambahay kung mayroon bang ID ang mga ito dahil napapahiya umano sila.

Sinabi ni  Guanzon, wala namang batas na nagsasabi na hindi ka maaaring sumakay ng eroplano ng walang government ID.

“I just hate it when household helpers ( kasambahay) are questioned by Philippine Airlines ground crew about their I.D.  It embarrasses them.  There is no law that says u can’t board a plane without a government ID, right?” dagdag pa ni Guanzon.

Itinigil umano ng Comelec noong  2012  ang pag-iisyu ng voter’s ID sa mga botante matapos ang panukalang pagkakaroon ng national ID system sa bansa.

Sanhi nito, para patunayan na rehistradong botante ay kinakailangan munang kumuha ng voter’s certification mula sa Comelec office.

Please follow and like us:
Read More

VOTER’S REGISTRATION GAGAWIN SA MALLS, SCHOOLS

COMELEC-5

(NI HARVEY PEREZ)

MAGSASAGAWA ang Commission on Elections (Comelec) ng voters’ registration sa mga paaralan at malls upang maabot ang mga bagong botante.

Nabatid na ang dalawang buwan na voters’ registration ay magsisimula sa  Agosto 1 hanggang Setyembre 30 mula alas-8:00 ng umaga hanggang alas-5:00 ng hapon.

Nabatid sa Twitter account ng Comelec na magkakaroon din ng   satellite registration sa loob ng mga pribadong establisimyento at   educational institutions  para mahikayat ang mas maraming tao na magparehistro.

“Comelec will be using satellite registration venues like malls and schools to ensure that the commission reaches out to new voter registrants,” ayon kay Teofisto Elnas Jr., director ng  poll body  ng  Election and Barangay Affairs Department (EBAD).

Bukas umano ang voters’ registration sa bagong botante,  Sangguniang Kabataan voters, transfer of registration at reactivation of registration.

Ayon sa Comelec, maaring magparehistro ang isang Filipino citizen, residente ng Pilipinas, at may anim na buwan nang nakatira sa lokalidad na gusto niyang botohan.

Ang aplikante ay dapat na 15-anyos bago ang Mayo 11, 2020  SK polls. Kapag regular na voter dapat na 18- anyos bago ang May 11, 2020.

Please follow and like us:
Read More

REGISTRATION SA BAGONG BOTANTE SA AGOSTO

comelec vote12

(NI HARVEY PEREZ)

INIHAYAG ng Commission on Elections (Comelec) na sisimulan sa Agosto, ang susunod na voter’s registration para sa susunod na  eleksiyon.

Binigyan-diin ni Comelec spokesperson James Jimenez, sisimulan ito sa Agosto 1 hanggang Setyembre 30 lamang.
Inaasahan nj Jimenez na aabot sa dalawang milyon na bagong botante ang magpaparehistro para makaboto sa susunod na  eleksiyon.

Sinabi ni Jimenez na  hindi na kailangan pang magparehistro ang mga Sangguniang Kabataan (SK) voters, na tutuntong sa edad na 18-anyos, dahil awtomatiko nang ililipat ng Comelec ang kanilang pangalan sa listahan ng mga botante.

“Voter registration is expected to run Aug 1 to Sept 30, 2019, inclusive of Saturdays & holidays. Appx 2M new voters are expected,” ayon kay Jimenez.

Pinaghahandaan na nila ang darating na Barangay at SK  elections sa Mayo 2020, alinsunod sa Republic Act 10952.
Magugunita na may 61 milyong rehistradong botante ang nakilahok sa  2019 midterm polls.

Please follow and like us:
Read More

DU30 HANDS OFF SA TRABAHO NG COMELEC

DUTERTE66

(NI BETH JULIAN)

HINDI panghihimasukan ni Pangulong Rodrigo Duterte ang trabaho ng Commission on Elections (Comelec).

Ito ang inihayag ni Presidential Spokesperson Salvador Panelo,  kasunod  ng pahayag ng Pangulo kamakailan na nasasamantala na ng mga mayayaman ang kandidato para sa partylist group.

Depensa ni Panelo, naghayag lamang ng kanyang pananaw ang Pangulo pero matigas ang paninindigan nito na hindi makikialam sa trabaho ng komisyon.

Ayon kay Panelo, bahala na ang Comelec kung tutugunan ang sentimyento ng Pangulo tungkol sa klase ng mga kandidatong nais na maupo sa partylist group na dapat sana ay marginalized.

Giit ni Panelo, nasa kamay na ng komisyon kung sisiliping mabuti ang mga indibidwal na gustong maging  bahagi ng Kongreso sa pamamagitan ng partylist lalo’t responsibilidad nila ang salain kung ang isang kandidato ay nabibilang sa marginalized sector o hindi.

 

Please follow and like us:
Read More

DQ, MULTA SA HINDI MAGSUSUMITE NG SOCE — COMELEC

comelec2000

(NI FRANCIS SORIANO)

NANINDIGAN ang Commission on Elections (Comelec) na papatawan ng multang P30,000 ang mga natalong kandidato sa pagka-senador na first time ngayong hindi nakapaghain ng Statement of Contributions and Expenditures (SOCE), habang P60,000 naman ang multa at habambuhay na disqualification ang parusa sa mga ikalawang beses nang hindi naghain.

Ayon kay Comelec Finance Office Director Efraim Bag-id, hindi nila bibigyan ng certification at hindi makauupo sa puwesto ang mga kandidatong hindi nakasunod sa alituntunin, kaugnay sa pagsusumite ng SOCE.

Ipinaliwanag nito na batay sa election law ay obligado ang lahat ng kandidato, nanalo man o natalo, na maghain ng SOCE na hindi lalagpas sa 30 araw, matapos ang halalan.

Gayunman, nilinaw ni Bag-id na ang mga nanalo noong halalan na hindi umabot sa deadline ay mabibigyan pa ng anim na buwang palugit mula noong sila ay naiproklama para makapagsumite ng SOCE, pero kung hindi pa rin ito makatutupad ay tuluyan na silang hindi makauupo sa puwesto o kaya ay maidedeklarang bakante ang kanyang posisyon.

 

Please follow and like us:
Read More

COMELEC DINAGSA NG MGA KANDIDATO PARA SA SOCE

comelec

(NI HARVEY PEREZ)

DUMAGSA  sa tanggapan ng Commission on Election (Comelec) ang mga kandidato para maghain ng kanilang Statement of Contribution and Expenditures (SOCE) .

Nabatid na kahapon ang itinakdang deadline ng Comelec para sa  paghahainin ng SOCE sa lahat ng mga kandidato na tumakbo sa nakalipas na mid-term elections noong Mayo 13.

Nabatid na dakong alas 12:10 ng tanghali ay nasa 18 senatorial candidates, 50 partylists, at tatlong political parties na ang nakapagsumite ng SOCE hanggang 12:10 ng tanghali ng Huwebes.

Nakasama sa mga maagang nakapagsumite ng kanilang SOCE sina reelected Senators Nancy Binay at Cynthia Villar, na naghain ng dokumento noong Hunyo 11, gayundin sina Senators-elect Pia Cayetano, na nagsumite naman noong Hunyo 12, at dating Special Assistant to the President (SAP) Secretary Christopher “Bong” Go, na sa mismong araw na ng deadline na Hunyo 13, naghain ng SOCE.

Ayon sa Comelec nanalo man o natalo ang kandidato ay kinakailangan silang maghain ng SOCE, alinsunod sa itinatakda ng batas.

Nabatid na noong  Hunyo 12 sana ang deadline sa paghahain ng SOCE pero dahil natapat ito sa regular holiday, ay pinalawig ito ng poll body hanggang nitong Hunyo 13.

Nagbabala ang Comelec na ang mga mahuhuli sa paghahain ng SOCE na mahaharap sa penalty ng mula P6,000 hanggang P10,000 depende sa posisyong kanilang tinakbuhan.

Habang pinapayagan naman ng batas na makapaghain ng naturang dokumento ang mga nanalong kandidato sa loob ng anim na buwan, matapos silang maiproklama ngunit habang hindi nila naipapasa ang kanilang SOCE ay hindi sila papayagang makaupo sa pwesto.

Magugunita na ang mga nanalong local candidates ay kaagad na naiproklama sa pwesto matapos ang eleksyon, habang Mayo 22 naman nang maisagawa ng Comelec, na tumayong National Board of Canvassers (NBOC), ang proklamasyon sa mga nanalo sa senatorial at party-list race.

Please follow and like us:
Read More

DEADLINE NG SOCE IPINAALALA NG COMELEC

comelec12

(NI HARVEY PEREZ)

BUKAS na ang deadline Hunyo (13) ng pagsusumite ng lahat ng kandidato na lumahok nitong nakalipas na mid-term elections ng kanilang   Statement of Contributions and Expenditures (SOCE).
“The Commission on Elections reminds all candidates and electoral parties who participated in the 2019 National and Local Elections to file their Statements of Contributions and Expenditures (SOCE) on or before June 13, 2019,” ayon sa paalala ng Commission on Elections(Comelec).

Ayon sa Comelec, dapat sana ay ngayon  araw, Hunyo 12, ang deadline sa paghahain ng SOCE, o isang buwan matapos ang eleksyon, pero dahil natapat ito sa Independence Day na isang regular holiday sa bansa, ginawa sa Hunyo 13 ang deadline ng paghahain ng SOCE.

Alinsunod sa Republic Act No. 7166, lahat ng kandidato na naghain ng  certificate of candidacy (COC) at mga  electoral parties ay dapat magsumite ng tamang SOCE  sa loob ng 30 araw matapos ang  halalan.

Sinabi ng  Comelec, nanalo man o natalo ang isang kandidato sa halalan ay dapat na magsumite ng SOCE ang mga ito.

Dapat umanong ilagay ng mga kandidato sa kanilang SOCE ang tinanggap nilang mga donasyon at kontribusyon, gayundin ang mga ginastos nila sa pangangampanya para sa nilahukang eleksyon.

Nagbanta ang  Comelec na ang pagkabigong magsumite ng SOCE ay may katapat na administrative sanctions laban sa kandidato at sa electoral parties.

Mas matindi naman ang sanction laban sa nanalong kandidato na mabibigong magsumite ng SOCE dahil ito ay hindi papayagang makaupo sa pwesto sa Hulyo 1, at papatawan pa ng kaukulang multa habang may kaukulang multa rin naman at parusa ang mga natalong kandidato na hindi rin magsusumite ng kanilang SOCE sa poll body at hindi na muli pang papayagang kumandidato.

Please follow and like us:
Read More

55% IBINABA NG ELECTION RELATED CASE — PNP

comelec pnp12

(Ni FRANCIS SORIANO)

KAHIT tapos na ang 2019 midtern election ay patuloy pa rin ang naitatalang karahasan ng Philippine National Police (PNP) subalit mas mababa pa rin umano ng 55% ang naitalang krimen kumpara noong 2016.

Gayunman, nagpapatuloy pa rin ang pagmonitor sa mga election related violent incidents (ERVIs) kahit tapos na ang midterm elections.

Ayon kay P/Col. Bernard Banac, tagapagsalita ng PNP, hanggang June12 pa matatapos ang election period at siya ring huling araw sa pagpapatupad ng gun ban.

Base sa talaan ng PNP na nagsimula noong January 13, umaabot sa 51 insidente ang nangyaring election incident related bago ang araw ng eleksyon o pre-election at 8 naman sa mismong araw ng halalan at isa pagkatapos ng araw ng halalan.

Dagdag pa ni Banac, mas mababa ito ng 55 percent kumpara noong 2016 national election na nakapagtala ang PNP ng 133 election related incidents.

 

 

Please follow and like us:
Read More

COMELEC SINISI; 19-M BOTO NAWALA SA PARTYLIST

comelec

(NI BERNARD TAGUINOD)

DAHIL sa “kapalpakan” ng Commission on Election (Comelec), nawalan ng mahigit 19 million boto ang party-list matapos ilagay sila ng komisyon sa likod ng balota, sa nakalipas na eleksyon.

Ito ang lumalabas sa pag-aaral ng mga mambabatas mula sa party-list group kaya hindi na umano papayagan ng mga ito na muling mailagay sa likod ng balota ang party-list candidates.

Ayon kay Ako Bicol party-list Rep. Alfredo Garbin, sa 47 million ang mga bumoto noong Mayo 13, subalit 27.6 million lamang ang bumoto sa mga party-list kaya umaabot sa 19.33 million ang nawalang boto.

“The party-lists should be on page one, same as the previous ballot designs in past automated elections, not on the back page. The party-list choices should be on the same page with the other national elective posts,” ani Garbin.

Walang ibang sinisisi ang mambabatas dito kundi ang Comelec kaya sa susunod na halalan ay babantayan nila ang paggawa ng balota para matiyak na ilalagay na ito sa harap.

Sa pagbubukas ng 18th Congress sa Hulyo 22, uunahin umano ng mga mambabatas ang pag-amyenda sa Republic Act (RA) 9369 o Automated Election System  Law upang maihabol ito sa 2022 election.

Nagkakaisa ang mga mambabatas na huwag nang ipagkatiwala ng 100% sa vote counting machines (VCM) ang buong eleksyon sa 2022 kaya aamyendahan ang nasabing batas para sa hybrid election.

Nangangahulugan na mano-mano na ang gagawing bilangan sa mga presinto sa susunod na halalan at gagamit lang ng makina sa transmission of votes sa Comelec.

Maging ang mga militanteng mambabatas ay ito ang sistemang itinutulak sa susunod na eleksyon matapos mawalan na rin ang mga ito ng tiwala sa mga makina ng Smartmatic.

 

Please follow and like us:
Read More