HONASAN, SA LOOB NG ILANG BUWAN SA DICT, MAY P300-M SCANDAL

Badilla Ngayon

NAPAKASAMA naman nang nangyayari sa Department of Information and Communication Technology (DICT) sapagkat sa ikaapat na buwan ni dating Senador Gregorio “Gringo” Honasan bilang kalihim ng nasabing kagawaran ay pinuntirya agad niya ang multi-milyong pondo para sa “confidential expen­ses” ng DICT.

Batay sa dokumento ng Commission on Audit (COA), Nobyembre 22 hi­ningi ni Honasan ang unang P100 milyon na gagamitin daw sa confidential expenses ng DICT.

Pagkatapos, dalawang beses muling humingi ng tig-P100 milyon noong Disyembre.

Kaya, P300 milyon lahat ang nakuha niya mula sa Department of Budget and Management (DBM).

Ayon sa COA, kay Honasan mismo nakapangalan ang paglalabas ng P300 milyon para sa DICT.

Nakasaad sa sulat ni Honasan na ang P300 ­milyon ay gagamitin bilang “confidential expenses in connection with cybersecurity activities” ng DICT.

Ang P300 milyon ay bahagi ng P400 milyong confidential funds ng DICT na naipasok sa kabuuang badyet ng kagawaran para sa 2019.

Nakarating sa media ang iskandalo sa DICT hinggil sa P300 milyon nang ilabas sa media ang pagbibitiw ni Undersecretary Eliseo Rio sa DICT.

Ang pagbibitiw ni Rio ay mayroong kinalaman sa iskandalo tungkol sa P300 milyon.

Ipinahayag ni Rio na “DICT cannot use a confidential fund because it’s not in our mandate to do intelligence and surveillance work.”

Ang kagyat na trabaho o mandato ng DICT ay tiyaking masimulan na ng ‘Dito Telecommunity’ ni Dennis Uy ang operasyon ng kanyang kumpanya bilang ikatlong telecommunication company.

Ang operasyon ng Dito ay siyang inaasahang mag-aalok ng mabilis na internet sa Pilipinas, kaya pinayagan ng administrasyong Duterte na magkaroon ng ikatlong telco.

Sa mahabang panahon na kontrolado ng Smart Te­lecommunications ng pangkat ni Manny V. Pangilinan at Globe Telecoms ng magkapatid na Fernando Zobel de Ayala at Jaime Augusto Zobel de Ayala ang industriya ng telekomunikasyon sa bansa ay masyadong mabagal ang internet.

Sa ganitong suliranin, hindi ko maintindihan kung bakit ang unang inatupag ni Secretary Gringo Honasan ay ang makuha ang P300 milyong pondo para sa confidential expenses ng DICT.

Anu-ano ba ang confidential expenses na ito na matatagpuan sa cybersecurity activities na idinahilan ni Honasan sa pagkuha ng P300 milyon?

Kailangang bang unahin ng DICT ang ‘sikretong pangyayari o ginagawa’ sa cyber-security activities upang magkaroon agad ng P300 milyong pera ang tanggapan ni Honasan?

Nakadidismaya si Honasan sapagkat ilang buwan pa lamang siyang kalihim ng DICT ay naiskandalo na agad ang kagawarang ito dahil sa P300 milyong pera ng pamahalaan.

Tumawag o magtext lang po kayo sa 09985650271

 

Read More

KAPAG PURO NGAWA LANG; 3RD TELCO PARUSAHAN — POE

(NI DANG SAMSON-GARCIA)

KINALAMPAG ni Senador Grace Poe ang Department of Information and Communications Technology (DICT) upang tiyaking matutupad ng ikatlong mobile player na Dito Telecommunity (dating Mislatel) ang pangako nitong bilis ng internet speed at lawak ng sasakupin ng serbisyo nito sa bansa sa susunod na limang taon.

Sa deliberasyon sa panukalang 2020 DICT budget, iginiit ni Poe na dapat patawan ng parusa ang 3rd telco kung mabigo itong makatupad sa mga ipinangako sa ilalim ng franchise agreement.

Sa unang taon ng operasyon na magtatapos sa July 8, 2020, obligado ang Dito na bigyan ng serbisyo ang 37% ng populasyon sa bansa na may average minimum internet speed na 27 megabits per second (mbps).

Sa loob naman ng limang taon, nangako ang kumpanya na sasaklawin ang 84 percent ng populasyon at magbibigay ng internet speed na 55 mbps.

Sa pagtatanong pa rin ni Poe, inamin naman ni Senador Panfilo Lacson, ang sponsor ng budget ng ahensya, na wala pang naitatayong cell site ang Dito.

“‘Yun ang medyo nakatatakot kasi, by July 2020, dapat meron na silang 2,500 cell sites,” giit pa ni Poe.
Sinagot naman ito ni Lacson na “I understand these are all prefab, so mabilis lang po ito. In two months, they can put them up.”

Ipinaalala ni Poe na alinsunod sa franchise agreement, sa bawat hindi pagtupad ng kumpanya ay kaukulan itong parusa.

“If they are not able to fully deliver on their commitment, there are penalties,” giit nito.

Kinumpirma naman ito ni Lacson at ipinaliwanag na may performance security ang kumpanya na nagkakahalaga ng P25.7 billion sa unang taon; P10.7 billion sa ikalawang taon; P8 billion sa ikatlong taon; P5.3 billion sa ikaapat na taon at P2.7 billion sa ikalimang taon.

 

Read More

ONLINE COURIER SERVICE KOKONTROLIN NA

honasan44

(NI BERNARD TAGUINOD)

KOKONTROLIN na ng gobyerno ang mga negosyong idinaraan sa internet o social media tulad ng mga courier, freight forwarding services upang maproteksyunan ang mga Filipino consumers.

Sa pagdinig ng House committee on appropriations, sinabi ni Information and Communication Technology (DICT) Secretary Gregorio Honasan, na kailangan nang iregulate ang nasabing mga negosyo.

“Naunahan n’yo lang po kami mag-reveal sa public, but we already noticed this complicated situation. Hindi lang courier and forwarding ang tinitignan natin dito, nandiyan pa ang Angkas at iba pang nauuso,” ani Honasan.

Ginawa ng dating senador ang pahayag matapos buksan ni Buhay party-list Rep. Lito Atienza ang isyu lalo na ang pagpasok umano ng mga iligal na courier service na pag-aari umano ng mga taga-ibang bansa, sa Pilipinas.

Ayon kay Atienza, panahon na umano para irregulate ang nasabing industriya upang maproteksyunan ang mga consumers at magbayad ang mga ito ng tamang buwis sa Pilipinas.

Base sa report, ayon kay Atienza, ang nasabing industriya ay nagkakahalaga ng P36 Billion at marami ngayon sa mga Filipino ay bumibili ng kanilang mga kailangan sa online subalit wala umanong proteksyon ang mga consumers.

Kabilang umano sa mga kumpanyang ito na nag-ooperate sa Pilipinas ay Ninja Express na pag-aari uano ng Ninja Logistics PTE, LTD na  isang Singaporean corporation.
Kasama rin dito, ayon kay Atienza, ang  J&T, na lisensyado umano ng Department of Trade and Industry (DTI)  subalit hindi aprubado ng DICT at Black Arrow Express na nakalisensya sa Metro Manila subalit may operasyon sa Cebu at Leyte.

“If we need to craft a law to regulate the courier services to protect the consumers and the small-time players in the industry, we will have to do it,” ani Atienza na inayunan naman ni Honasan.

Ireregulate o kokontrolin na ng gobyerno ang mga negosyong idinadaan sa internet o social media tulad ng mga courier, freight forwarding services upang maproteksyunan umano ang mga Filipinong consummers.

Sa pagdinig ng House committee on appropriations, sinabi ni Department of Information and Communication Technology (DICT) Secretary Gregorio Honasan, sinabi nit na kailangan nang iregulat ang nasabing negosyo.

“Naunahan nyo lang po kami mag reveal sa public, but we already noticed this complicated situation. Hindi lang courier and forwarding ang tinitignan natin dito, nandiyan pa ang Angkas at iba pang nauuso,” ani Honasan.

Ginawa ng dating Senador ang nasabing pahayag matapos buksan ni Buhay party-list Rep. Lito Atienza ang nasabing isyu lalo na ang pagpasok umano ng mga ilegal na courier service na pag-aari umano ng mga taga-ibang bansa, sa Pilipinas.

Ayon kay Atienza, panahon na umano para irregulate ang nasabing industriya upang maproteksyunan ang mga consumers at magbayad ang mga ito ng tamang buwis sa Pilipinas.

Base sa report, ayon kay Atienza, ang nasabing industriya ay nagkakahalaga ng P36 Billion at marami ngayon sa mga Filipino ay bumibili ng kanilang mga kailangan sa on-line subalit wala umanong proteksyon ang mga consumers.

Kabilang umano sa mga kumpanyang ito na nag-ooperate sa Pilipinas ay Ninja Express na pag-aari uano ng Ninja Logistics PTE, LTD na  isang Singaporean corporation.
Kasama din dito, ayon kay Atienza ang  J&T, na lisensyado umano ng Department of Trade and Industry (DTI)  subalit hindi aprubado ng DICT at Black Arrow Express na nakalisensya sa Metro Manila subalit may operasyon sa Cebu at Leyte.

“If we need to craft a law to regulate the courier services to protect the consumers and the small-time players in the industry, we will have to do it,” ani Atienza na inayunan naman ni Honasan.

 

Read More

3RD TELCO APRUB NA KAY PDU30

dict22

(NI BETH JULIAN)

WALA nang hadlang para makapagsimula na sa operasyon ang third telecommunications company na Mislatel Consortium.

Ito ay matapos pahintulutan ni Pangulong Rodrigo Duterte ang Mislatel Consortium para makapagsimula ng kanilang commercial operations sa susunod na taon.

Pinagkalooban ng Certificate of Public Convenience and Necessity (CPCN) o permit to operate ng Pangulo ang mga opisyal ng Mislatel sa pangunguna ni Mr. Dennis Uy, sa isang seremonya sa Malacanang Lunes ng gabi.

Pinangunahan ng Department of Information and Communications Technology at National Telecommunications Commission ang nasabing seremonya.

Matatandaan, ang pagpasok ng third telco ay isa sa campaign promise ni Duterte na naglalayong isulong ang makatotohanang kompetisyon sa telecoms industry at para mapaganda ang serbisyo sa telecommunications partikular ang paggamit sa internet.

Si Uy ang tumanggap ng CPCN sa ngalan ng Mislatel Consortium na naglagak ng P25.7 billion bilang performance bond.

Tatawaging “Dito Telecommunity Corporation” ang bagong TelCo .

Ayon naman kay DICT Secretary Gregorio Honasan, ang pagpasok ng third telco ay magbubukas ng maraming oportunidad para sa mga Pilipino mula sa dagdag na trabaho at bagong innovations sa iba’t ibang sektor ng lipunan.

Sa kabilang dako, nagpasalamat naman si Uy sa gobyerno at sa sambayanan dahil sa ipinakitang malakas na suporta sa kanila.

“We thank the government sector for working closely with us and the Filipinos for their enthusiastic support. The CPCN means a lot to us at Udenna. It is a clear signal that we are fully committed to providing world-class telecommunications in the country,” ang pahayag ni Uy.

Read More

3RD TELCO PLAYER AARANGKADA NA – DICT

dict22

(NI BETH JULIAN)

MAAARI nang makapag-operate simula ngayong Lunes ang ikatlong telco player na Mislatel.

Ito ang inihayag ni Department of Information and Communication Techonology (DICT) undersecretary for operations Eliseo Rio Jr., sa harap ng inaasahang paggawad sa Mislatel ng certificate of public convenience and necessity at frequency to operate ngayong July 8.

Paliwanag ni Rio, nakumpleto na ng Mislatel ang lahat ng hinihinging requirements para makakuha ng lisensya at makapagsimula ng operasyon.

Nabatid na may 5-year commitment sa gobyerno ang Mislatel na nangakong makapagbibigay ng 27 megabits per second na internet speed sa unang taon ng kanilang operasyon.

Posible rin umano na magkaroon na ng mga subscriber ang Mislatel sa huling bahagi ng taon.

“Officially pwede na silang magsimula, sa pagkuha  nila ng  lisensya nila bukas (Lunes), at doon nagsisimula ang commitment period nila 5 years. Every year for the next 5 years ay dapat gawin nila ang ating Telecommunications Commisison kung talagang masasatisfy nila o magawa nila yung kinokomit nila,” ayon  kay Rio.

Dagdag pa ni Rio, gumagawa na ng hakbang ang kumpanyang Globe at Smart para mapabilis ang kanilang internet speed at makasabay sa pangakong serbisyo ng Mislatel.

Samantala, target din ng DICT na magkaroon ng ikaapat at ikalimang telco player sa bansasa hinaharap.

“Sikapin pa natin na magkaroon pa tayo ng 4th at 5th Telco in the future para talagang gaganda yung  serbisyo ng ating mga telecommunication,” sabi pa ni Rio.

 

Read More

IWASAN ANG ASSIGNMENTS NA NAKABASE SA SOCIAL MEDIA – DICT

DICT Secretary Eliseo Rio.jpg

(Ni KIKO CUETO)

HINIKAYAT ng Department of Information and Communications Technology (DICT) ang mga guro at propesor na iwasan na ang pagbibigay ng mga assignment sa mga bata na kung saan ang mga homework at projects ay graded base sa dami ng mga “likes” sa social media.

Sinabi ni DICT Secretary Eliseo Rio na ang mga bata ay posibleng ma-expose sa dahil sa “modern learning technique” na iginagawad ng mga guro.

Paliwanag ni Rio, may mga kabataan na nae-expose sa pagbibigay ng pribadong data dahil sa pangangailangan sa “like” online sa school requirements.

Ang naturang sistema ay inirereklamo na umano ng ilang mga magulang.

“Imbes na mag-assignment yung bata o gumawa ng project, maglalaro na sa social media,” sinabi ni DICT Assistant Secretary Allan Cabanlong, na siyang nangunguna sa cyber security division ng ahensya.

Ang DICT ay nakikipagkoordina na sa mga opisyal ng DEPED at CHED para bumuo ng draft memorandum circular sa isyu.

“It wouldn’t hurt to issue a memorandum like that to focus on the problem at hand,” sinabi ni Commission on Higher Education Chairman Prospero De Vera.

Read More

BAGONG POLL SYSTEM ILALABAS NGAYONG HUNYO 

eliseo rio21

(NI NOEL ABUEL)

BAGO matapos ang buwan ng Hunyo ay ilalabas na ng Department of Information and Communications Technology (DICT) ang gagamiting poll system sa darating na 2022 national elections.

Sa gitna ng Joint Congressional Oversight Committee-Automated Elections System sa Senado, sinabi ni DICT Secretary Eliseo Rio na bago matapos ang kasalukuyang buwan ay ipaaaalam sa Commission on Elections (Comelec) at sa publiko ang gagamitin sa eleksiyon.

Aniya, ito umano ang naging direktibang inilabas ni Pangulong Rodrigo Duterte habang nasa Tokyo, Japan.

“The President directed DICT to come up with options that can be used in future elections and of course we all know that, wag na ‘yung Smartmatic,” sabi nito.

Idinagdag pa nito na sa kabila ng ang Comelec bilang independent body na may obligasyon sa eleksiyon ay maaari namang magrekomenda ang DICT na nasa ilalim naman ng Office of the President.

“We are going to come up with options for the consideration of Comelec so that it may be able to reach the next election. We will have options to be presented to the Comelec, this committee, and the people of the Philippines as a whole, maybe as early as before the end of this month,” aniya pa.

Samantala, sinabi ni Senador Aquilino Pimentel III, co-chair ng JCOC-AES, panahon nang maamyendahan ang Republic Act 9369 o ang Automated Elections System law.

“The DICT can only recommend so sabi ko nga for those espousing hybrid system, they have to amend the law so Comelec can also consider hybrid,” sabi nito.

 

Read More

ITATAYONG CELLSITE TOWER ‘DI DAPAT IPASA SA CONSUMERS ANG GASTOS

cellsite12

(NI BERNARD TAGUINOD)

HINDI dapat maging dahilan ng dagdag na gastos ng mga subscribers ng mga Telecommunication Companies (Telcos) ang mga itatayong cell sites tower na gagamitin ng mga nasabing kumpanya bilang common tower.

Ito ang ipinaalala ni House committee on information and communication technology chair Victor Yap sa Department of Information and Communication Technology (DICT).

“Ito po yung gusto nating ma-arrive at, to have a policy and the support of a legislative on the DICT kung saan tayo pupunta. In doing so, we should not come up with a policy that increases the cost for our consumers,” ani Yap.

Sa pagdinig ng komite ni Yap, hindi na dalawang tower company lamang ang magtatayo ng mga common tower tulad ng dating nais mangyari ni Presidential Adviser on Economic Affairs Ramon Jacinto, kundi 19 companies na kinabibilangan ng 14 international companies.

Ang mga nabanggit na bilang ng mga interesadong magtayo ng mga cell sites tower ay pumirma na umano ng memorandum of understanding (MOU) sa DICT, ayon kay acting Secretary Eliseo Rio.

Sinabi ng Kalihim na ang mga itatayong towers ay kailangan na kailangan umano para sa voice at internet dahil sa ngayon ay kayang kaya umano ng 18,000 tower ng dalawang Telcos sa kasalukuyan na magpadala ng bilyong text messages kada araw.

“We don’t need many towers to send off the equivalent of 1.4 billion text messages in one day kasi po yung isang tower, even a million texts can be sent off in a single tower in a few minutes. Dito natin naramdaman na kulang na kulang ang tower natin when the internet content came in, 3G, 4G and the content now is real time – voice” ani Rio.

 

 

 

 

 

 

 

 

 

 

 

 

 

 

(NI BERNARD TAGUINOD)

 

KABABAIHAN NAESKANDALO SA ‘ARI’ NI DU30

 

NAESKANDALO ang grupo ng mga kababaihan sa Mababang Kapulungan ng Kongreso kay Pangulong Rodrigo Duterte matapos nitong ipagmalaki ang kanyang “ari” sa harap ng maraming tao.

Ayon kay Gabriela party-list Rep. Arlene Brosas, hindi interesado ang mga Filipino sa maselang parte ng katawan ni Duterte kundi sa kung papaano nitong tutugunan ang problema ng bayan.

“People should take offense that instead of the discussion of platforms and issues in political gatherings, we are stuck with a President wanting to just talk about his genital part,” ani Brosas.

Ayon sa lady solon, naghahanap ng kasagutan ang taumbayan sa mga political, economic at humanitarian crisis na nararasan ngayon ng mga kababaihan at hindi ang ipinagmamalaking ari ni Duterte.

Sa kampanya ng mga administration candidates sa Palawan, ipinagmalaki ni Duterte ang kanyang ari na naging international news at ginamit international media.

 

“This lewd act proves that this administration cannot offer answers and just out to continously fool the people with such baffoonery. This is also consistent with his open promotion of rape and sexual violence against women. Such disrepect to women and the voting public should not be tolerated,” pahayag ni Brosas.

Hindi rin nakikita ng lady solon na may kinalaman ang ari ni Duterte sa darating na eleksyon para gawin ipinagmalaki niya ito sa mga botanteng kanilang nililigawan.

 

Read More

‘HACKING’ SA WEBSITE NG PHIL ARMY BUBUSISIIN NG DICT

philippine ARMY12

(NI JESSE KABEL)

SINISIYASAT na ng Department of Information and Communications Technology (DICT) ang napaulat na data breach sa Philippine Army (PA) website.

Iniahayag ni DICT acting Secretary Eliseo Rio Jr. na sinimulan na ng kanilang cyber security bureau ang pagsisiyasat matapos mabatid na nitong Enero pa sinimulan umano’y hacking sa website ng Philippine Army.

Batay sa ulat, nangyari ang data breach ng old files ng mga tauhan ng Army sa isinasalin na bagong website.

Bagama’t lumang mga datos umno ang mga ito, sinabi ni Rio, na kailangan pa ring masuri ang insidente lalo na’t dawit dito ang ilang personal na impormasyon.

Nilinaw naman ni Army spokesperson Col. Ramon Zagala na hindi maituturing na hacking ang nangyari sa kanilang website.

Paliwanag ni Col. Demi Zagala,  mga luma at unclassified data lang naman ang nakuha ng umano’y  hacking group na Pinoy Lulzsec partikular ang listahan ng mga sumali sa Scout Ranger Force mula 1950 hanggang 2004.

Tiniyak ni Zagala na secured ang Philippine Army Network at walang nakompromiso sa kanilang existing website.

Sa ngayon aniya, iniimbestigahan na ng kanilang network enterprise technology battalion ang insidente para matukoy kung sino ang nasa likod nito.

Matatandaang April 1 nang mapabalita ang umano’y April Fool’s hacking incident sa website ng Philippine Army kung saan naapektuhan ang impormasyon ng nasa 20,000 sundalo.

Nagsasagawa na rin ng imbestigasyon ukol dito ang National Privacy Commission (NPC).

 

Read More