GINEBRA, 2019 GOVERNOR’S CUP KINGS

GINEBRA-10

GAYA nang inaasahan, hindi na pinahaba ng Barangay Ginebra ang serye kontra Meralco Bolts at kinuha ang Governor’s Cup crown, 105-93, Biyernes ng gabi sa Mall of Asia Arena.

Ito ang ika-12 overall titles ng Gin Kings at ikatlo sa Governors’ Cup sa loob ng apat na taon para kay Jus-tin Brownlee. At lahat nang ito’y laban sa Meralco ni coach Norman Black.

Nagsumite si Brownlee ng 24 points, 10 assists at 7 rebounds, habang si Stanley Pringle ay nagdagdag ng 17 points at 8 assists sa kanyang kauna-unahang PBA championship.

Ngunit ang pinaka-bumida para sa Ginebra ay ang kanilang big guy na si Japeth Aguilar na kumamada ng 25 points at tinanghal na Finals MVP.

Naging malaking paktor para sa Gin Kings si Aguilar sa finals lalo nang ma-injured ang Meralco big man na si Raymond Almazan, na bagama’t pinilit mag-contribute noong Game 4 ay hindi na nakapaglaro pa sa Game 5.

May average na 17.4 points, 7 rebounds at 3.4 blocks si Aguilar ngayong Governor’s Cup Finals.

“I’m just really thankful. Nagpapasalamat talaga ako sa Panginoon, kasi any moment it could be (Meral-co’s) game. We really had to dig deep,” wika nito.

“Sa bandang huli they saw me, they saw opportunity. So team work talaga,” dagdag ni Aguilar.

Si Best Import of the Conference Allen Durham ang nanguna sa Bolts sa kanyang double-double, 29 points at 21 rebounds.

Read More

IKA-12 TITULO SA PBA IUUWI NG GINEBRA

GINEBRA-9

TAPUSIN ang serye at iuwi ang ika-12 pangkalahatang titulo ang target ng Barangay Ginebra kontra Meralco Bolts sa Game 5 ng 2019 PBa Govenror’s Cup Finals sa MOA Arena.

Kung mananalo ngayong alas-7 ng gabi ay ito na ang magiging ika-apat na third conference crown ng Gin Kings.

Mismong si Ginebra veteran guard LA Tenorio ang nagsabing tatapusin na nila ang serye matapos itala ang 3-1 abante noong Miyerkoles sa Araneta Coliseum.

Sinabi ni Tenorio na iaalay niya ang kampeonato sa mga kababayang nasalanta ng pagsabog ng bulking Taal sa Batangas.

“Walang ikakasaya ang fans natin sa Batangas kundi yung championship,” giit nito.

Binitbit ni Justin Brownlee ang Barangay Ginebra sa 94-72 panalo sa krusyal na Game 4 upang lumapit sa pagtatala sa panibagong kasaysayan sa liga.

Umiskor si Brownlee ng 27 puntos habang mayroon din itong walong rebounds, walong assists, limang steal, at apat na blocks sa ipinakitang all-around performance para sa Ginebra.

“I thought we were really methodical tonight in breaking them down on the offensive side and we did a great job against Durham. We held him to eight points in the first half and that’s amazing.”

Tinanghal na Best Import of the conference si Allen Durham bago magsimula ang ika-apat na pagtutuos nila sa finals ni Brownlee.

Nagtala si Durham ng 21 points at 27 rebounds, ito ay sa kabila ng 9-of-23 field goals lamang niya kasama ang anim na turnovers.

Sorpresang naglaro ang injured na si Raymond Almazan ng Meralco ngunit hindi ang naging resulta ng Game 4.

“Obviously, Raymond Almazan’s injury changed the complexion of the series. He showed a lot of courage playing but we all know he’s not playing 100 percent,” sabi ni Cone.

Nagtamo ng lateral meniscal tear sa kaliwang tuhod si Almazan ilang minuto pa lang sa Game 3 kaya’t may mga nag-akalang hindi siya maglalaro sa Game 4.  (ANN ENCARNACION)

Read More

GINEBRA KAKATOK SA KAMPEONATO

GINEBRA-8

IUWI ang ikatlong panalo at lumapit sa titulo ang misyon ngayong gabi ng Barangay Ginebra sa sagupaan nila ng Meralco Bolts sa Game 4 ng kanilang best-of-seven series ng 2019 PBA Governor’s Cup Finals sa Smart Araneta Coliseum.

Inaasahang sasamantalahing muli ng Gin Kings ang pagkapilay ng Bolts na hanggang sa isinusulat ang balitang ito ay wala pang kasiguruhan kung makapaglalaro ang kanilang big man na si Raymond Alma-zan.

Magugunita na nagkaroon ng injury sa tuhod si Almazan ilang minuto pa lang sa first quarter ng Game 3, dahilan para ilabas sya at hindi na nakabalik sa laro.

Bunsod nito ay magaang na tinalo ng Ginebra ang Meralco, 92-84, at ngayon ay lamang na sa serye, 2-1.

Ganap na alas-7 ngayon gabi ay pipilitin ng Gins na itarak ang krusyal na 3-1 abante para mas mapalapit sa hinahangad na mabawi ang nabitawang third conference crown.

Tiyak na sasandigang muli ng crowd-favorite Ginebra si Japeth Aguilar na patuloy sa pag-akyat bilang isa sa mga pangunahing shot blockers of all time ng liga.

Itinala ng Ginebra big man ang personal finals record na pitong block shots sa kanilang panalo noong Linggo upang muling tanghalin na Best Player of the Game.

“That’s one of his greatest skills, I think. He’s got great timing, he gets off the floor so quick and of course, he’s so long you think you have the shot off and he comes out of nowhere and does that,” papuri ni Gins coach Tim Cone.

Tuwang-tuwa naman ang Barangay Ginebra fans, na bahagi ng 16,001 crowd na nakapanood sa “Japeth Aguilar” show sa Big Dome, lalo’t lamang na sa serye ang Gin Kings.  (ANN ENCARNACION)

Read More

MERALCO VS GINEBRA: TOSS COIN SA GAME 3

BOLTS-GIN

WALANG tulak-kabigin sa PBA Governor’s Cup finals trilogy ng Meralco Bolts at Barangay Ginebra kaya’t masasabing anybody’s ballgame ang Game 3 ngayong gabi sa Smart Araneta Coliseum.

Ganap na alas-6:30 magsisimula ang ikatlo sa best-of-seven series ng dalalawang koponan na sa ngayon ay kapwa may 1-1 kartada.

Unang inangkin ng Gin Kings ang Game 1, 91-87, noong Enero 7.

Pero agad nakabawi ang Meralco sa Game 2 noong Biyernes sa Quezon Convention Center sa Lucena.

Nagkaalaman lamang ng nanalo sa huling mga segundo ng laro kung saan nakaungos ang Bolts kontra Gins, 104-102.

Hindi gaya sa Game 1, kumonekta ang mga tira ng Bolts lalo sa three-point area, kung saan umukit sila ng franchise-record na 16 triples na naging sandata nila para lumamang ng 19-puntos sa halftime.

Bumalikwas ang Ginebra sa third quarter at nakipagpukpukan sa fourth quarter  ngunit kinapos sa bandang huli.

Kumamada si Allen Durham ng 21 points, 18 rebounds, at 6 assists para sa Bolts, habang nagdagdag si Baser Amer ng 17 points, kabilang ang 5 triples.

Nagambag din si Chris Newsome ng 17 markers, habang nagsumite ng 15 si Raymond Almazan at 12 si  John Pinto.

Nanguna para sa Kings si Justin Brownlee na tumapos na may 35 puntos at 11 rebounds, at naging susi para maitabla ang iskor sa 70-all sa third quarter.

Ngunit sa pamamagitan ng 9 na puntos ni Nico Salva ay napanatili ng Meralco ang lamang sa 82-76 sa pagpasok ng huling period.

Nagtala rin ng double-double, 23 points at 10 rebounds si Stanley Pringle para sa Ginebra.

Inaasahan naman na gaganti ang Ginebra sa naunsyaming career milestone ng kanilang resident import na si Justine Brownlee noong Game 2.

Umiskor si Brownlee ng apat na three pointers upang maging pinakabagong record holder sa all-time most 3-point field goals made in league history ng isang PBA import.  (ANN ENCARNACION)

Read More

GINEBRA, DOUBLE-EFFORT SA GAME 2

GINEBRA-7

KAHIT pa may bentahe bilang crowd-favorite, tanggap ni Barangay Ginebra coach Time Cone na kailangang kumayod ng husto ang kanyang players upang makuha ang pangalawang sunod na panalo sa kanilang PBA Governor’s Cup Finals best-of-seven series ng Meralco Bolts.

Tatangkain ng Gin Kings na makaungos ng dalawang laro laban sa Bolts sa Game 2 na gaganapin alas-7 ng gabi sa Quezon Convention Center sa Lucena, Quezon.

Aminado si Cone na parang ping-pong ang magiging takbo ng laro ng dalawang koponan at tanging sa huling tagpo na lang magkakaaalaman ng magiging resulta.

“I I have been telling the guys that the series will be crucial in a particular point or situation,” giit ni Cone.

Positibo naman si Meralco import Allen Durham na maitatabla nila ang serye ngayong gabi.

makakabalik ito na mas matibay kumpara sa unang laro sa pagtatangkang maitabla ang serye ngayong gabi kontra Barangay Ginebra sa Game Two ng 2019 PBA Governor’s Cup Best of Seven title series sa Quezon Convention Center sa Lucena, Quezon.

Ganap na alas-7:00 ng gabi pipilitin ng Meralco ipantay sa tig-isang panalo ang kampeonato matapos na mabitiwan nito ang 10 puntos na abante sa ikatlong yugto at posibleng panalo sa end gamne bago tuluyang natakasan ng panalo ng Barangay Ginebra noong Biyernes.

“We’ll come back stronger in Game 2,” paniniyak ni Durham, na inako ang responsibilidad sa 91-87 pagkatalo sa Game 1 makaraang malimitahan siya ng Gin Kings sa huling yugto ng laro.

“I got to shoot better. We got great contributions (from locals like Chris Newsome and Raymond Almazan) but I didn’t perform to the best of my ability, so I got to be better next game,” dagdag ng two-time Best Import awardee.

Pinilit ni Durham na itulak ang Bolts sa panalo sa krusyal na yugto subalit nabutata siya ni Ginebra center Japeth Aguilar sa natitirang 11.2 segundo.

“In my opinion, I thought that was a foul. The video made it look like that was a foul. I mean, he was all over my shoulder. I guess the referees said he got more ball than body. So you just got to bounce back from that,” sabi na lang ni Durham.  (ANN ENCARNACION)

Read More

DEPENSA NG MERALCO ‘DI UMUBRA SA GINEBRA

GINEBRA-6

IT takes two to tango. Ganito rin sa basketball kung saan pinatunayan ng Barangay Ginebra na hindi sila mapipigilan ng depensa lang ng Meralco Bolts.

“Ginebra does a good job clogging the paint defensively. They want you to shoot from the outside. Normally, we do a very good job of shooting at the high percentage. But today, we did not,” wika ni Meralco coach Norman Black makaraan ang Game 1 nila ng Ginebra.

“I thought that hurt us a great deal. Even if we had some open looks, we just couldn’t make it,” pag-amin ni Black.

Sa kabila nito, umaasa si Raymond Almazan ng Bolts na makababawi ang kanyan team sa Game 2 sa Biyernes (Enero 10) sa Quezon Convention Center.

“Breaks of the game. Game 1 pa lang naman. Titingnan namin yung mga maling ginawa namin.” sabi ni Almazan. “Bawi na lang kami sa Game 2.”

Aminado naman si Meralco import Allen Durham na nakuha sana nila ang Game 1 kung gumana lang ang kanilang opensa.

“Our shots weren’t falling. And if a couple of those shots fall, that could kind of loosen up their defense a little bit,” ayon kay Durham.

“Personally, I got to shoot better. I didn’t perform to the best of my ability. So I got to be better the next game,” dagdag niya.

Nagtala lang ang Bolts ng 38 percent field goal, kabilang ang nakadidismayang  21.9 o 7 of 32 mula sa three-point area, kumpara sa 44 field goal percentage ng Kings.

Read More

MERALCO UNDERDOG SA BARANGAY GINEBRA

(NI ZIA JINGCO)

PANGATLONG pagkakataon nang maghaharap sa finals ang Barangay Ginebra at Meralco Bolts at sa tuwina ay underdog ang huli.

Pormal na magsisimula ang salpukan ng dalawang team sa 2019 PBA Governors Cup Finals Best-of-Seven title series sa Enero 7 (Martes), ganap na alas-7 ng gabi sa Araneta Coliseum.

Aminado si Meralco coach Norman Black na underdog na naman ang Bolts sa nakatakdang muling paghaharap nila ng Gin Kings.

Ngunit kung may Stanley Pringle si Ginebra coach Tim Cone, itinuturing namang alas ng Meralco ang sentro nitong si Raymond Almazan.

Pagdating sa point guard, naniniwala rin si Black na kayang tapatan ni Baser Amer ang mas beteranong si LA Tenorio.

Ayon naman kay Amer, hindi na sila papayag na matatluhan pa ng Ginebra sa Governor’s Cup.

“Kailangan po mag-work hard, tulong tulong kami para po makuha namin ang title,” giit nito.

Taong 2016 nang kunin ng Ginebra ang kampeonato sa anim na games. Nang sumunod na taon naman ay umabot sa full seven-game series ang sagupaan ng dalawa bago kinamkam ng Gin Kings ang pangalawang titulo.

Ngunit taong 2018 ay nasilat ang Barangay ng Magnolia Hotshots sa semifinal round pa lang.
Ito ang dahilan kaya’t gigil si Ginebra resident import Justine Brownlee na mabawi ang kanilang korona.

“It’s good to be in the finals, but we know that at this point, we’re not satisfied. And we want to feel the greatest feeling,” wika ni Brownlee.

Maging ang import ng Meralco na si Allen Durham ay excited nang makaharap sa pangatlong pagkakataon ang kanyang archrival.

“It’s going to be fun. As a competitor, you want to play against the best and he (Brownlee) has shown he’s one of the best imports in the PBA year after year. So definitely, it will be a battle,” sabi ni Durham.

Kapwa dito sa bansa nag-Christmas at New Year’s eve celebration sila Brownlee at Durham at nagkakaisa sila sa pagsasabing nag-enjoy sila ng husto, lalo sa mga pagkain bagama’t nagpigil sila bilang paghahanda sa finals.

Read More

PBA GOVERNORS CUP FINALS: TRADISYON BINALEWALA

(NI DENNIS IÑIGO)

BINALI mismo ng Philippine Basketball Association ang nakaugalian na nito, para sa darating na Governors Cup Finals sa pagitan ng Barangay Ginebra at Meralco.

Ang Game 1 ng the best-of-seven title series ay inurong sa Enero 7, unang beses sa matagal na panahon na itinapat ang laro sa araw ng Martes.

Ang orihinal na simula ng finals ay Miyerkoles, Enero 8.

Ang pagbabago sa kalendaryo ng Governor’s Cup Finals ay bunsod sa reklamo ng mga opisyal at coaches ng dalawang teams na masyadong maikli ang araw para sa pahinga at preparasyon sa unang dalawang games, lalo’t ang Game 2 ay gaganapin sa Lucena City sa araw ng Biyernes.

Gaganapin ang Game 1 sa Smart Araneta Coliseum, sa Quezon City.

“Both teams pointed out yung small amount of time para magpahinga at mag-prepare for Game 2 which is a Friday kung ang start ng finals is Wednesday,” esplika ni PBA commissioner Willie Marcial.

“And yung sa Lucena [game] hindi na rin namin mai-move dahil matagal ng kasado yan. Ngayon kung mag-a-adjust kami pababa, magugulo yung buong schedule ng finals. Kaya ang pinaka-feasible talaga is to adjust pataas, and that is to play Game 1 on a Tuesday.”

Nauna nang pinuna ni Barangay Ginebra coach Tim Cone ang orihinal na iskedyul ng finals games matapos nilang talunin sa semis ang NorthPort.

“Its not the game [in Lucena] itself that’s the problem. It’s the preparation time that you have coming back and the effort that you put in going on a bus there and bus back. It really depletes your energy going into the next game,” giit ni Cone.

“And it makes the next game much harder. Not the game itself, its the next game that’s harder,” dagdag niya.
Maliban sa unang dalawang games, mananatili ang orihinal na iskedyul ng laban ng Ginebra at Meralco, kabilang na rito ang pagsasagawa ng Games 6 at 7 (kung aabot hanggang dito) sa Philippine Arena sa Bocaue, Bulacan.

Read More

MAGNOLIA, GINEBRA DIDIKIT SA MERALCO

MAGNOLIA-GINEBRA

(Ni JJ TORRES)

MGA LARO BUKAS:

(SMART ARANETA COLISEUM)

4:30 P.M. — SAN MIGUEL VS COLUMBIAN

6:45 P.M. — GINEBRA VS MAGNOLIA

HINDI pa rin sigurado kung makalalaro na ang import na si Romeo Travis sa paghaharap bukas ng gabi ng Manila Clasico rivals Magnolia at Barangay Ginebra San Miguel sa PBA Governors’ Cup sa Smart Araneta Coliseum.

Malalaman pa lang kung maaari nang sumalang si Travis sa alas-6:45 ng gabing laro ng Hotshots, matapos madale ng right ankle injury. Sa huling laro laban sa Blackwater Elite kung saan natalo ang Hotshots ay hindi nakalaro si Travis.

Importante para sa parehong koponan ang laban para makalapit sila sa Meralco Bolts sa karera para sa No. 4 spot sa team standings.

May record na 3-3 ang Magnolia habang ang Ginebra ay may kartadang 2-2. May hawak na 4-2 slate ang Meralco.

Samantala, sisimulan ni Mo Tautuaa ang kanyang stint sa San Miguel sa alas-4:30 ng hapon laban sa Columbian Dyip.

Si Tautuaa ay kinuha ng Beermen kapalit ni Fil-German Christian Standhardinger.

Target ng San Miguel na tablahan ang NLEX Road Warriors sa second spot at makabawi rin sa 129-124 talo nila last week sa Ginebra.

Samantala, nakuha ng TNT KaTropa si Mike DiGregorio mula Blackwater sa isang trade na inaprubahan agad ng liga.

Kapalit ni DiGregorio ay ang guard na si Brian Heruela, na babalik sa team na una niyang nilaruan sa liga.

Read More