PINOY BINALAAN SA PAGPASOK NG MEAT PRODUCTS SA KOREA

DAF12

MAHIGPIT ang paalala ng Department of Foreign Affairs (DFA) sa mga Filipino na nagnanais pumunta sa South Korea na sumunod sa batas doon na nagbabawal sa pagdadala ng animal at livestock products.

Ayon sa DFA, mayroong malaking multa at pagbabawalan na muling makapasok sa South Korea ang sinumang mahuhuling lalabag sa nasabing batas.

Ipinag-uutos din ng Embahada ng Pilipinas na agad dalhin upang ideklara ang mga dalang animal at livestock products sa quarantine office sa port of entry para hindi maharap sa multang 10 million Korean Won o mahigit P430,000.

Magugunitang nitong Oktubre ng nakaraang taon ay  isang biyahero ang hindi nagdeklara ng dalang pork sausage sa port of entry ang pinagbayad ng KRW 5 milyon at pinatawan ng limang taong ban sa pagbiyahe sa South Korea.

Ginawa ng South Korea ang paghihigpit sa pagsisikap na maiwasan ang pagkalat ng nakahahawang sakit ng mga hayop galing sa ibang bansa sa kanilang industriya. DAVE MEDINA

Read More

IBA’T IBANG KARNE NASABAT NG BOC SA NAIA

BOC VS CONTAMINATED MEAT PRODUCTS

(NI ROSE PULGAR)

NASA 54 kilos na iba’t ibang uri ng karne ang nasabat ng mga tauhan ng Bureau of Customs (BOC) mula sa mga pasaherong galing sa ibang bansa na magkasunod na dumating Martes ng hapon at Miyerkoles ng umaga sa Ninoy Aquino International Airport (NAIA) Terminal 1 sa Pasay City.

Kabilang sa mga nakumpiska ng BOC at Bureau of Animal Industry ang 18.5 kgs chicken meat 19 kgs pork meat, 12.5 kgs duck meat, 4 kgs beef meat.

Lumalabas sa report, naunang nakumpiska ng mga awtoridad ang mga iba’t ibang uri ng karne dakong alas-4:00 ng Martes at sumunod ng alas-8:00 Miyerkolesng umaga.

Sa ulat, ang mga naturang meat product ay galing sa Xiamen, Guang zhu, Malaysia, Narita Japan, at Jingjang,

Agad naman nai-turn over ng awtoridad ang mga naturang meat product sa Bureau of Quarantine ng BAI sa NAIA para sa disposal ng mga nasabing produkto.

Ayon kay NAIA BAI Quarantine Service Dr. Reynaldo Quilang, patuloy pa rin ang kanilang pagkumpiska sa mga karneng galing sa ibang bansa kung saan naunang napaulat na nanggaling ang sakit ng African Swine Fever (ASF).

Sinabi pa ni Quilang na hindi lamang sila naka focus sa meat product, maging sa mga footbath na dinadaanan ng mga pasahero pagbaba ng eroplano ay mini-maintain din nilang mag spray ng gamot upang mapuksa ang anumang uri ng virus na posebling dala ng mga pasahero galing sa mga bansang apektado ng ASF.

Read More

MEAT PRODUCTS GALING CHINA PINAGMULAN NG ASF SA PINAS

(NI ABBY MENDOZA)

INAMIN ni Agriculture Secretary William Dar na ang illegal na importation ng pork products galing China ang syang dahilan kung bakit mabilis ang naging pagkalat ng ASF virus sa bansa.

Ang smuggled meat na nakumpiska umano noong nakaraang buwan ay nagpositibo sa ASF at maaari na may mga smuggled na nakalusot na syang sanhi ng pagkalat na ng virus.

“That concludes really that this has been introduced by bringing it here, smuggling it here, introducing it here,” pahayag ni Dar.

Matatandaan na ilang refrigerated container vans na puno ng pork products mula sa China ang naharang sa Port of Manila, unang nakalista na tomato paste at vermicelli ang laman nito subalit nang suriin ay mga dimsum, dumplings, peking duck, fresh frozen duck deserts, pork meat at pork products, marinated chicken wings, minced vegetables na may karne, itlog at mga noodles.

Nilinaw naman ng DoH na patuloy ang kanilang ginagawang monitor sa mga pork products subalit walang dapat na ipangamba ang publiko dahil hindi human health concern ang ASF.

 

 

Read More

PAYO SA OFWs: ‘WAG MAG-UWI NG MEAT PRODUCTS

(NI ABBY MENDOZA)

NGAYONG malapit na ang Kapakuhan kung saan maraming Overseas Filipino Workers (OFWs) ang inaasahang uuwi ng bansa, umapela ang Departmet of Agriculrure (DA) na iwasan nang mag-uwi ng meat products mula sa mga bansang apektado ng African Swine Fever (ASF).

Ayon ay Agriculture Spokesperson Noel Reyes, mas mahigpit na monitoring ang kanilang gagawin sa mga airport para tiyakin na walang makalulusot na mga meat products dahil posibleng kumpiskahin lamang ito pagbaba nila ng eroplano. “Huwag na silang magbitbit. Makukumpiska lang sa mga airport at seaport, especially if dumaan sila sa Hong Kong and China,” ayon kay Reyes.

Samantala, kung ang mga OFWs naman ay galing sa mga bansang hindi apektado ng ASF ay kailangan pa rin nila na magpakita ng sertipikasyon na ASF-free ang kanilang dalang meat products.

 

Read More

PUREFOODS TINIYAK NA LIGTAS SA ASF ANG MEAT PRODUCTS

(NI ROSE PULGAR)

TINIYAK ng pamunuan ng Purefoods na may certification sa Food and Drug Administration (FDA) ang kanilang mga prinosesong meat products at ligtas sa African Swine Fever (ASF).

Sinabi ng Purefoods, ang kanilang processed meat products tulad ng hotdog at ham ay siguradong ligtas sa ASF.

Sa pahayag nitong Biyernes, sinabi ng Purefoods na sa matagal na panahon ay kalidad na food products ang kanilang ibinibigay sa publiko.

Ayon pa sa kumpaya, nasa “highest standard” ang kanilang mga produkto gaya ng hotdog, ham at mga de lata.

Bukod pa dito anila , aprubado ng National Meat Inspection Service (NMIS) ang kanilang mga produkto kayat tinitiyak nilang ligtas ito sa ASF.

Nabatid na ang Purefoods products ay gawa ng San Miguel Foods na nagsabing niluto ang kanilang Tender Juicy Hotdog at Fiesta Ham sa mataas na temperatura patunay na ligtas ito laban sa mapaminsalang organismo.

Read More

MEAT PRODUCTS NA POSITIBO SA ASF, PINASURI SA UK

(NI ABBY MENDOZA)

NAGPADALA na ang Department of Agriculture (DA) sa United Kingdom ng samples na nakuha mula sa mga processed meat products na nagpositibo sa African Swine Fever(ASF) para isailalim sa mas masusing laboratory test.

Ayon kay Agriculture Undersecretary Ariel Cayanan, pinuno ng Crisis Management Task Force on Swine, kasama sa kanilang ipinadalang samples ay ang dalawang unbranded meat products at 1 branded na nauna nang kinakitaan ng ASF virus.

Inamin ni Cayanan na may ilang mga manufacturers din ang boluntaryong nagpadala ng kanilang samples upang masuri bilang pagtiyak na ligtas ang kanilang produkto.

Pinakakalma naman ng DA ang publiko kasunod ng pagkakaroon ng ASF ng mga paboritong almusal na longganisa, tocino at hotdog. Ani Cayanan, ligtas pa ring kainin ang mga ito basta’t tiyakin na nilutong mabuti.

Hindi rin umano maaaring i-recall agad ang mga produkto dahil kailangan pa ng laboratory test at ang ganitong kautusan ay hawak na ng Food and Drug Administration(FDA).

 

Read More

LIGTAS NA MEAT PRODUCTS TINIYAK

(NI KIKO CUETO)

TINIYAK ng Philippine Association of Meat Processors Inc. (PAMPI) na ligtas ang mga processed meat na kanilang ibinebenta laban sa African swine fever (ASF).

“We assure and guarantee our consumers that we do not import pork materials from countries that have been infected by the ASF virus,” sinabi ni PAMPI president Felix O. Tiukinhoy Jr., sa isang pahayag.

“For local supply, we purchase only pork cuts that have been certified by the National Meat Inspection Service to be free from any disease. We strictly adhere to internationally accepted and recognized standards of food safety and manufacturing practices,” dagdag nito.

Sinabi ni Tiukinhoy na dumaan sa tamang proseso ang lahat ng kanilang produkto at ang mga pinagkukunan nila ay mga malilinis at ligtas.

“All our cooked and/or smoked processed meat products are subjected to temperatures ranging from 70 to 116 degrees Celsius for 40 to 60 minutes. At these high temperatures, harmful bacteria and viruses, including ASF virus if any, are killed and destroyed,” sinabi ng PAMPI.

“Hence, our processed meat products cannot be carriers of the ASF virus,” dagdag nila.

Ang ASF ay isang uri ng virus na nakahahawa sa mga hayop pero hindi naisasalin sa mga tao.

Nakikiisa naman ang PAMPI sa lahat ng uri ng pamamaraan para masawata o matigil ang pagkalat ng ASF sa bansa.

“Unfortunately, during the past two weeks, the movement, distribution and sale of processed meat products were banned by some local government units (LGUs) on the mistaken belief and unfounded fear that they will cause harm to their hog raisers. However, such move has absolutely no basis in fact and science,” sinabi ni Tiukinhoy.

Hiniling na rin ng PAMPI sa sa LGUs na muling irekonsidera ang ban.

Matatandaang naghigpit ang mga LGU sa paglabas-masok ng mga karneng baboy sa kanilang lugar.

Read More