PAGLILIKAS SA OFWs SA IRAQ MAGPAPATULOY

IRAQ-2
0

TULOY-TULOY ang mandatory repatriation sa mga OFW sa Iraq dahil nananatili itong nasa alert level 4.

Tiniyak ni Cabinet Secretary Karlo  Nograles na hindi ito nagbago at nananatili pa rin aniya ang polisiya na mandatory repatriation sa nasabing bansa.

Na-downgrade naman aniya ang alert level sa Lebanon.

Ang Iran aniya ay level 1 habang sa Lebanon ay level 2 na ang  ibig sabihin ay ‘just be prepared for evacuation but stay out of public places”.

Aniya, kasalukuyang nasa Qatar  si Environment Secretary Roy Cimatu upang ihanda ang safe haven ng mga OFW mula sa Iraq habang si Presidential Adviser on Overseas Filipino Workers Abdullah Mamao naman ay ipinadala sa Iran at Iraq upang tiyakin na ang mga OFW ay protektado ng Iranians at Iraqis laban sa karahasan.

Pinag-aaralan na rin ang Qatar bilang possible staging area at mula roon ay ire-repatriate na sila pabalik sa Pilipinas.

Sa kabilang dako, wala namang dapat ipangamba ang mga Pinoy worker na uuwi ng Pilipinas dahil may iaalok umanong livelihood packages, training sa TESDA at re-deployment ang pamahalaan kung nais ng mga itong muling magtrabaho sa ibang bansa subalit hindi na sa Middle East.

Ito aniya ang dahilan kaya binuksan ng Pilipinas ang communication nito sa mga bansang Japan, Canada, Germany, China at Russia sa pag-asang mabigyan ng trabaho doon ang mga Pinoy. (CHRISTIAN DALE)

Read More

OFWs SA IRAN, IRAQ ILILIPAT SA QATAR

IRAN-IRAQ
0

MAGSASAGAWA na nang evacuation ang gobyerno ng Pilipinas para sa mga Filipino na maiipit sa tumitinding tensyon sa pagitan ng Amerika at Iran.

Sa isang panayam, sinabi ni Presidential spokesperson Salvador Panelo na dadalhin ang mga Pilipinong makakasama sa forced evacuation mula sa mga bansang Iran at Iraq sa ligtas na lugar sa Qatar.

Isasakay ang mga ito sa barko patungong Qatar.

“Mandatory nga iyong evacuation eh kapag nagkaroon na ng sobrang putukan doon,” ayon kay Sec. Panelo.

Ang problema lamang aniya, karamihan sa mga Pinoy sa bansang Iran ay kasal sa mga Iranian kaya’t hindi mapipilit ng gobyerno ng Pilipinas na mailipat sa ligtas na lugar ang mga ito dahil siguradong poprotektahan sila ng Iranian government.

Sa Iraq naman aniya, ang mga Filipino roon ay nagtatrabaho sa military bases kaya’t medyo delikado sa mga ito.

Nilinaw ni Sec. Panelo na evacuation muna ang plano ng gobyerno dahil mahirap aniya na i-repatriate ang mga Filipino dahil baka mabaril ang mga ito kapag nagkaputukan.

BI inalerto

Samantala, ipinag-utos na ni Immigration Commissioner Jaime Morente sa lahat ng BI personnel sa Ninoy Aquino International Airport (NAIA) at iba pang international ports na maghanda sa posibleng paglilikas ng mga OFW na manggagaling sa Middle East.

“I have directed our port operations division to see to it that adequate manpower is available to address a possible upsurge in the number of passengers arriving from the Middle East”, ani Morente.

Ayon pa sa opisyal, kung kinakailangan ay magtatalaga siya ng karagdagang tauhan sa airports at pansamantalang magtatalaga ng NAIA immigration officers na kasalukuyan ay nasa iba’t ibang ports at opisina ng bureau. (CHRISTIAN DALE at JOEL AMONGO)

Read More

GIIT SA KAMARA: DH SA ABROAD HANGGANG 2025 NA LANG

0

(NI BERNARD TAGUINOD)

NANGANGARAP ang Mababang Kapulungan ng Kongreso na hindi na magpapadala ang Pilipinas ng mga unskilled workers sa ibang bansa dahil naabuso ang mga ito lalo na ang mga House Service Workers (HSW) o Kasambahay.

Sa isang panayam kay House labor committee chairman Eric Pineda, isiniwalat nito na may plano ang gobyerno na sa loob ng 5 taon ay ititigil na ang pagpapadala ng HSWs.

“I think we have a plan that after 5 years (na hindi na magpapadala ng HSWs),” ani Pineda subalit hindi nito nagbigay ng karagdagang impormasyon ukol planong ito ng gobyerno.

Ginawa ni Pineda ang nasabing pahayag kasuno ng pagkamatay ni Jeanelyn Villavende sa kamay ng kanyang employer sa Kuwait kahit may kasunduan na ang Pilipinas at ng nasabing bansa na protektahan ang kapakanan ng mga OFW.

Hindi aniya malayong mangyari ang pangarap na ito ng bansa lalo na’t gumaganda aniya ang takbo ng ekonomiya kaya tiyak na dadami ang mga trabaho sa Pilipinas sa mga susunod na mga panahon.

Sinabi ng mambabatas kaya napipilitan ang mga OFWs na umalis ng bansa at makipagsapalaran sa ibayong dagat ay dahil wala silang makitang trabaho at maayos na suweldo sa Pilipinas.

“Kung marami tayong trabaho dito sa atin, talagang hindi aalis ang mga iyan,” ayon pa sa kongresista.

Samantala, hihilingin umano ni Pineda sa liderato ng Kamara para payagan ang mga ito na magsagawa ng imbestigasyon sa pagkamatay ni Villavende upang alamin kung ano ang nangyari sa kasunduan ng Pilipinas at Kuwait.

Magugunita na nagkaroon ng kasunduan ng dalawang bansa para sa proteksyon ng mga OFWs sa Kuwait matapos patayin at ilagay sa freezer ng kanyang amo ang OFW na si Joanna Demafelis.

 

Read More

MAS MARAMING BENEPISYO SA OFWs ISUSULONG SA SENADO

0

(NI NOEL ABUEL)

NAPAPANAHON nang amiyendahan ang Migrant Workers Act para masiguro na mapapakinabangan ito ng lahat ng overseas Filipino workers (OFWs).

Ito ang pahayag ni Senador Joel Villanueva, chairman ng Senate Committee on Labor, Employment, and Human Resources Development kung saan umapela ito sa mga kapwa mambabatas na suportahan ang panukala nito.

Sa inihain nitong Senate Bill No. 1233, layon nito na palawigin ang paggamit sa Legal Assistance Fund (LAF) na itinatag ng gobyerno upang matulungan ang sinumang OFW na may kinakaharap na kaso sa bansang pinagtatrabahuhan ng mga ito.

“Full protection of labor more significantly implies a continuing positive duty on the part of the State to ensure that the rights of its workers are at all times protected and their welfare promoted and improved at every chance possible,” sabi ni Villanueva.

Nakapaloob dito na madagdagan ang pondong ginagamit sa piyansa para pansamantalang makalaya ang isang OFW at magamit din sa pagkuha ng serbisyo ng isang paralegal.

“It further clarifies that such assistance shall be given from the moment the case is initiated, or the proceeding is commenced, until its termination, promulgation, and execution. This assistance extends further to all appeals taken on these cases, thereby guaranteeing full and complete support to distressed Filipinos overseas,” sabi pa nito.

Base umano sa datos mula sa Department of Foreign Affairs (DFA) noong nakalipas na taon ay nasa 3,735 na OFWs ang natulungan ng ahensya sa pamamagitan ng legal assistance  fund.

At noong Agosto 31, 2019 ay nasa 4,116 ang nagbenepisyo sa legal assistance fund.

Read More

10-M OFWs PINASALAMATAN SA SENADO

china ofws12
0

(NI NOEL ABUEL)

KASABAY ng pagdiriwang ng International Migrants Day ay dapat na purihin at pasalamatan ang 10 milyong overseas Filipino  workers (OFWs) na nagtatrabaho sa iba’t ibang panig ng mundo.

Ayon kay Senador Francis Pangilinan, marami ang dapat na ipagpasalamat ng gobyerno sa OFWs dahil sa malaking pondong idinaragdag nito sa kaban ng bansa.

“Sa maraming bahagi ng mundo, preferred ang manggagawang Pilipino sa husay at sipag. At salamat sa kanila, meron nang US$27.6 billion remittances sa unang 10 buwan ng taon. Kabilang ito sa nagbibigay ng stability sa ating local economy,” paliwanag ng senador.

At ngayong panahon ng Kapaskuhan ay dapat na bigyan ng papuri at pasasalamat ang mga uuwing OFWs.

“Marami sa ating mga kababayan abroad ang umuuwi tuwing kapaskuhan. Dahil walang kasing sarap ang mabuhay sa sariling bayan. Saan merong palakpakan paglapag ng eroplano? Sa Pilipinas lang, dahil sabik na sabik ang ating mga kababayang umuwi at makapiling muli ang lupang tinubuan at ang mga mahal sa buhay,” sabi pa ng senador.

Dapat aniyang suklian ang pangungulila ng mga OFWs sa kanilang mahal sa buhay para hindi na kailangang iwan ang pamilya para lang kumita nang sapat para sa kanilang kinabukasan,” dagdag pa nito.

 

Read More

DOLYARES NG OFWs SA BANSA MAS MALAKI KUMPARA SA BPO, POGO

0

(NI BERNARD TAGUINOD)

MAS malaki ang naipapasok na dolyares ng Overseas Filipino Workers (OFWs) kaysa sa Call Center Business o ang Business Process Outsourcing (BPO) sa Pilipinas.

Ito ang isa sa mga nagtulak sa mga mambabatas sa Mababang Kapulungan ng Kongreso kaya kailangang maitatag ang Department of Filipino Overseas and Foreign Employment (DFOFE) o mas kilala sa OFW Department.

Ayon kay House committee on ways and means chair Joey Salceda, nakapagpapadala ng hanggang US$ 34 Billion ang OFWs sa Pilipinas na malayo sa US$32 Billion na ipinasok na pumuhan ng BPO sa Pilipinas.

Maging ang turismo sa Pilipinas na nakakapagpasok ng US$10 Billion sa bansa at Philippines Offshore Gaming Corporation (POGO) ay walang binatbat aniya sa remittance ng mga OFWS.

“OFW remittances has been for almost 30 years the principal source of forex to sustain the import needs of a growing economy,” ani Salceda kaya pagtanaw ng utang na loob sa mga ito ang itatayong departamento na nakalusot na sa Mababang Kapulungan ng Kongreso.

“OFWs account for the biggest and  most stable source of capital flows versus FDIs and ODA loans. It finances the trade deficit and make up for any shortfall in BOP,” dagdag pa ng mambabats.

Ang ipinadadalang pera rin ng OFWs aniya ang dahilan kung bakit nababawasan ang kahirapan sa Pilipinas dahil ginagamit ito ng kanilang pamilya sa edukasyon ng kanilang mga anak.

Isa rin ito sa naging dahilan kaya sumigla ang real property business sa bansa dahil ibinibili nila ang kanilang kinikitang pera sa ibang bansa ng bahay o kaya condominium unit.

Read More

PAGLIKHA NG DEPARTMENT SA OFWs, LUSOT SA HOUSE PANEL

ofws
0

(NI ABBY MENDOZA)

LUSOT na sa House committees on Government Reorganization at House Committee on Overseas Workers Affairs ang panukalang paglikha ng Department of Filipino Overseas and Foreign Employment (DFOFE), ang kagawaran na para sa overseas Filipino workers.

Matatandaan na ang paglikha ng departamento na tututok sa mga pangangailangan ng mga OFW ay isa sa priority measures ni Pangulong Rodrigo Duterte kung saan binanggit niya ito sa kanyang huling State of the Nation Address (SONA).

Ang panukala ay consolidated ng 39 bills na inihain sa Kamara.

Tatawagin ang ahensya na Department of Filipino Overseas and Foreign Employment (DFOFE) dahil hindi lamang ito para sa OFWs na nagtatrabaho sa ibang bansa  kundi sa lahat ng Filipino na nasa ibang bansa.

Ani Salceda, 54% ng lahat ng Pilipinong nasa abroad ay migrants, habang 37% lamang ang temporary workers o iyong kilala bilang OFWs at 7% naman ang mga undocumented.

Ipinaliwanag ni Technical Working Group (TWG) Head at Albay Rep. Joey Salceda na apat ang magiging kliyente ng DFOFE kasama ang OFWs na nasa abroad, OFWs na nakabalik na sa Pilipinas, pamilya ng mga OFW at lahat ng Pilipinong nasa iba’t ibang bansa.

“By having a single department, we will be able to essentially protect them, support their families, and reintegrate them when they come home,” paliwanag ni Salceda.

Ang Philippine Overseas Employment Administration (POEA) ang magiging central body ng departamento dahil ito ang ahensyang may expertise sa larangan ng OFW, magsisilbi namang attached agencies ng DFOFE ang Commission on Filipino Overseas at ang Overseas Workers Welfare Administration (OWWA).

 

Read More

OFW DESK BUKAS SA BAWAT PNP STATION SA CENTRAL LUZON

OFWS44
0

(NI AMIHAN SABILLO)

NAGLAGAY ng overseas Filipino workers (OFW) ang bawat himpilan ng pulisya sa bahagi ng Central Luzon para sa mas mabilis na pagresponde sa mga reklamo na may kinalaman sa mga OFW.

Ito ang inihayag ni PRO 3 Regional Director B/Gen. Rhodel Sermonia, Anya, inilunsad ng Central Luzon ang pagtatag ng OFW desk, bilang tulong sa DILG, OWWA at POEA.

Nakatuon ito sa pagprotekta sa mga OFW  maging sa kanilang pamilya pagdating sa ibat ibang krimen gaya ng fraud, terrorism at illegal drug abuse ng mga transnational crime syndicates.

Sa kasalukuyan, iilan pa lang ang may OFW desks pero target itong itatatag sa lahat ng police stations regionwide.

Matatandaan na bago nito, may ilang OFW desks na rin na itinayo sa ibat ibang bansa sa inisyatibo naman ng mga LGU.

Read More

CONTINGENCY MEASURE VS HK PINOY WORKERS PINAHAHANDA

OFWS44
0

(NI NOEL ABUEL)

KINALAMPAG ni Senador Nancy Binay ang Department of Foreign Affairs (DFA), Department of Labor and Employment (DOLE), at Overseas Workers Welfare Administration (OWWA) na maging handa sa posibleng paglilikas sa mga overseas Filipino workers (OFWs) na nasa Hong Kong.

Ayon kay Binay, habang patuloy ang tensyon sa buong Hong Kong dapat na ilagay sa standby ang contingency measures upang matulungan ang mga OFW sa oras na lalo pang tumaas ang tensyon sa nasabing bansa.

“Umaasa akong isolated cases ang mga report na may mga employer na nag-terminate ng kontrata ng mga household service workers. Gayunpaman, kailangang maghanda tayo sa kung ano mang pangyayari na may direktang epekto sa kapakanan ng ating mga kababayan sa Hong Kong,” ani Binay.

Sa mga oras aniya ng kaguluhan ay mahalaga ang komunikasyon kung saan kung may pangangailangan ay agad na isagawa ang repatriation plan habang maaaring hingin ang tulong ng mga Filipino organization sa Hong Kong para tumulong sa mga paglilikas.

“Kumpiyansa akong maayos na matutugunan ng ating Consulate Office sa Hong Kong ang pagsiguro sa kapakanan ng ating mga kababayan. Kami sa Senado ay patuloy na umaantabay sa sitwasyon. We will extend all the necessary support to concerned agencies in order to guarantee the welfare and safety of Filipinos in Hong Kong and its three territories,” aniya pa.

 

Read More