KONGRESO INGINUSO NI PANELO SA PAGLAYA NI SANCHEZ

CONGRESS SENATE1

(NI BETH JULIAN)

SA harap ng kaliwa’t kanang batikos sa inaasahang paglaya ng convicted rapist at murderer na si dating Calauan mayor Antonio Sanchez, ibinato ng Malacanang sa Kongreso ang pagpapaliwanag ng nilalaman ng Republic Act 10592.

Ang RA 10592 ay ang nakikitang daan ngayon para makalaya si Sanchez.

Ayon kay Panelo, sa Kongreso nalikha ang naturang batas kaya’t anumang concern tungkol sa revised penal code ay dapat na mai-address sa mga mambabatas.

Iniulat na si Sanchez na convicted rapist at murderer ay kabilang sa 11,000 preso na binigyan ng pagkakataong lumaya sa susunod na dalawang buwan dahil umano sa pagpapakita nito ng good behavior.

Noong May 29, 2013 nang lagdaan ni dating pangulong Noynoy Aquino ang Republic Act 10592 na nagbabawas ng 15 araw kada buwan sa kulungan ng isang inmate na nagpapakita ng magandang pag uugali.

Please follow and like us:
Read More

KONEKSIYON NI PANELO SA PAGLAYA NI SANCHEZ, ITINANGGI

(NI HARVEY PEREZ)

PINABULAANAN ni Justice Secretary Menardo Guevarra  ang ispekulasyon na may kinalaman si Presidential Spokesperson Salvador Panelo sa napipintong paglaya ni dating Calauan mayor Antonio Sanchez sa New Bilibid Prison (NBP).

“I have no reason to believe that the intervention of any person, including Sec. Panelo, will be necessary,”ayon kay Guevarra.

Si Sanchez  ay kinasuhan at nahatulan dahil sa panggagahasa at pagpaslang kay University of the Philippines Los Baños students Eileen Sarmenta at Allan Gomez noong 1993.

Nabatid na si Sanchez ay hinatulan  noong Marso 11,1995 ni Judge Harriet Demetriou at si   Panelo ay isa sa defense counsel ni Sanchez.

Habang pinagtibay naman ng Supreme Court ang hatol ng Pasig RTC na pitong ulit na reclusion perpetua.

Sinabi ni Guevarra na ang Department of Justice (DoJ) at  Bureau of Corrections(BoC) ay kino-commute na ang  good conduct time allowance ni Sanchez  at maaari siyang makalaya sa lalong madaling panahon dahil sa 2013 law increasing GCTA at ang  Supreme Court decision noong Hunyo na nag a-apply sa  law retroactively.

Sanhi nito, ang mga bilanggo na nagsilbi na ng kanilang sentensya o sumasailalim sa
preventive imprisonment ay kuwalipikado na mabawasan ang kanilang sentensiya alinsunod sa  time allowances  sa ilalim ng  R.A. 10592.

Hindi lamang si Sanchez ang makikinabang dito kundi maging ang libu-libong bilanggo.

 

Please follow and like us:
Read More

PALASYO ‘DI NABAHALA SA TEXT MESSAGE NI ZHAO

zhao1

(NI BETH JULIAN)

HINDI nabahala ang Malacanang sa text message ni Zhao Jianhua kung saan sinabi nito na baka nag-eespiya na rin ang mga Overseas Filipino Workers (OFWs) na nasa kanilang bansa.

Sinabi ni Presidential Spokesperson Salvador Panelo, sa tingin nya ay sariling sentimyento lamang ito ni Zhao at hindi naman talaga maaaring mai-apply sa mga OFW.

Ayon kay Panelo, tulad ng paniniwala ni Defense Secretary Delfin Lorenzana, ang mga OFW ay nagpupunta sa China at sadyang nagtatrabaho lamang doon sa iba’t ibang lugar, taliwas sa Chinese workers na unang pasok sa Pilipinas ay bilang mga turista subalit kalaunan ay pumapasok pala bilang POGO workers at nagtitipun-tipon sa iisang lugar lamang.

Ang pahayag ni Zhao ay matapos maghayag ng pagkabahala si Lorenzana at National Security Adviser Secretary Hermogenes Esperon Jr., na dumarami ang Chinese workers sa mga POGO site malapit sa mga kampo ng militar.

Una nang sinabi ni Panelo na hindi nababahala si Pangulong Rodrigo Duterte sa mga POGO malapit sa mga kampo ng militar at pulis sa katwirang kung talagang mag-eespiya ang China ay magagawa nila ito kahit pa sa malayong lugar.

Iginiit ni Panelo na malaki ang tiwala ng Pangulo sa intelligence gathering capability ng pamahalaan.

 

 

Please follow and like us:
Read More

PALASYO KAY ROQUE: FILE A CASE

harry66

“MAGHAIN siya ng kaso.”

Ito ang ipinayo ni Presidential Spokesperson Salvador Panelo kay dating Presidential spokesperson Harry Roque kaugnay sa tinutukoy nitong opisyal ng PhilHealth na bahagi ng mafia.

“Di ba dati na namang may ongoing investigation.  Kung mayroon siyang mabigat na ebidensiya laban sa sinumang PhilHealth officials, then he should file the appropriate charges,” hamon ni Panelo.

Una nang ibinunyag ni dating PhilHealth board member Roberto Salvador na peke ang mga pangalan na pinalutang sa Senate Blue Ribbon Committee gaya nina PhilHealth Regional Vice-Presidents Paolo Johan Perez (Region IV-B), Khaliquzzaman Macabato (Autonomous Region in Muslim Mindanao), William Chavez (Region VII), Dennis Adre (Region XI), at Masidling Alonto Jr. (Region X).

Pinangalanan din si PhilHealth Assistant Corporate Secretary Valerie Anne Hollero, PhilHealth Caraga legal officer Jelbert Galicto, at dating Region XII vice-president Miriam Grace Pamonag bilang miyembro ng grupo.

Bunsod nito, ipinanukala ni Roque sa pamahalaan na magsagawa ng motu propio investigation kung saan ang mga dapat imbestigahan ay dating board at dating pangulo ng PhilHealth na si Roy Ferrer.

Kaugnay nito, nilinaw ni Panelo na hindi suportado ng Malacanang ang nais ni Roque.

“We do not support anything. We’re always for the rule of law. Whatever or anybody who wants to file any case against any officials, let the law takes it course. Palaging iyan ang stand ng Office of the President (OP),” paliwanag ni Panelo.

Gayunman, sa ngayon ay wala pa naman natatanggap na final report si Panelo mula sa tanggapan ng Pangulo.

Base sa ulat, sinabi ni Roque, abogado ng dalawang whistleblowers na nagbunyag ng ghost dialysis sessions, dapat managot ang mga matataas na opisyal ng PhilHealth.

Ang dating hepe ng PhilHealth na si Roy Ferrer ay sangkot sa mga alegasyon ng kwestyonableng transaksyon.

Sa Senate hearing, itinuro nina Ferrer at dating PhilHealth board member Roberto Salvador Jr. ang ilang regional vice presidents na parte ng isang mafia na tumutulong sa mga ospital na dayain ang ahensya ng pamahalaan.

 

Please follow and like us:
Read More

CARDEMA NAGPASAKLOLO VS GUANZON; PALASYO: DEADMA

cardema55

(NI BETH JULIAN)

WALANG pakialam ang Malacanang.

Ito ang tahasang tugon ng Malacanang sa hirit ni Duterte Youth President Ronald Cardema na nagpapasaklolo kay Pangulong Rodrigo Duterte para silipin ang alegasyong corruption na kinasasangkutan ni Commission on Elections (Comelec) Commissioner Rowena Guanzon.

Ayon kay Presidential Spokesperson Salvador Panelo, hindi nakikialam ang Palasyo sa ginagawa ni Cardema dahil wala naman itong kaugnayan sa isyu.

“Kung sinasabing mayroon man korapsyon, dapat magsampa ng kaso sa korte si Cardema laban kay Guanzon,” wika ni Panelo.

Naninidigan ni Panelo na kahit pa naging supporter ng Pangulong Duterte noong 2016 elections si Cardema ay hindi ugali ng Pangulo na makisawsaw sa anumang usapin at sa halip ay hinahayaan lamang ang sinuman na gumawa ng mga hakbang na sa tingin nila ay tama.

Una nang inihayag ni Cardema na nanghingi ng pabor si Guanzon para bigyang akreditasyon ang Duterte Youth Partylist group.

 

Please follow and like us:
Read More

‘PADULAS’ KAPALIT NG SERBISYO ‘DI DAPAT – PANELO

panelo55

(NI BETH JULIAN)

MALAKI ang pagkakaiba ng ‘padulas’ sa ‘expression of gratitude’.

Ito ang paglilinaw ni Presidential Spokesperson Salvador Panelo kaugnay sa pahayag ni Pangulong Rodrigo Duterte na walang masama kung tumanggap ng regalo ang mga pulis sa mula sa kanilang natutulungan.

Gayunman, nanindigan ang Malacanang na hindi nito kinukunsinti ang ‘padulas’

sa lahat ng ahensya ng pamahalaan dahil ang nasabing gawain ay nasa kategorya ng corruption na posibleng maging kagawian na kung saan pinangangambahan na mangyari na kikilos lamang ang mga taong gobyerno kapag may kapalit o bigay.

Pero nilinaw ni Panelo na iba naman ang kusang-loob na nagbibigay ng regalo dahil sa nagustuhang serbisyo ng isang kawani ng pamahalaan.

“Walang masama dito lalo’t bahagi ng kultura ng mga Filipino na tumanaw ng utang na loob sa isang nakagawa ng mabuti sa kapwa pero hindi naman dapat na ito ay madalas pairalin,” pahayag pa ni Panelo.

 

Please follow and like us:
Read More

PINOY PINAIIWAS SA HK

calcelled55

(NI BETH JULIAN)

PINAIIWAS ng Malacanang ang mga Filipino na magtungo sa Hong Kong dahil hindi ito ang tamang panahon.

Ayon kay Presidential Spokesperson Salvador Panelo, hindi na dapat munang magtungo sa HK ang mga Pinoy para makaiwas sa gulo sa aiport.

Dito ay makatitiyak din na hindi maaaberya pagpunta sa nasabing bansa lalo pa’t walang  kasiguruhan kung makapupunta nga sa Hong Kong o hindi.

“Avoid muna going there, that’s the advice. Kasi you’re not sure whether you’re going to reach Hong Kong in the first place. Nagkakagulo sa airport. Airport lang naman, limited naman ang gulo sa airport eh. Kaya ‘yung travel ban siguro with respect to kung gusto mong pumunta ngayon sa Hong Kong, this is not the right time to go there kasi ‘yung flight mo biglang naka-cancel, o ‘di ba? wika ni Panelo.

Kinansela ng Hong Kong Airport Authority ang mga flight nitong Lunes ng hapon dahil sa pagpapatuloy ng mga payapang protesta sa paliparan doon.

Bukod sa mga departure flight na nakapag-check in na at mga arrival flight na papunta sa Hong Kong, kanselado ang iba pang flights simula hapon ng Lunes, base sa abiso ng airport authority.

Nag-ugat ang mga protesta sa pagtutol sa isang panukalang batas pero ngayon ay naging mga panawagan na para sa demokrasya sa Hong Kong na sakop ng China.

 

Please follow and like us:
Read More

SWS SURVEY SAMPAL SA KRITIKO – PANELO

panelo44

(NI BETH JULIAN)

ITINUTURING na sampal sa mga kritiko ang panibagong survey ng Social Weather Stations (SWS) na nagsasabing apat sa limang Filipino ang kuntento sa resulta ng katatapos na midterm elections.

Gayunman, ang resulta ng survey ay ikinagalak naman ng Malacanang at malaking dagok sa mga kritiko ng Duterte administration.

Ayon kay Presidential Spokesperson Salvador Panelo, dahil sa survey, ito ang basehan na nagsalita na ang taumbayan kaya dapat nang itigil ang pang-iinsulto sa mga botante.

“Kaya sa mga kritiko at sa hanay ng minorya na duda sa resulta ng halalan, ito na ang basehan, nagsalita na ang taumbayan,” pahayag ni Panelo.

Bunsod nito, sinabi ni Panelo na patuloy na pagsusumikapan ni Pangulong Duterte na hikayatin ang Commission on Elections (Comelec) na tiyakin na magiging fraud free technology provider ang gagamiting makina sa 2022 elections.

Target din ni Pangulong Duterte na mag-iwan ng magandang electoral reform legacy sa bansa.

Please follow and like us:
Read More

NY TIMES BINATIKOS NG PALASYO

new york55

(NI BETH JULIAN)

BINATIKOS ng Malacanang ang pahayagang New York Times sa Amerika kaugnay sa inilabas nitong artikulo na nagsasabing ang Pilipinas ang pinakadelikadong lugar para sa mga environmentalist at right activists.

Tinukoy ni Presidential Spokesperson Salvador Panelo ang artikulong “In the fight to save planet, it’s defenders are being killed’ na inilathala noong unang araw ng Agosto.

Sa nasabing artikulo, ginamit ng NY Times ang survey ng global witness kung saan 164 na tagapagtanggol ng mga lupa at kapaligiran ang napatay sa Pilipinas.

Ayon kay Panelo, hindi na nila ikinagulat ang artikulo ng NY Times dahil gawain na umano ng pahayagan na gumamit ng mga maling impormasyon patungkol sa pamumuno ni Pangulong Rodrigo  Duterte.

Sinabi  ni Panelo na hindi umano nagsagawa ng malalimang pag aaral ang NY Times at umasa lamang sa impormasyon mula sa ibang organisasyon.

Ipinagtanggol din ni Panelo ang Pangulong Duterte sa pagtawag ng NY Times kay Duterte na ‘brutal’.

Aniya, hindi brutal ang Pangulo  at hindi nito pinapayagan ang mga alagad ng batas na gumamit ng brutal na pamamaraan sa pagpapairal ng batas.

 

Please follow and like us:
Read More