EX-CONGRESSMAN SYJUCO PUMANAW NA

Rep Augusto Boboy Syjuco Jr

PUMANAW na si dating Iloilo Rep. Augusto “Buboy” Syjuco Jr., noong Lunes, Enero 13, 2020 sa edad na 77.

Base sa report mula sa local media sa Iloilo, inilathala ang pagpanaw ni Syjuco noong Lunes ng tanghali sa hindi malinaw na kadahilanan subalit matagal na umano itong may iniindang sakit.

Kumalat din ang balita na sa Singapore namatay si Syjuco kung saan ito nagpapagamot sa kanyang sakit at agad din umano itong ipina-cremate ng kanyang pamilya.

Si Syjuco ay huling nagsilbi sa gobyerno bilang director general ng Technical Education and Skills Development Authority (TESDA) noong administrasyon ni dating Pangulong Gloria Macapagal Arroyo.

Bago ito ay naging kinatawan ng ikalawang distrito ng Iloilo si Syjuco mula 1998 hanggang 2004 at mula 2010 hanggang 2013 bago ito naging director general ng TESDA.

Noong n Agosto 2019, na-convict sa kasong fraud sa Sandiganbayan si Syjuco matapos nitong aminin ang pagkakasala sa P4.3 milyong cash grant sa Department of Agriculture (DA) , gamit ang kanyang Pork Barrel funds noong siya’y isa pang kongresista.

Nauna nang pinayagan ng second division ng anti-graft court si Syjuco para makipag-plea bargain agreement sa kaso nito dahil sa humihina nitong kalusugan.

“(Syjuco is) slowly dying as he is currently suffering from advanced myelodysplastic syndrome,” base sa kanyang motion for plea bargain agreement noong Marso 2019. (BERNARD TAGUINOD)

Please follow and like us:
Read More

PAGPAPAGAMOT SA SINGAPORE APELA NG MGA SYJUCO

sy

(NI TERESA TAVARES)

UMAPELA sa Sandiganbayan sina dating Technical Education and Skills Development Authority (TESDA) director general Augusto Syjuco Jr. at ang kanyang misis na si dating Iloilo Representative Judy Syjuco na payagan silang bumiyahe sa Singapore.

Batay sa mosyon, nais ng mag-asawang Syjuco na pumunta ng Singapore mula Pebrero 7 hanggang 22 para sa chemotherapy treatment ng dating TESDA director general dahil sa sakit ng leukemia.

Nabatid na may ibinibigay na gamot ang ospital sa Singapore kay Syjuco na Azacitidine na wala pa sa Pilipinas.

Pinayagan na ng anti-graft court Third Division si ginang Syjuco na samahan ang asawa habang diringgin pa ng korte ang travel motion ng dating TESDA director general.

Ayon sa Sandiganbayan ang P460,000 travel bond ni ginang Syjuco ang titiyak na tatalima ang ginang sa kondisyon ng kaniyang pagbiyahe.

Nahaharap ang mag-asawang Syjuco sa iba’t ibang kaso sa Sandiganbayan kaugnay ng maanomalyang paggamit ng pondo ng gobyerno.

 

 

Please follow and like us:
Read More