DU30 PORMAL NANG TATANGGI SA IMBITASYON NI TRUMP

(NI CHRISTIAN  DALE)

PORMAL na tatanggihan ni Pangulong Rodrigo Roa Duterte ang imbitasyon ni US President Donald Trump sa kanya na bumisita sa Washington.

“He said he would respond to the invitation and will decline,” ayon kay Presidential spokesperson Salvador Panelo.

Ang desisyon ni Duterte ay walang kinalaman sa ginawang paglagda ni President Trump sa US Fiscal Year 2020 State and Foreign Operations Appropriations Act kung saan nakapaloob ang probisyon na nagba-ban sa mga Philippine government officials na sangkot sa pagpapakulong kay Senador Leila de Lima.

“He said he never intended to visit the US naman ever since,” ayon kay Panelo

Taong 2017 nang imbitahan ni Trump si Pangulong Duterte na bumisita sa White House.

Noong Hulyo ng nakaraang taon ay sinabi ng Pangulo na ayaw niya ng mahabang byahe.

Bukod pa rito ay hectic din ang iskedyul ng Pangulo kaya’t malamang na hindi niya talaga matupad ang imbitasyon ni Trump.

At sa tanong kung dapat pang masamain ni Pangulong Duterte ang ginawang pagtinta ni President Trump sa budget law kungvsaan nakapaloob ang probinsyon ng entry ban, ay sinabi ni Panelo na ‘no.’

“No. Kasi unang-una, I have already repeatedly said, it’s not naman self-executory eh. The law itself says if there is credible information received by the one who will decide – and the one who will decide will be the Secretary of State.

“And that is why even the Ambassador, as I related to you, when we had an encounter in one party the other night, he said eh sa Congress naman eh,” aniya pa rin.

Read More

US PINALALAYO NI DU30 SA WEST PHL SEA ISSUE

trum12

(NI BETH CAMIA)

MULING  tiniyak ni Pangulong Rodrigo Duterte na sinabi na nito kay  Chinese President Xi Jinping na binabawalan nito ang tropa ng Amerika na manghimasok sa Pag-asa island na sakop ng pinag-aagawang West Philippine Sea.

Sa isang panayam, muli ring binanggit ni Duterte na nakipag usap na ito kay Xi at tinanong kung bakit maraming barko ang nakapaligid sa nasabing isla.

“Why are you surrounding my island with so many ships? You’re wasting your gasoline,” tanong ni Duterte kay Xi.

Ang nasabing pakikipag-usap ni Duterte kay Xi ay nangyari nang magtungo ang Pangulo sa Beijing, China noong Abril para dumalo sa  Belt and Road Forum at nakipagkita kay Xi.

“That’s my exact words. You’re wasting your gasoline. You might as well give it to us,” diin pa ng Pangulo.

Dagdag pa ni Duterte kay Xi, “I told you I will not allow. As long as I am the President, any American to set foot on that Pag-asa. Because I know that it will create really trouble. And I will not allow their arms. If it’s a Philippine government arms given to us by America, well that’s another story. If you want, you can give us a better one.”

Pero nilinaw naman ng Pangulo na hindi ito galit nang sabihin ang mga katagang iyon.

“I was not angry but sinabi ko, Mr. President (Xi), I will never allow the Americans to set foot on any of the islands controlled by the Philippines? That we will not start any war and that I will never allow American weapons to be stationed in that island?” dagdag pa ng Pangulo.

Sinabihan din ni Duterte si Xi na payagang mangisda ang mga Filipino sa pinag-aagawang isla.

“Do not deprive them (fishermen) because you know we are poor. You prohibit us. You will just create the inflation to go higher,” diretsahang pahayag ng Pangulo kay Xi.

 

Read More

‘DI KAYA ANG LAMIG; DU30 AYAW BUMIYAHE SA US

duterte2

(NI BETH JULIAN)

SA kabila ng dalawang araw na pagbisita ni US Secretary of State Michael Pompeo sa bansa, wala pa rin nakikitang indikasyon kung pauunlakan ni Pangulong Rodrigo Duterte ang matagal nang imbitasyon na bumisita ito sa Amerika.

Sa kasalukuyan, sinabi ni Presidential spokesperon Atty. Salvador Panelo na ayaw pa ring makompromiso ng Pangulo sa matagal nang imbitasyon na bumisita ito sa Amerika.

Ayon kay Panelo, nananatiling tahimik ang Pangulo at wala pang nakikitang sensyales kung ano ang posisyon sa makailang ulit nang pangungulit ni US President Donald Trump na pumunta at bumisita naman ito sa Amerika.

Sinabi ni Panelo na ayaw ng Pangulo ang matagalang byahe bukod pa sa pag amin nito na hindi kaya ang maginaw na klima duon.

Una nang inimbitahan ni Trump si Duterte nang makapag usap sila sa telepono noong May 2017 na magtungo sa Amerika at naulit pa ang imbitasyon noong Hulyo 2018 sa pamamagitan ni US Ambassador to the Philippines Sung Kim na nagsabing patuloy nilang inaayos ang posibleng Washington visit ng Punong Ehekutibo.

Read More