SA PAGTALIKOD NG PINAS SA VFA WARSHIP NG US IPINORMA SA WPS

0

KINUWESTYON ng isang militanteng mambabatas ang motibo ng Amerika sa pagde-deploy ng kanilang war ship sa West Philippine Sea sa gitna ng kautusan ni Pangulong Rodrigo Duterte na ibasura ang Visiting Forces Agreement (VFA).

Ayon kay Gabriela party-list Rep. Arlene Brosas, kahina-hinala ang pagde-deploy ng Amerika sa kanilang USS Montgomery sa WPS na itinaon sa pagpapadala ng Department of Foreign Affairs (DFA) ng official communication na ibinabasura na ni Pangulong Rodrigo Duterte ang VFA.

“President Duterte should call out the US for deploying USS Montgomery to West Philippine Sea under the guise of freedom of navigation, as such move may add fuel to the current tensions arising from the VFA termination,” ani Brosas.

Hindi masabi ng mambabatas kung nananakot ang Amerika dahil tumatalikod na ang Pilipinas sa kanila subalit nababahala ito dahil ang USS Montgomery ay may missiles launch capabilities aniya.

Isa si Brosas sa mga sumusuporta kay Duterte na ibasura na ang VFA dahil one-sided umano ang kasunduang ito sa pagitan ng Pilipinas at Amerika at ginagawang training ground lang ng US military ang ating bansa.

Nagiging daan din umano ang nasabing kasunduan upang magpatuloy ang pakikialam ng Amerika sa internal affairs ng Pilipinas bukod sa wala namang naitutulong ang bansang ito para protektahan ang ating teritoryo sa West Philippine Sea.

Magugunita na sinakop ng China ang 7 reef ng Pilipinas sa WPS  mula 1995 at tinayuan na umano ang mga ito ng military bases na armado ng mga missiles at nangyari ito sa panahon na matatag ang ugnayang militar ng dalawang bansa.

APPROVAL
NG SENADO

Samantala, sinabi ni Senate President Vicente Sotto III na kailangan aprubahan muna ng Senado bago tuluyang maibasura ang anomang tratado kabilang ang VFA.

Sa panayam, sinabi ni Sotto na nakatakda sa Rules of the Senate na kailangan may concurrence ang Mataas na Kapulungan sa ratipikasyon o terminasyon ng anomang tratado.

Nitong Martes, pormal na inihain ng Duterte administration sa United States Embassy ang desisyon na ibasura ang VFA.

Pero nitong Lunes, inaprubahan ng Senado ang Senate Resolution No. 312 na humihiling kay Pangulong Duterte na ikonsidera ang desisyon na ibasura ang kasunduan.

“It appears that it is still in effect because there are 180 days before it is totally terminated based on the agreement itself,” ayon kay Sotto sa radio interview.

“But, yesterday, we conducted a study, because there is a thinking in the Senate that any treaty or agreement entered into by the government will not be effective if it is not ratified by the Senate and, just the same, if it will be canceled or terminated, the Senate must concur as the ratifying body,” dagdag niya.

Palaging igigiit ng Malacañang na hindi na kailangan ang concurrence ng Senado sa pagbasura ng VFA kaya uminit ang diskusyon na tila sinasaklawan ng executive branch ang kapangyarihan ng Kongreso.
Ayon naman kay Senador Panfilo Lacson, isa sa mga awtor ng SRN 312 na kahit wala ang VFA, makakaya ng Filipino at ating sundalo.

“The Filipino people are resilient and our soldiers are no different,” aniya.
BERNARD TAGUINOD, ESTONG REYES

Read More

PINAS ‘LULUSUBIN’ NG CHINESE FISHERMEN

CHINESE FISHERMEN
0

PINANGANGAMBAHAN na lalo pang dadami ang mga mangingisdang Chinese sa teritoryo ng Pilipinas sa West Philippine Sea matapos silang mapalayas sa kanilang fishing ground sa Vietnam at Indonesia.

Ayon kina dating Anakpawis party-list Reps, Ariel Casilao at Fernando Hicap, walang ibang pupuntahan ang mga dayuhang mangingisdang ito kundi sa WPS kaya lalo silang kinakabahan na mabilis mauubos ang isda sa ating territorial water.

Sinabi ni Casilao na nagkakaisa na ang Vietnam, Indonesia at Malaysia laban sa Chinese fishermen na ilegal na nangingisda sa kanilang territorial water habang ang Pilipinas ay patuloy ang pananahimik.

Sa katunayan, nagpadala si Indonesian President Joko Widodo ng fighter jet at barkong pandigma sa Natuna Island na bahagi ng kanilang territorial water kaya napilitan ang mga Chinese national na ilegal na nangingisda na lisanin ang lugar.

Wala umanong ibang pupuntahan ang mga naitaboy ng Indonesia, Malaysia at Vietnam na Chinese fishermen kundi sa WPS.

Gayunman, dismayado si Casilao dahil hindi kumikibo ang Malacañang at hindi nag-uutos na protektahan ang ating teritoryo laban sa mga dayuhang mangingisda na nang-aagaw ng kabuhayan ng mga Filipino.

Sinabi naman ni Hicap na nakararating na ang mga Tsino sa municipal water sa Palawan gayung ipinagbawal ng gobyerno ang mga lokal na mangingisda sa mga ganitong lugar.

Pinatutunayan umano ng maraming mangingisda sa Palawan na malalaking fishing vessels ng China ang nangingisda sa kanilang municipal water. BERNARD TAGUINOD

Read More

WPS TINATAHAK NI ‘URSULA’; BAHAGYANG HUMINA

0

BAHAGYANG humina habang patungo sa northwestward ng West Philippine Sea, ang bagyong Ursula, ayon sa Pagasa.

Sa kanilang 11 p.m. bulletin, huling namataan si ‘Ursula’ sa 100 kilometers north-northwest ng Coron town, Palawan.

Taglay pa rin nito ang 130 kilometers per hour (kph) malapit sa gitna at 160 kph pagbugso sa 20 kph. Ang mga sumusunod ay nasa ilalim ng tropical cyclone warning signals no. 2:

Occidental Mindoro kabilang ang Lubang Island

Oriental Mindoro

Calamian Islands

TCWS #1

Bataan

Laguna

Cavite

Batangas

southwestern Quezon

Marinduque

western Romblon

rest of extreme northern Palawan including Cuyo Islands

northwestern Antique

northwestern Aklan

Makararanas pa rin ng malalakas na pag-ulan sa Calamian at Cuyo Islands, Mindoro Provinces, kabilang ang Lubang Island, at northwestern Antique.

Asahan din ang mga pag-ulan hanggang malalakas na pag-ulan sa Romblon, Aklan, Capiz, Antique, Marinduque, CALABARZON, Metro Manila, Central Luzon, at iba pang bahagi ng Palawan.

Read More

‘KAHIT KATITING SA WPS, ‘DI ISUSUKO SA CHINA’

locsin
0

(NI BERNARD TAGUINOD)

NANINDIGAN si Foreign Affairs Secretary Teddy `Boy’ Locsin na hindi nito isinusuko ang kahit katiting na teritoryo ng Pilipinas sa West Philippine Sea sa China.

“We will never surrender a square inch what we claim is ours. We have not withdrawn an  square inch (on)  what we claim is ours,” pagtitiyak ni Locsin sa mga mambabatas.

Patuloy umano nilang ilalaban ang pag-aari ng Pilipinas sa WSP patunay ang 63 diplomatic protest na naihain na ng kanyang ahensya laban sa China kahit alam nilang itinatapon lang ng nasabing bansa ang mga ito sa aniya’y “breakwater”.

Sa nasabing bilang, 39 ang naihaing diplomatic protest ang naihain ng nagdaang administrasyon ng DFA habang 24 umano ang naisampa ni Locsin simula nang maging kalihim ito ng departamento.

Kung ang obserbasyon ng ilang dayuhang diplomat ang pagbabasehan, hindi mareresolba ang gusot sa West Philippine Sea (WPS) sa loob ng susunod na 20 taon.

Ito ang sinabi ni Locsin sa mga mambabatas sa House committee on appropriation kung saan idinepensa nito ang P22.47 Billion na pondo ng Department of  Foreign Affairs (DFA) sa susunod na taon.

“Well, if I look at the future, this what I see,,,,none  of the conflicting issue in south China sea will be resolved in 20 years from now….,” ani Locsin ukol sa sinabing obserbasyon umano ng Foreign Secretary ng Singapore.

Nasakop na ng China ang 7 reef na nasa loob ng teritoryo ng Pilipinas sa WPS na tinayuan nila ng kanilang military bases habang ganito din ang problema ng Vietnam sa nasabing bansa.

 APOLOGETIC DUTERTE SA PAGTALAKAY SA WPS KAY XI ITINANGGI

Itinanggi rin ng Kalihim ang ulat na naaging apologetic umano si Pangulong Rodrigo Duterte nang talakayin kay Chinese President Xi Jinping ang panalo ng Pilipinas sa Permanent Court of Arbitration (PCA) laban sa China sa WPS.

“The report that the president was apologetic in raising the arbitral award….that’s total fabrication and in every aspect it  completely lie,” ani Locsin.

Magugunita na  napaulat na hindi umano kinilala ni Xi ang panalo ng Pilipinas matapos itong talakayin ng Pangulo sa kaniyang “official visit” sa China noong nakaraang linggo.

Read More

PAGBAWI NI DU30 SA 7 REEF SA WPS SA CHINA INAABANGAN

WPS-CHINA
0

(NI BERNARD TAGUINOD)

INAABANGAN ng sambayanang Filipino ang pagbawi ni Pangulong Rodrigo Duterte sa pitong reef na sinakop at tinayuan ng China ng kanilang military bases sa West Philippine Sea.

Ito ang nabatid kina Bayan Muna party-list Rep. Carlos Zarate at Bayan Muna chairman Neri Colmenares sa gitna ng official visit sa China na nagsimula noong Miyerkoles.

“We urge Pres. Duterte to fulfill his recent promise that he will assert our sovereign rights in the West Philippine Sea based on our tribunal victory which declared that China has no territorial rights in the entire West Philippine Sea.

Kailangan aniyang mabawi ni Duterte ang Mischief Reef, Johnson South, Cuarteron, Fiery Cross, Subi Reef, McKennan Reef and Gaven Reef na tinayuan ng China ng kanilang military bases.

“Had Pres.  Duterte  asserted our tribunal victory in his first visit, China would not have been able to establish its seven military bases on the reefs of the Philippines.,” ayon naman kay Zarate kaya responsibilidad umano na mabawi ito.

HINDI KUNTENTO SA APOLOGY

Samantala, hindi kontento ang ilang mambabatas sa apology ng Chinese vessel na bumangga at nang-iwan sa 22 Filipino  na sakay ng GemVer 1, sa Recto Bank noong Hunyo hangga’t hindi nagbabayad ang mga ito ng danyos.

Ayon kay House minority leader Benny Abante, hindi dapat matigil sa paghingi ng apology sa nasabing insidente at kailangang pagbayaran ng Chinese vessel ang kanilang nagawang kasalanan.

“The efforts of the Chinese fishing boat operator to take responsibility for the accident and to compensate the owner and crew of F/B Gem-Ver are a good sign,” ani Abante.

Ganito rin ang iginiit ni Zarate at kailangang ipakita aniya ng China na seryoso ang mga ito na parusahan ang kanilang kababayan na ilegal na pumasok sa teritoryo ng Pilipinas at naglagay sa panganib sa mga Filipinong mangingisda.

“This intentional ramming cannot be compensated by a mere apology, without an official declaration from China’s government not only to prohibit but also to punish a repeat of these criminal acts” ayon pa kay Zarate.

Read More

60/40 HATIAN SA WPS APRUB KAY DU30 KUNG…

duterte jinping12
0

(NI BETH JULIAN)

INAPRUBAHAN na ni Pangulong Rodrigo Duterte ang hatian ng Pilipinas at China sa pinag aagawang teritoryo sa West Philippine Sea kung mas lamang ang Pilipinas sa makukuhang hati na 60/40.

“Payag na ako sa 60/40 na hatian kung matitiyak na ibibigay sa gobyerno ang 60% ng anumang makukuha sa pinag-aagawang teritoryo,” wika ng Pangulo.

Ayon sa Pangulo, ang nasabing usapin ay kanilang uupuan ni  Chinese President Xi Jinping sa kanyang biyahe sa China sa katapusan ng Agosto.

Kabilang din sa pag-uusapan ay ang kawalan pa rin ng Code of Conduct na matagal nang pinag-uusapan sa tuwing may pagpupulong ang mga lider sa Asya pati na rin ang arbitral ruling pabor sa Pilipinas at ang mga yamang-dagat sa mga pinag-aagawang teritoryo .

“Well, sabi ko nga, one of the things. But the more important is DOC, the ownership, the COC plus ‘yung mineral na makuha diyan. And they have proposed a 60/40. Okay na ‘yan para sa akin. But that could be a later topic if we have time. Of course. Sixty in favor of our country,” giit pa ng Pangulo.

Binigyang-diin ng Pangulo na hindi niya papayagan ang sinumang dayuhang bansa na maglagay ng tropa sa teritoryo ng Pilipinas.

Read More

‘PAGPALAG NG VIETNAM SA CHINA; WRONG MOVE’

wps55
0

(NI BETH JULIAN)

HINDI maituturing na matalinong hakbang ang ginawa ng Vietnam na pagpalag sa China kaugnay sa pinag- aagawang teritoryo sa South China Sea.

Ito ang inihayag ni Presidential spokesperson Salvador Panelo kasunod ng pagpapaalis ng Vietnam sa mga sasakyang pandagat ng China sa kanilang exclusive economic zone.

Ayon kay Panelo, kahit hindi nauwi sa gulo ang pagpalag ng Vietnam ay nalagay pa rin sa balag ng alanganin ang kapayapaan sa lugar at ang kaligtasan ng kanilang mamamayan.

Giit ni Panelo, ito rin mismo ay hindi hahayaan ni Pangulong Duterte na mangyari sa Pilipinas.

Read More

DU30 ‘DI PAPAYAG; LANGIS SA WPS ‘DI MASOSOLO NG CHINA

0

(NI BETH JULIAN)

HINDING-hindi papayag si Pangulong Rodrigo Duterte na masolo lamang ng China ang langis sa West Philippine Sea (WPS).

Iginiit ng Pangulo na kapag  sinimulang halukayin ng China ang langis sa WPS ay muli  niyang igigiit na pag-aari ng Pilipinas ang naturang lugar.

Pero nilinaw naman ng Pangulo na bukas siya sa ‘all aiding’ pero kailangan magkaroon ng 60-40 sharing pabor sa Pilipinas.

Katwiran ng Pangulo, wala rin namang kapital ang bansa para makapag-invest sa pagmimina ng langis sa WPS maliban pa sa walang teknolohiyang taglay ang Pilipinas para gawin ito.

Paliwanag pa ng Pangulo, may tamang oras para igiit ng Pilipinas ang pag-angkin sa disputed territory at posibleng mangyari ito isang taon bago matapos ang kanyang termino bilang Pangulo ng bansa.

Read More

‘WPS IS OURS PERO…’

west12
0

(NI BERNARD TAGUINOD)

NILINAW ni Pangulong Rodrigo Duterte sa kanyang State of the Nation Address (SONA) na pag-aari ng Pilipinas ang West Philippine Sea taliwas sa paniniwala ng marami na isinuko na niya ito sa China.

“West Philippine  Sea… It is ours… But we have to temperate with the times and with the realities we face today,” ani Duterte.

Gayunpaman, bagama’t pag-aari aniya ng Pilipinas ang nasabing teritoryo ay nasa posesyon ito ng China na nangyari umano dahil sa kapabayaan ng nakaraang administrasyon.

Nabatid na inabandona umano ni dating Foreign Affairs secretary Albert del Rosario ang posesyon sa WPS noong kanilang panahon at mula noon ay hinawakan na ito ng China.

Ipinagtanggol din nito ang kanyang desisyon na bigyan ng fishing rights ang China sa WPS subalit malinaw aniya sa ruling ng Permanent Court of Arbitration (PCA) na pinapayagan umano ang ibang estado na makinabang sa mga resources sa loob ng Exclusive Economic Zone (EZZ) ng bansa.

The arbitral [ruling] even states PH may even enter into fishing agreement with other states. Our ownership of the West PH Sea is internationally recongized. But UNCLOS and the arbitral award in case of Rep of PH vs China recognizes instances when other state may utilize the resources found within the coastal states’ EEZ,” ani Duterte.

Ayaw umano nitong dumami ang mga ma-biyuda at maulilang mga bata kaya hindi ito padalus-dalos sa kanyang aksiyon sa China dahil wala umanong laban ang bansa kapag nagkagiyera.

“There is a time for everything: a time to negotiate and a time to quarrel – with your enemy, with your political opponents, with your wife… and a time to make peace, and a time to go to war, and a time to die,” ayon pa kay Duterte.

Read More