INANUNSYO ng Bureau of Immigration (BI) ang pagtatalaga sa Ninoy Aquino International Airport (NAIA) ng kabuuang 99 new Immigration Officers (IOs) na kamakailan ay ni-recruit ng ahensiya para punuan ang kakulangan ng mga tao sa pangunahing pwerto ng bansa.
“Our new IOs have started reporting for duty in the three terminals of the NAIA since last week and they are currently undergoing on-the-job training prior to their full deployment in our immigration counters,” ani Atty. Carlos Capulong, BI Port Operations chief.
Sa report kay BI Commissioner Jaime Morente, sinabi ni Capulong na ang bagong immigration inspectors ay magpapalitan sa kanilang shift assignments kada linggo, “so they can experience the challenges and grasp the enormity of their roles and responsibilities as border control officers of our country”.
Hinimok naman ni Morente ang BI personnel na laging ipagyabang ang kanilang mga trabaho at ipakita ang professionalism at integridad sa kanilang tungkulin.
“Now more than ever it is imperative for us to prove to our leaders and countrymen that we are dedicated to our mandate of protecting our borders from being infiltrated with unwanted aliens,” dagdag niya.
Kasabay nito, pinaalalahanan niya ang mga empleyado na pigilan ang pagpasok ng undesirable aliens, at inatasan na magbantay sa mahihirap na Pinoy para hindi mabiktima ng human traffickers.
Matatandaan, ang bagong BI recruits ay nakumpleto na ang ‘three-month training on immigration laws, rules and procedures’.
Nabatid na libo katao ang nag-apply para sa 99 Immigration Officer 1 plantilla positions.
Ang immigration officers ay itatalaga sa NAIA para paghandaan ang muling pagbubukas ng hangganan ng bansa at pagbubukas ng iba pang international airports.
“We believe that as more and more Filipinos are vaccinated, this pandemic will soon be a thing of the past and there will be an influx of international travelers into our country. Thus, this early we are already preparing and bracing for this eventuality,” ayon pa kay Capulong. (JOEL O. AMONGO)
147 
