MAGPAPADALA ang European Union (EU) ng Election Observation Mission sa Pilipinas upang obserbahan ang midterm elections ngayong Mayo 12.

Napagpasyahan ni High Representative/Vice President of the European Commission (HR/VP) Kaja Kallas na mag-deploy ng EU Election Observation Mission (EOM) para obserbahan ang midterm polls.

Ang EU ang kauna-unahang na magpapadala ng EOM sa pamamagitan ng imbitasyon ng Commission on Elections (Comelec).

Sinabi ng EU na ang hakbang ay nagmamarka ng mas matibay na relasyon ng EU at Pilipinas.

Itinalaga ni Kallas si Marta Temido, miyembro ng European Parliament, bilang chief observer.”It will be a privilege to lead the 2025 EU Election Observation Mission to the Philippines,” sabi ni Temido.

“I look forward to meeting and engaging with representatives of State institutions, political parties, candidates, civil society, and other electoral stakeholders in the Philippines,” dagdag pa ni Temido.

Ayon sa EU, ang EOM ay magbibigay ng komprehensibo, independent at impartial assessment ng electoral process base sa international at regional standards para sa democratic elections.

Misyon din nito na maglabas ng preliminary statement at magsagawa ng press conference matapos ang eleksyon.

Ang final report, kabilang ang rekomendasyon para sa electoral processes sa hinaharap, ay ihaharap at ibabahagi sa stakeholders matapos maisapinal ang buong electoral process. (JOCELYN DOMENDEN)