ISASALANG ng Wrestling Association of the Philippines (WAP) ang pinakamalaking event para sa wrestling enthusiasts sa bansa sa unang quarter ng taong 2020.
Ayon kay WAP president Alvin Aguilar, gaganapin sa Festival Mall sa Alabang, Muntinlupa City sa Marso 7-8 ang WAP 2020 Nationals Championship, isang open tournament para sa mga lalaki at babaeng grapplers sa Pilipinas.
Ang dalawang araw na kompetisyon ay naaayon sa weight division at age category na paglalabanan sa grappling at Greco Roman (men and women).
“This first big event of the year aims to discover new talents in preparation for our international events abroad and to look forward to our more productive SEA Games stint in Vietnam next year,” paliwanag ni Aguilar.
Pinasalamatan naman ni Aguilar ang Philippine Sports Commission (PSC) at Philippine Olympic Committee (POC) sa pagbibigay ng ayuda sa WAP.
“Our mission is to surpass our two golds and many silvers and bronzes we won in the last 30th Southeast Asian Games,” dagdag niya.
Sinabi naman ni WAP secretary general Marcus Valda, ang mga intresadong sumali na club teams at individuals ay maaaring magpatala sa PHI@unitedworldwrestling.org o kumontak kay Alex Cabuñag sa numerong 09178971577. (DENNIS INIGO)
306
