HINIKAYAT ng Department of Transportation ang lahat ng toll operators na dagdagan ang RFID sites kung saan maaring makabili o magpakabit ng mga sticker ang mga sasakyan para hindi mahaba ang mga pila.

Sa December 1 na kasi magsisimula ang tinatawag na cashless payments.

“The solution is not to defer the cashless program, but for toll operators to increase the number of installation booths and manpower along strategic places,” sinabi ng ahensya.

Iniurong ng DOTr ang cashless system sa mga expressway para mabigyan ng pagkakataon ang lahat ng mga motorista na makapagpakabit nito.

Iyon nga lang nananatiling mahaba ang mga pila ng mga gustong magpakabit ng RFID.

“Any delay in its implementation amid the COVID-19 pandemic will only make motorists, as well as the personnel manning the toll plazas, vulnerable to unwanted and unnecessary physical contact, and hence, exposure to the deadly coronavirus,” sinabi nito.

Magkaiba rin ang operators ng North at South Luzon Expressways kaya mahirap para sa mga motorista. (CATHERINE CUETO)