HINDI na nakarating sa kanyang paboritong mamihan ang isang tricycle driver nang pagbabarilin at mapatay ng magkaangkas sa motorsiklo, sa Caloocan City nitong Huwebes ng gabi.
Agad nagkikisay si Mark Angelo Mamait makaraang apat na beses paputukan ng mga suspek.
Ayon sa ulat, kakain sana ng mami ang biktima matapos na maghatid ng pasahero nang tambangan ng nasabing tandem sa Langit Road, Barangay 176, Bagong Silang, Caloocan City.
Walang ideya ang ina ng biktima kung sino ang lumikida at bakit pinatay ang kanyang anak dahil wala naman umano itong kaaway. (ALAIN AJERO)
196 
