‘NATUTULOG’ NA PH-JAPAN BIZ PARTNERSHIP PASISIGLAHIN NI PBBM

NAIS ni Pangulong Ferdinand R. Marcos Jr. na buhayin at muling pasiglahin ang “business partnerships” ng Pilipinas at Japan na bahagyang pinatulog ng COVID-19 pandemic.

Para sa Pangulo, makatutulong ito para lumago ang ekonomiya ng dalawang bansa.

Ang pahayag na ito ng Pangulo ay binanggit niya sa isang dinner meeting kasama ang executives ng Mitsui & Co. at Metro Pacific Investments Corporation (MPIC) makaraang dumating sa Tokyo ang delegasyon.

Sa official Facebook account ng state-run Radio Television Malacañang (RTVM), makikita rito ang video footage ni Pangulong Marcos kasama ang executives kabilang sina Mitsui & Co. chief executive officer Kenichi Hori at MPIC chairperson Manny Pangilinan.

“The partnership between not only Mitsui but the whole of Japan and the Philippines has been a long-standing one. We can point to so many of the developments that happened in the Philippines with the assistance of the different Japanese funding agencies and our government-to-government (G2G) arrangements and commercial arrangements, and these have been to the benefit of both our countries,” ayon sa Pangulo.

“The partnerships, I think, that we have developed with our friends here in Japan, with Mitsui, in particular…We will have to revitalize them as they have been dormant to a degree, during the lockdowns of the pandemic,” dagdag na pahayag nito.

Looking forward naman si Pangulong Marcos na ang mga pag-uusap na mangyayari sa panahon ng kanyang five-day official visit ay makatutulong sa pagpapabuti ng ekonomiya.

Bukod kay Pangilinan, ang iba pang business leaders na kasama sa delegasyon ng bansa sina San Miguel Corp. Ramon Ang at Ayala Corp’s Jaime Augusto Zobel de Ayala.

Sinamahan naman ang Pangulo ni Unang Ginang Liza Araneta-Marcos at ilang key government officials kabilang sina Senate President Juan Miguel Zubiri, House Speaker Martin Romualdez at dating Pangulo at ngayon ay Senior Deputy Speaker Gloria Macapagal-Arroyo. (CHRISTIAN DALE)

308

Related posts

Leave a Comment