ILOCOS Sur – Minabuti ng isang soltero na magbigti dahil bigong makapag-asawa, iniulat nitong Lunes ng umaga sa Vigan City sa lalawigang ito.

Kinilala ang biktimang si Herbert Rabang, 38-anyos, residente ng Ayusan Norte, Vigan City.

Batay sa report ng Vigan-PNP, dakong alas-11:50 ng gabi noong Linggo nang matagpuan ang bangkay ng biktima sa loob ng kanyang silid sa nasabing lugar.

Ayon sa kapatid na si Marius Rabang, nagtataka sila kung bakit hindi pa lumalabas ng kanyang kuwarto si Herbert dahilan para katukin ito sa kanyang silid.

Nakakandado ang pinto at walang sumasagot kaya sapilitan nilang sinira ang pintuan at nang mabuksan ay bumulaga sa kanila ang nakabigting biktima.

Isinugod nila ang biktima sa ospital ngunit idineklarang patay na. (ANNIE PINEDA)