NATIMBOG ang claimant ng 2,984 pirasong ecstasy sa ikinasang controlled delivery operation sa Cebu City ng Philippine Drug Enforcement Agency (PDEA) at mga tauhan ng Inter-Agency Drug Interdiction Task Group (IADITG) ng Bureau of Customs.

Ayon sa report, nagmula ang mga ito sa bansang Netherland at idineklara bilang mga damit pambabae o women’s clothes na umabot sa P5,072,800 ang halaga.

Nadiskubre ang mga droga matapos ang isinagawang physical examination ng mga taga PDEA at Customs Examiner ng Ninoy Aquino International Airport (NAIA).

Kahaharapin ng suspek ang kasong paglabag sa RA 9165 o Comprehensive Dangerous Drug Act at RA 10863 o Customs Modernization and Tariff Act (CMTA). (FROILAN MORALLOS)