ITINALAGA si District Engineer Brice Ericson Hernandez bilang bagong Officer-In-Charge (OIC) District Engineer ng Department of Public Works and Highways (DPWH) Bulacan First District Engineering Office (DEO) na magpapatuloy ng mahusay na serbisyo sa larangan ng infrastructure development ng nasasakupan nito.

Pinalitan ni Hernandez si Engineer Henry Alcantara na itinalaga naman bilang OIC Assistant Regional Director ng DPWH Region IV-A regional office effective on June 13, 2025.

Pinalitan naman ni Engr. Alcantara si ARD Joel Limpengco na itinalaga naman bilang Regional Director ng DPWH Region 6. Si Alcantara ay nagsilbi bilang DE ng Bulacan 1st DEO sa loob ng 6 na taon mula 2019.

Tiniyak ni Hernandez na sa ilalim ng kaniyang bagong liderato ay mas paghuhusayin nito ang proyektong imprastraktura at mabisang pagsisilbi sa komunidad at ipagpapatuloy ang matibay na pundasyon at legasiyang inilatag ni Engineer Alcanatara.

“Nandito tayo para ipagpatuloy ang magandang sinimulan ni ard henry alcantara. Mga proyektong makakatulong para makaginhawa sa pang araw araw na pamumuhay ng taong bayan,” wika ni Hernandez.

Bago itinalagang district engineer, si Hernandez ang Assistant District Engineer (ADE) ng Bulacan 1st DEO habang papalit naman sa kaniya si ADE Engineer Jaypee Mendoza, chief of the district’s Construction Section.

Sa kanyang mensahe sa ginanap na farewell gathering noong Lunes, naniniwala si Alcantara na si Engr. Hernandez ay maghahatid din ng solidong pundasyon kung saan ang kaniyang expertise ay mahalaga sa pagtugon sa pangangailangan ng district’s infrastructure.

Malugod namang tinatanggap ni Region 3 Regional Director Roseller Tolentino, ADE Mendoza at ng lahat ng hepe ng district section si Engr. Hernandez na buo ang tiwala na magagampanan nito ang bagong assignment.

Sa kanyang mensahe para kay Hernandez, sinabi ni RD Tolentino na ang focus ng kasalukuyang administrasyon sa ilalim ng programa ng Bagong Pilipinas sa pamamagitan ng ahensiya ng DPWH ay matiyak ang kaligtasan ng mga road-users, motorists and pedestrians.