SA isang burado nang post, hindi pinaboran ng Korte Suprema ang hiling nina dating pangulong Rodrigo Duterte at Senator Bato dela Rosa sa pamamagitan ng kanilang mga abogado, na maglabas ng Temporary Restraining Order para pigilan ang pamahalaan ng Pilipinas na makipagtulungan sa International Criminal Court (ICC).

Batay sa resolusyon ng Supreme Court En Banc, denied ang prayer for TRO at petition for certiorari nina Duterte at dela Rosa.

Inihain ang petisyon bago pa man makalipad ang dating Pangulo noong Martes ng gabi.

Gayunman, pinagkokomento ng SC ang Respondents sa petisyon na sina Executive Secretary Lucas Bersamin, Justice Secretary Boying Remulla, DILG Secretary Jonvic Remulla, PNP Chief Rommel Marbil, CIDG Chief Nicolas Torre III, Solicitor General Menardo Guevarra, DFA Secretary Enrique Manalo, AFP Chief of Staff Gen. Romeo Brawner Jr. at dating Immigration Commissioner Norman Tansingco.

May sampung araw ang respondents upang sumagot sa petisyon.

Hindi naman malinaw sa SC kung bakit agad nilang binura ang kanilang post. (JULIET PACOT)