PINALAWIG ng Inter-Agency Task Force (IATF) ang enhanced community quarantine (ECQ) sa Laguna hanggang Agosto 20, 2021.
Ito’y batay na rin sa rekomendasyon ng Department of the Interior and Local Government (DILG) at matapos ang konsultasyon sa lokal na pamahalaan ng naturang lalawigan.
Nauna nang inilagay ang Laguna sa ilalim ng ECQ hanggang Agosto 15, 2021, at napagdesisyunang ibaba sa modified enhanced community quarantine (MECQ) simula Agosto 16 hanggang 31, 2021, hanggang sa susugan na ibalik sa ECQ status.
Ang pinakabagong ECQ re-classification ay ginawa upang ma-maximize ang epekto, pababain ang surge ng COVID-19 cases, at mapahinto ang pagkalat ng variants at mapaghusay pa ang health system capacity para protektahan ang mas maraming buhay sa nasabing lugar.
Sinabi ni Presidential spokesperson Harry Roque na ito’y alinsunod sa Executive Order 112 na nagbibigay awtoridad sa IATF “to impose, lift, or extend a community quarantine in provinces, highly urbanized cities, and independent component cities.” (CHRISTIAN DALE)
151 
