PINAGKALOOBAN ng Department of Environment and Natural Resources (DENR) ng “Manila Bay-ani Award” ang Villar SIPAG kabilang sina Sen. Cynthia A. Villar at Senator-elect Mark Villar, sa pagdiriwang ng Philippine Environment Month.

Ang parangal ay ipinagkaloob bilang pasasalamat sa kanilang walang kapagurang dedikasyon at commitment sa pagbibigay proteksyon sa Manila Bay.

Bilang chairperson ng Senate Committee on Environment, nangunguna si Senator Villar sa environmental protection and preservation sa kabila ng climate change at iba pang hamon na kinahaharap ng ating “Mother Earth.”

Ang awarding ceremonies ay ginanap ng DENR-NCR sa Diamond Hotel nitong June 14, 2022.

Nakatutok ang selebrasyon sa taong ito sa pagpapalawig sa environmental awareness ng mga Pilipino.

Kasama ding tumanggap ng parangal sila former DENR Secretary Roy Cimatu, Atty. Rita Linda Jimeno, former DENR USec Benny Antiporda, Atty. Antonio Oposa, Jr. at Congressman-Elect Edward Hagedorn. (ESTONG REYES)