NATIMBOG ng mga tauhan ng Eastern Police District-District Drug Enforcement Unit (EPD-DDEU) ang tatlong umano’y tulak ng ilegal na droga matapos kumagat sa ikinasang buy-bust operartion sa Pasig City, nitong Huwebes ng gabi.

Sa ulat ng Pasig City Police Station (CPS), kinilala ang mga nadakip na sina Carlito Ventura y Miranda, 56; Jerry Cuadrante y Swenen, 28, at Gerald Fernandez y Jacoba, 35-anyos.

Dinakip ng mga tauhan ng DDEU, sa pangunguna ni P/Capt. Allan Hernandez, ang mga suspek sa inilunsad na anti-drug operation sa bahay ni Ventura makaraang bentahan ng umano’y droga ang pulis na nagpanggap na poseur buyer bandang alas-11:30 ng gabi.

Nakumpiska sa mga suspek ang tinatayang 40 gramo ng  umano’y na P272,000  ang street value.

Nahaharap ang mga suspek sa kasong paglabag sa RA 9165 (Comprehensive Dangerous Drugs Act of 2002). (NICK ECHEVARRIA)