MATINDING pagkadismaya ang pahiwatig ng minorya sa Kamara matapos maiwan sa talaan ng inirekomendang kasuhan ang iba pang mataaas na opisyal ng pamahalaan kabilang si dating Budget Undersecretary Christopher Lloyd Lao na siyang nagbigay daan sa kontrobersyal na transaksyon sa pagitan ng Pharmally Pharmaceutical Corp. at ng Procurement Service ng Department of Budget and Management.
“It echoes the whitewashing line of President Duterte that, if at all, only Pharmally and its officials are involved in anomalies – the scapegoat,” paglalarawan ni House deputy minority leader Carlos Zarate sa inilabas na ulat ng committee on good governance and public accountability na nagsusulong sa paghahain ng kasong kriminal sa anim na corporate executives ng Pharmally.
Higit na hinanakit aniya ang dala ng pag-abswelto sa iba pang mga opisyal ng gobyerno tulad nina Secretary Francisco Duque ng Department of Health (DOH). Lao ng PS-DBM) at iba pa.
Maliban kina Jorge Mendoza at Mervin Tanquintic na lumagda sa inspection and at receiving forms ng mga medical supplies na hindi pa naman idinedeliver, wala nang iba pang inirekomendang kasuhan sa Office of the Ombudsman ang komiteng pinamumunuan ni partylist Rep. Michael Aglipay.
“Meanwhile, following the Duterte line, it absolved the IATF, DBM, DOH and officials like Sec. Duque,” ani Zarate kaugnay ng kanilang pagbawi ng lagda sa committee level report.
Bukod kay Zarate, binawi rin ng isa pang militanteng kongresista ang kanyang boto makaraang masilip ang committee report.
“Upon review of the draft Committee Report on the motu proprio investigation on the procurement of Medical and Health supplies for COVID-19 response, and based on consultations with the healthcare sector workers and colleagues in the Makabayan bloc, I have decided to change my vote to the said Committee Report to “No”,” ani Rep. Ferdinand Gaite kay Aglipay.
Agad namang idinepensa ni Aglipay ang kanyang desisyon na tanging ang mga opisyales ng Pharmally Pharmaceutical Corp., ang pinakakasuhan ng kasong “syndicated estafa”.
“The report is very fair and very thorough. In fact this morning the Makabayan bloc represented by Cong Gaite in our committee voted yes to the report but only changed his vote this afternoon after five hours upon pressure from Rep. Caloy Zarate,” depensa ni Aglipay.
Giit ni Aglipay, walang sapat na ebidensyang magdidiin kina dating economic adviser Michael Yang at dating PS-DBM chief Christopher Lloyd Lao at iba pang opisyales. (BERNARD TAGUINOD)
206 
