39 KONGRESISTA NAKIPARTE SA P5-B ROAD USERS’ TAX

congress

(NI BERNARD TAGUINOD)

Nakihati ang may 39  miyembro ng Mababang Kapulungan ng Kongreso sa P5 billion pondo ng Road Users’ Tax (RUT) na inaprubahan ng Road Board para sa susunod na taon.

Napilitang ilabas  ni House majority leader Roland Andaya Jr., ang dokumento para maipakita umano na hindi siya interesado sa RUT tulad ng ipinapalabas umano ni Budget Secretary Benjamin Diokno. “Unang-una ibibigay ko sa inyo yung mga listahan ng mga approved na for release ng Road Board at ano naman ang rason ko para lumapit sa kanya e ni isang request wala ako duon,” ani Andaya.

Sa 39 congressmen na nagrequest ng pondo, si PBA party-list Rep. Jericho Jonas Nograles ang may pinakamaraming request para sa pagpapa-aspalto at signage ng mga kalsada na umaabot sa siyam at nagkakahalaga ng P410 million.

Sumunod si dating House majority leader Rodolfo Farinas na may P246.3 Million habang si Cavite Rep. Abraham Tolentino ay mayroong P112 million at mahigit P50 million naman kay Pampanga Rep. Aurelio “Dong” Umali at P60 Million naman kay Surigao del Sur Rep. Prospero Pichay.

Umaabot naman sa P16 Million ang inaprubahang request ni Senate Minority leader Franklin Drilon habang P10 Million naman kay Sen. Sonny Angara.Kabilang sa mga nagrequest ng RUT funds na milyon-milyon ang halaga ay sina Taguig Rep. Arnel Cerafica; Kabayan party-list Rep. Ron Salo, LPGMA party-list Rep. Arnel Ty; Pangasinan Rep. Marlyn Primicia-Agabas; ANAN-IP party-list Rep. Jose Panganiban; Isabela Rep. Napoleon Dy; Isabela Rep. Ma. Lourdes Aggabao; Aurora Rep. Bellaflor Angara-Castillo; CIBAC party-list Rep. Sherwin Tugna; Batangas Rep. Ma. Theresa Collanates; BH party-list Rep. Bernadeth Herrera-Dy; Abiag party-list Rep. Michelle Antonio; Antipolo City Rep. Romeo Acop; PBA party-list Rep. Michael Romeo II; Catanduanes Rep. Cesar Sarmiento; Camarines Sur Rep. Salvio Fortuno; Negros Oriental Manuel Sagarbarria; Aklan rep. Roger Mercado; Agusan del Sur Rep. Aurora Cerilles; Cagayan de Oro City Rep. Maximo Rodriguez; AASENSO party-list Rep. Teodoro Montoro; Coop-natco party-list Rep. Sabiniano Canama, Akbayan party-list Rep. Tom Villarin; North Cotabato Rep. Nancy Catamco; North Cotabato Jose Tejada; Surigao del Norte Rep. Robert Ace Barbers; Surigao del Sur Rep. Johnny Pimentel; Kalinga Rep. Allen Jesse Mangaoang; Nueva Ecija Rep. Micaela Violago; Iligan Rep. Frederick Siao at Surigao del Norte Rep. Jose Bingo Matugas.

“So wala naman akong karapatan mag follow up sa kanya dahil wala akong hinihingi. Pati po yung ating Speaker, wala ring pong request para i-release. Bibigyan ko po kayo ng kopya ngayon,” ani Andaya dahil sinabi umano ni Diokno na lumapit siya sa Kalihim para sa RUT funds.

7

Related posts

Leave a Comment