SA kanyang bahay sa Davao City magpa-Pasko si Pangulong Duterte tulad ng ginagawa niya sa loob ng tatlong taong magkakasunod mula nang umupo sa Malacanang.

Sinabi ni presidential spokesperson Salvador Panelo na isang simpleng salo-salo lang ang ginagawa ng mga Duterte sa Noche Buena at kinabuksan ay bibisitahin naman ng Pangulo ang mga batang may sakit sa mga ospital. Ganito na umano ang nakagawian ng Pangulo kung saan dalawang taon na nakararaan ay nagtungo ito sa mga ospital upang aliwin ang mga pasyente sa Bisperas ng Pasko.