KAMARA KASADO NA SA SONA

HANDANG-HANDA na ang Batasan Pambansa complex para sa huling State of the Nation Address (SONA) ni Pangulong Rodrigo Duterte at nakalatag na ang red carpet na dadaanan ng may 350 mambabatas, cabinet officials at diplomatic corps na inimbitahan sa nasabing okasyon.

Subalit, mistulang itsapuwera si dating House Speaker Alan Peter Cayetano sa SONA sa Lunes (Hulyo 26) dahil hindi pa ito nakatatanggap ng imbitasyon.

Sa isang panayam kay Cayetano, kinumpirma nito na hindi pa siya nakatatanggap ng imbitasyon sa liderato ng Kamara para dumalo nang personal sa huling SONA ni Duterte.

“Well, wala pang imbitasyon so dalawa nakahanda kong damit. Isang Barong at pantalon kapag ka naimbitahan ‘don. Isa namang barong at shorts pagka dun lang sa zoom,” ani Cayetano.

Ginawa ni Cayetano ang pahayag ilang oras matapos kumpirmahin ni House secretary general Mark Llandro Mendoza na naipadala na ng mga ito ang imbitasyon.

Sa katunayan, nagkumpirma na umano si dating Pangulong Gloria Macapagal Arroyo na dadalo habang wala pang kumpirmasyon sina dating Pangulong Joseph Estrada at Fidel Ramos.

Samantala, mahigpit na ang seguridad sa Batasan Complex bilang bahagi ng paghahanda sa SONA. (BERNARD TAGUINOD)

49

Related posts

Leave a Comment