KAMARA ‘TO THE RESCUE’ KAY OBIENA

IIMBESTIGAHAN na rin ng Kamara ang gusot na namamagitan ngayon kay Olympian EJ Obiena at sa Philippine Athletic Track and Field Association (PATAFA).

Sa kanyang House Resolution, inatasan ni Manila Rep. Rolando Valeriano ang House Committee on Youth and Sports Development na imbestigahan ang umano’y harassment ng PATAFA sa manlalaro.

Nagsimula ang gusot nang akusahan ng PATAFA si Obiena ng pagpalsipika umano sa liquidation documents kaya inatasan ito na ibalik ang 85,000 Euro o mahigit P4.8 Million sa asosasyon.

Ito ay dahil hindi umano binayaran ang sahod ng Ukrainian coach ni Obiena na si Vitaliy Petrov. Ngunit matapos itanggi ng dalawa sa isang press conference ang akusasyon ay kumambyo umano ang PATAFA.

“Why are they harassing Obiena?

“Are they sabotaging his career?

“Is this an indication of this (National Sports Associations) NSA’s failure to promote his welfare?

“Is PATAFA helping or hurting our athletes?”, magkakasunod na tanong ni Valeriano.

Si Obiena na isang Manileno at lumaki sa Tondo ay Asian Games gold medalist, Asian record holder sa pole vault at naging finalist sa nakaraang Tokyo Olympics.

Noong September, siya ang World’s No. 5 sa nasabing sport at silver medal sa Paris Diamond League matapos malinis nitong matalon ang 5.91 meters.

“The actuations of these NSAs, like the PATAFA, may already be detrimental, not just for our athletes, but for our sports ecosystem. I am not generalizing the NSAs, but some of them, instead of concentrating on sustainable sports development programs, looking for and nurturing the “next” world class Filipino athlete, just engage in endless politicking and bickering,” ayon pa sa mambabatas.

Bahagi rin ng resolusyon ng mambabatas na rebyuhin ang patakaran at relasyon sa pagitan ng Philippine Olympic Committee (POC) at Philippine Sports Commission (PSC) sa mga atleta.

“We need NSAs that are not heavily dependent on government funding. They should continually generate private sector support. Their officials should go out of their way to communicate with and support our athletes, and not humiliate them in public with baseless accusations,” dagdag pa ng mambabatas. (BERNARD TAGUINOD)

170

Related posts

Leave a Comment