WE Heart-Chiz.
Ito ang naging panunukso ng mga senador sa pagbabalik ni Senador Francis “Chiz” Escudero na naka-sentro sa takbo ng kanyang lovelife.
Sa pagsisimula ng sesyon nitong Miyerkoles, nagbigay ng short manifestation si Senador Grace Poe na napansin ang magandang ‘aura’ ng senador.
“I would like to warmly welcome our colleague and my seatmate Sen Chiz. First time in a long time we’ve seen that smile on his face with the wonderful aura and I think is there anything we learned from this, is that “Love is worth fighting for?” pahayag ni Poe.
Inudyukan naman ito ni Senate President Juan Miguel Zubiri: “We believe in second chances” na sinundan ni Senate Majority Floor Leader Joel Villanueva ng “We Heart Chiz.”
Matatandaang nitong nakaraang taon, naging usap-usapan ang paghihiwalay umano ni Escudero at asawang aktres at model na si Heart Evangelista.
Nitong Enero, napabalitang nagkabalikan na si Chiz at Heart at nagbakasyon pa sa Japan, kasama ang dalawang anak ng senador, dalawang araw matapos ang pagdiriwang ng Bagong Taon.
Sumingit din sa panunukso si Senador Loren Legarda para suportahan ang pahayag ni Poe kay Escudero.
“I just want to signify my support to the statement made by Poe and you see the different aura of our good friend from Bicol Gov/ Sen. Chiz Escudero,” giit ni Legarda.
Muli namang sumagot si Zubiri, “We are all happy for you. This whole session floor is happy for our dear college from Sorsogon.”
Gusto pa sana ni Legarda na mag-interpellate kay Poe kaugnay ng kanyang komento kay Escudero subalit pabirong sabi ni Zubiri, saka na lang ito gawin.
“Maybe for another time,” diin ni Zubiri kasabay ng tawanan ng mga senador. (DANG SAMSON-GARCIA)
68 
