INAABANGAN kung aabot kay Pangulong Ferdinand “Bongbong” Marcos Jr. ang imbestigasyon ng Office of the Ombudsman matapos ang pasabog ni Ako Bicol party-list Rep. Zaldy Co.

Inihayag ni Ombudsman Jesus Crispin “Boying” Remulla na paiiralin ng anti-graft body ang “motu proprio investigation” sa lahat ng indibidwal na idinawit ni Co sa kanyang revelation video, na kinabibilangan ng kasalukuyang Pangulo.

Gayunman, iginiit ni Remulla, illogical ang paratang ni Co na may “insertions” kung saan umano’y nakinabang ang Pangulo. Patuloy ang imbestigasyon upang matukoy ang lawak at katotohanan ng alegasyon.

(JULIET PACOT)