(CHRISTIAN DALE)

PINAALALAHANAN ni Pangulong Ferdinand Marcos Jr. ang kapulisan na magtrabaho na may integridad at huwag hayaan na hindi maging tapat at abusuhin ang paggampan sa kanilang tungkulin.

Sa naging talumpati ng Pangulo, sa ika-121 Police Service Anniversary celebration na idinaos sa PNP Multi-Purpose Center sa Camp Crame, Quezon City, hinikayat niya ang mga police officer na gawin ang kanilang makakaya na hindi masasakripisyo ang kanilang integridad bilang public servants.

“I enjoined all of you to give it your best as you always have, without sacrificing your integrity as servants of the people. Let us be united in supporting the PNP leadership and its crusade against those who intend to inflict harm and disorder,” ayon kay Pangulong Marcos.

“Let us continue to conduct our business with utmost integrity and accountability and let us not allow even a hint of dishonesty and abuse to enter that narrative,” dagdag na pahayag nito.

Bilang nangunguna sa kapayapaan, sinabi ni Pangulong Marcos na ang mga police officer ay isang halimbawa ng uri ng lider sa bansa na kailangan para malampasan ang problema.

“With solid support of vast majority, there is no doubt in my mind that we will overcome and triumph in the end despite all odds,” aniya pa rin.

Sa kabilang dako, pinaalalahanan pa rin ng Punong Ehekutibo ang mga pulis na ang paggamit ng dahas alinsunod sa kanilang tungkulin at gampanin ay dapat na “reasonable and justifiable.”

Binigyang diin ng Punong Ehekutibo na maraming police officers ang nagpahayag ng “important values” na maaaring makamit sa pagpapakita at pagganap sa tungkulin.

Giit pa rin ng Pangulo na dapat lamang na gawin ng police force ang kanilang tungkulin na patas at walang kinikilingan o pinapanigan.

“Given the gravity, the seriousness, the difficulty of the responsibility and relative influence that you carry, it is a must that the application of your mandate is firmly grounded on moral principles, integrity, accountability, and honesty to ensure continued public rapport and support from the public for the PNP,” ayon kay Pangulong Marcos sa kanyang naging talumpati.

Kumpiyansa naman ang Chief Executive na magiging “great complement” sa kanyang administrasyon ang liderato ni newly-installed PNP chief Police General Rodolfo Azurin Jr.

“I am confident that we have chosen the right leader in his person to head the PNP so that it continues to evolve, continues to grow, and to develop into a well-balanced institution — effective and capable of steadfastly rendering faithful service to our sovereign nation and all its citizenry,” ang pahayag ni Pangulong Marcos.

Sa ilalim ng liderato ni Azurin, nais ng Punong Ehekutibo na masaksihan ang police organization na mayroong “higher sense of commitment, determination, and cooperation.”

“Chief PNP General Azurin’s able governance will serve as the impetus that would further develop and strengthen the PNP in its resolve to promote goodwill and harmony in the heart of our motherland,” ayon kay Pangulong Marcos.

Noong nakaraang linggo lamang pormal na umupo si Azurin bilang bagong hepe ng PNP.