SINIMULAN ni Senador Grace Poe ang paghimay sa hinihinging prangkisa ng Dito Telecommunity at isa pang bagong aplikasyon sa Senado saka inisa-isa ang tatlong problema sa internet connectivity sa bansa upang matutukan ng service provider.

Sa kanyang opening statement sa ginanap na pagdinig ng Senate committee on public services, sinabi ni Poe na tinalakay ang aplikasyon sa prangkisa ng bagong telecommunication companies, ang Dito Telecommunity Corporation, dating Mislatel at Instant Data Inc., bagong aplikante.

“In this hearing, we will ask Dito and Instant Data how they intend to help improve the telco services in the country and expand coverage to unserved and underserved areas. ‘Yung mga wala talagang koneksyon. We will also find out if Dito is compliant with the conditions set under its certificate of public convenience and necessity and if they are on track to meet their commitments,” ayon sa senador.

Sinabi pa ni Poe na inimbitahan din sa pagdinig ang kinatawan ng Department of National Defense at National Security Council upang maliwanagan sa isyung pambansang seguridad ng pagtatayo ng cell tower sa loob ng kampo militar.

“Due to the pandemic that led to our increased dependence on everything online – from the more essential activities like schooling, working, banking, and shopping to our social activities like talking to family and friends – we are now more painfully aware of the sad state of internet services in our country,” ayon kay Poe.

Aniya, sa nagdaang siyam na buwan, higit na nadama ang problema sa internet sa ating bansa partikular ang kabagalan, kamahalan at kakapusan ng serbisyo sa malalayong lugar.

“Mabagal. The Philippines ranked 110 out of 174 countries in the speed test global index,” ayon kay Poe

“Mahal. Telcos in the country are charging the fourth highest cost in ASEAN at about P315 per 500 megabytes of prepaid mobile connection which is almost at par with the internet cost in Singapore and Thailand kung saan ‘di hamak na mas maayos at mabilis ang kanilang internet,” dagdag ng senador.

“Kulang. Batay sa 2019 DICT National ICT Household Survey, halos 64 percent ng ating mga komunidad ang walang telco tower sa kanilang lugar. 84 percent pa rin ng ating mga kabahayan ang walang internet access. 70 percent ng ating mga barangay ang walang fiber optic cables,” giit pa ni Poe.

Sinabi ni Poe na halos 88 porsiyento ng ating mga barangay ang hindi pa rin naaabot ng free WiFi kahit na may Free Public WiFi law na. (ESTONG REYES)