PAIIGTINGIN ng Joint Task Force COVID Shield ang police visibility sa lahat ng mga terminal ng bus at jeepney upang matiyak na nasusunod ang itinakdang minimum health safety standard protocols ng National Task Force on COVID-19 na pinamumunuan ni Secretary of National Defense Delfin Lorenzana.

Nabatid kay Police Lieutenant General Guillermo Lorenzo Eleazar, JTF COVID Shield commander, sa koordinasyon sa Philippine National Police (PNP) na ngayon ay nasa ilalim na ng pamumuno ni Police General Camilo Pancratius Cascolan, inaatasan ang lahat ng police commanders na magsagawa ng random checks sa mga pampublikong sasakyan gaya ng bus at jeepneys kung saan madalas nagkukumpol-kumpol ang mga pasahero.

Layunin nitong masiguro na sumusunod ang mga tsuper, konduktor at pasahero sa minimum health safety standard protocols gaya ng pagsusuot ng face masks at face shields at tamang physicaldistancing.

“As the national government lifted some of the restrictions in public transportation as part of the measures to reopen our economy, we will make sure that the guidelines issued by the National Task Force on COVID-19 is strictly observed. The operators, drivers and even the passengers have the obligation to ensure that they are protected against those who would defy the rules,” ani PLt. Gen. Eleazar.

“On the part of the JTF COVID Shield, we will make sure that those who do not observe the rules would be accosted and punished to send a strong message that we are serious in our mandate ofprotecting the Filipinos from the coronavirus infection,” dagdag ng opisyal.

Ito ay bilang suporta rin aniya sa kautusan ni PNP Chief, General Cascolan na paigtingin ang marshalling sa public transport.

Kasabay nito, inatasan din ni Eleazar ang PNP Highway Patrol Group sa ilalim ni Police Brigadier General Eliseo Cruz na magsagawa ng random checking sa mga pampublikong sasakyan.

Nauna nang hinikayat ni Eleazar ang mga transport group na bantayan ang kanilang hanay laban sa mga paglabag sa quarantine rules.

“All violators must be accosted and punished accordingly. We have been constantly reminding our kababayan about the quarantine rules for more than five months now, these self-protection measures should already be part of their daily routine and therefore, there should be no more excuses,” babala pa ni PLt. Gen. Eleazar.

Nabatid na umabot na sa mahigit 365,000 quarantine violators ang nahuli sa bansa simula noong March 17.