PLANO ng pamahalaan na simulan ang pediatric vaccination sa fourth quarter ngayong taon.
Sinabi ni Assistant Secretary Wilben Mayor, pinuno ng National Task Force Against COVID-19 (NTF) sub-task force on current operations, na inirekomenda na ng NTF sa National Immunization Technical Advisory Group (NITAG) ang pagpapalawig ng vaccination program sa mga kabataan sa huling quarter ng 2021.
“On the projection, the government, through the vaccine cluster, has already been eyeing for the inoculation of our children especially from ages 12 to 17,” ayon kay Mayor, tumayong kinatawan ni vaccine czar at NTF head Secretary Carlito Galvez Jr., sa isinagawang Senate Committee on Basic Education, Arts and Culture hearing noong Miyerkoles.
Ang pagbabakuna sa panukalang age group, ani Mayor ay “highly dependent” sa magiging desisyon ng vaccine expert panel ng pamahalaan at maging ng availability ng COVID-19 vaccines sa global market.
“Nevertheless, there is already an action on the part of the vaccine cluster to ensure a steady supply of vaccines for September this year,” aniya.
Nauna rito, inirekomenda ng World Health Organization (WHO) ang pagbabakuna sa mga menor de edad na nakatira sa mga lugar na mayroong “high risks of community transmission”.
Binigyang diin ng WHO ang pangangailangan na iprayoridad ang vulnerable sectors gaya ng senior citizens at persons with comorbidities sa COVID-19 vaccination program. (CHRISTIAN DALE)
196 
