WALA sa plano ng Philippine women’s football team na bumitaw sa liderato ngayong gabi kontra Malaysia sa ginaganap na 15th Asean Football Federation Women’s Championship sa Rizal Memorial Stadium.
Huling hinagupit ng World Cup bound Filipinas ang Singapore, Miyerkoles sa dominanteng 7-0 panalo para agawin ang liderato sa Group A ng torneo.
Giniyahan ni Team captain Tahnai Lauren Aniss ang Pinay booters sa ikalawang sunod na panalo, matapos ma-upset ang no.12 world ranked Australia (1-0) noong Lunes.
Umiskor si Aniss sa ika-10 minuto mula sa goal ng Singaporean na si Beatrice Tan bago ang mahaba at palobong header sa ika-19 para sa naturang panalo.
Nagawa pa ni Aniss ma-set-up sa cross pass si Sarina Bolden, umiskor ng game-winner laban sa Australia, sa isa pang header sa ika-38 minuto at nasundan ng isa pa ni Kaya Hawkinson sa ika-11 minuto sa laro.
Nauna rito, binuksan ng teenager na si Isabella Flanigan ang scoring floodgates para sa Filipinas sa ika-8 minuto matapos lampasan ang dalawang Singaporean defenders.
Nag-ambag din ng puntos si Sara Eggsevik sa ika-56 minuto at si Anicka Castañeda na mula sa bench ay umiskor sa second half sa ika-69 minuto.
![](https://saksingayon.com/wp-content/plugins/dp-post-views/images/eyes.png)