May mga nakiliti, ang iba naman, naintriga nang gamitin ni Coach Yeng Guiao ang core ng San Miguel Beer sa kanilang Jordan scrimmage.
Lamang ang Jordan, 25-13 sa first quarter nang gamitin ni Guiao sina Beermen Alex Cabagnot, Arwind Santos, Lassiter at Standhardinger kasama si Beau Belga na nagsimula ng 10-0 run upang makadikit sa Jordanian team.
Tiniyak naman ni Guiao na hindi nito tinitignan kung anong PBA ballclub naglalaro ang bawat player na kaniyang tinapik sa nasabing laro.
I was not even thinking of them as San Miguel, or Talk ‘N Text or Rain or Shine, everything is random. I did not do that on purpose. I was just trying combinations and was experimenting on some combinations. Hindi ko na na-notice na apat o limang San Miguel guys ang nasa loob,” giit ni Guiao.
Sa kanilang susunod na tune-up match sinabi naman ni Guiao na posible niyang gamitin ang core ng Ginebra na sina LA Tenorio, Scottie Thompson, Japeth Aguilar at Greg Slaughter na hindi naglaro sa unang tune-up ng training pool.
“Si Stanley Pringle also just arrived late, he’s been with the team for just one session so I think that’s not enough para makapagpakita sila in today’s game, ani Guiao “They’ll practice again with us tomorrow and then they have a shoot around Wednesday morning so at least nakapag-ensayo sila ng dalawa tatlong beses so baka pwede na sila gamitin.”
Naghahanda ang Philippine team para sa back-to-back home games ng FIBA world qualifier kung saan makakaharap nito ang Kazakhstan sa November 30 at Iran sa December 3. (FEL DE LEON)
136
