NAKUMPISKA SA VOTE BUYING UMABOT NG P12-M

votebuying14

(NI JG TUMBADO)

UMABOT sa mahigit P12 milyon halaga na gagamitin sana sa vote buying ang nakumpiska ng Philippine National Police (PNP) sa kanilang operasyon sa iba’t ibang panig ng bansa nitong panahon ng eleksyon.

Ito ay batay na rin sa ulat na ipinalabas ng National Election Monitoring Action Center o NEMAC sa kampo Crame.
Umabot sa mahigit na 200 ang operasyon kung saan nakadampot sila ng 356 na indibidwal at walong menor de edad.

Ang top 5 na mga rehiyon ay ang Region 13 o Caraga kung saan umabot sa halos P8 milyon ang nakumpiska.

Sinundan ito ng region 10 na umabot naman sa mahigit na P1.1 milyon, NCRPO na umabot sa P500,000, Region 5 na P449 milyon at Region 4A na mahigit sa P400,000. Patuloy pa rin ang isinasagawang validation ng PNP sa isinagawang  operasyon.

Inihahanda na rin ng PNP ang kaukulang kaso na isasampa laban sa mga naaresto na sangkot sa vote buying.

Please follow and like us:
Read More

MILITANTE NALAGASAN

militants12

(NI BERNARD TAGUINOD)

NALAGASAN ang grupo ng militanteng grupo sa Mababang Kapulungan ng Kongreso matapos malaglag ang isa nilang grupo sa katatapos na party-list election.

Habang isinusulat ang balitang ito ay wala sa top-50 party-list organizations na posibleng magkaroon ng kinatawan sa 18th Congress, ang Anakpawis party-list group.

Tanging ang Bayan Muna, ACT Teachers, Kabataan at Gabriela ang inaasahang magkakaroon ng representante sa 18th Congress dahil pumasok ang mga ito sa “winning circle”.

Inaasahan din na bababa ang bilang ng mga kakatawan sa Makabayan bloc dahil maliban sa Bayan Muna ay inaasahang magkakaroon ng tig-isang kinatawan ang Gabriela, ACT Teachers at Kabataan matapos mabigo ang Anakpawis.

Sa ngayon ay mayroong 7 kinatawan ang Makabayan bloc dahil tig-dalalawa ang nakuhang upuan ng ACT at Gabriela, habang tig-isa naman sa Kabataan, Anakpawis at Bayan Muna.

Sakaling dalawang upuan lang ang makukuha ng pumapangalawa na Bayan Muna matapos makakuha ng mahigit isang milyong boto, magkakaroon lang ito ng 2 upuan at tig-isa sa Kabataan, Gabriela at ACT Teachers kaya magiging 5 na lamang ang mga ito.

Ang Anakpawis ay nagsimulang magkaroon ng kinatawan sa Kongreso noong 2004 sa katauhan ni dating Rep. Crispin Beltran at ngayon lang ito natalo sa nasabing halalan.

Isinisi naman ni Rep. Ariel Casilao sa pakikiaalam umano ng military at pulisya sa katatapos na eleksyon ang dahilan kung bakit nanganganib na hindi magkaroon ang mga ito ng kinatawan sa 18th Congress.

“This 2019 elections has made a milestone in election intervention by the police and military. Under past regimes, they were covert, and then denied when exposed, but at present, they are boldly spearheading the open violation of the law, under a rule of impunity, pushing the envelope towards authoritarianism. The people must protest this threat to civilian democracy, and oppose the looming dictatorship,” ani Casilao.

Please follow and like us:
Read More

KANDIDATO PINAGSUSUMITE NG SOCE SA COMELEC

comelec james12

(NI HARVEY PEREZ)

PINAALALAHANAN nitong Miyerkoles ng  Commission on  Elections (Comelec) ang lahat ng kumandidato sa national at local elections, kaugnay sa  pagsusumite ng kanilang Statement of Contributions and Expenditures (SOCE).

Sinabi ni Comelec spokesperson James Jimenez, hindi lamang ang mga nanalo ang dapat magsumite ng SOCE kundi maging ang mga natalong kandidato.

Base sa  resolusyon ng Comelec, dapat na maisumite ang SOCE sa kanilang tanggapan hanggang sa Hunyo 12, o 30-araw matapos ang halalan.

Sa  SOCE ay dapat na idetalye ng mga kandidato ang tinanggap nilang mga donasyon at kontribusyon, gayundin ang mga ginastos nila sa pangangampanya para sa eleksyon.

Nilinaw ni Jimenez na ang mga nanalong kandidato na mabibigong magsumite ng SOCE ay hindi papayagang makaupo sa puwesto, at papatawan pa ng kaukulang multa.

Hindi umano magbibigay ng  extension ang Comelec para sa pagsusumite ng SOCE.

Please follow and like us:
Read More

‘ALEGASYON NA ‘MASSIVE CHEATING’ ASAHAN SA TALUNAN’

bayan muna12

(NI BETH JULIAN)

ASAHAN  na.

Ito ang tugon ng Malacanang sa alegasyon nina Bayan Secretary-General Renato Reyes at Neri

Colmenares na may nangyaring massive cheating o talamak na dayaan sa katatapos lamang na 2019 national elections.

Ayon kay Presidential spokesperson Salvador Panelo, pagkatapos ang pagkatalo ng ilang anti-Duterte candidates nitong nagdaang halalan gaya nina Reyes at Colmenares na agad na kinuwestyon ng mga ito ang Duterte magic na nagpabagsak sa maraming left-leaning party-list groups at  kanilang mga kandidato sa pagka-senador.

Iginiit ni Panelo na ang pagkatalo ng mga ito ay nagpapakita ng indikasyon na hindi na pinaniniwalaan ng taumbayan ang kanilang mga adbokasiya laban sa war on drugs, extra-judicial killings, South China Sea, one-man rule, at iba pa na pilit na ipinapasok sa isipan ng taunbayan.Filipino.

Bunsod nito, sinabi ni Panelo na dapat nang magsilbing wake-up call ang pagtanggi na ng mga Filipino sa mga ipinaglalaban ng mga ito para sa kanilang mga pagkilos at aksyon.

“Unfortunately, Mr. Reyes, instead of throwing in the towel and yield to the resounding voice of the electorate, opts to throw his false and malicious narratives at the Duterte administration. Lahat naman ng mga sinabi niya ay wala man lang kaakibat na ebidensiya at salat sa katotohanan,” wika pa ni Panelo.

“Isa pa, half ng komisyoner ng Commission on Elections ay appointees ni dating president Noynoy Aquino. In fact, supporters of the administration candidates remain vigilant to protect their votes from being altered. Kailaman ay hindi makikiaalam ang Pangulong Duterte sa eleksyon,” dagdag pa ng kalihim.

Pahayag pa ni Panelo na ang tinutukoy na “Duterte Magic”, ay nangangahulugan ng total package ng ‘sterling performance at good governance’ na ibinigay ni Pangulong Duterte sa mga Filipino.

Dito, ayon kay Panelo, umaasa ang Malacanang na mapagkumbabang tatanggapin ni Reyes ang kanyang pagkatalo.

Itinuturing ding maling strategy ng mga ito ang pag-atake sa mga non-candidate President na nananatiling  popular sa mga tao at nakapagtala ng 81% public satisfaction rating pabor sa administrasyon sa kasagsagan ng kampanya.

“It triggered a backlash against the opposition candidates. They should have presented an alternative platform of governance and discussed how their brand of politics would be much better than the kind that the administration candidates would provid,” wika pa ng tagapagsalita.

“The sovereign voice has spoken. We urge the opposition, the critics and the detractors to bow to the majesty of the rule of the majority, lest we are swept away by the rampaging tidal waves of change,” panawagan ni Panelo sa mga oposisyon.

 

Please follow and like us:
Read More

POWER INTERRUPTION SA BOTOHAN AALAMIN NG DoE

doe

(NI ROSE PULGAR)

NATUPAD ng Department of Energy (DoE) ang pangako na walang magaganap na brownout sa araw ng halalan 2019.

Sa ginanap na Post Election Assessment ng DOE, sinabi ni Energy Undersecretary Wimpy Fuentebella na naging sapat ang suplay ng kuryente noong Lunes (Mayo 13) araw ng botohan.

Sinabi ni Fuentebella, nasa normal status noong araw ng eleksyon na ibig sabihin, ang capacity o ang available na megawatts ay sobra-sobra para sa demand o reserve.

Aniya, kuntento sila sa performance ng energy family, pero sisiyasatin umano nila ang rason ng ilang power interruptions noong kasagsagan ng botohan.

Samantala, pahayag naman ng National Grid Corporation of the Philippines (NGCP), ang operation ng kanilang transmission facilities ay generally normal, maliban lamang sa nag-iisang outage ng kanilang transformer dahil sa technical equipment issues.

Ito ang 20 MVA transformer sa Daangbantayan sa Cebu, kaya nawalan ng kuryente, ilang oras matapos ang botohan ng alas-7:44 ng gabi.

Noong Mayo 14 ay inilagay ng NGCP sa yellow alert ang Luzon grid dahil sa ilang planta na nagkaaberya.

Pero ipinaliwanag ni Fuentebella na ang ibig sabihin ng yellow alert ay mayroon kuryente, ngunit manipis lamang ang reserba dahil sa mataas na demand.

 

 

 

Please follow and like us:
Read More

MANUAL AUDIT TATAPUSIN SA LOOB NG 15-ARAW

comelec vote12

(NI HARVEY PEREZ)

TATAPUSIN ng 12 hanggang 15 araw ang official na Random Manual Audit (RMA) sa naganap na national and local elections nitong Lunes.

Ayon kay Commission on Elections (Comelec) Commissiomer Luie Guia, ang mga teachers ang mag-audit ng mga ballot boxes sa may 715 polling places sa bansa.

Magsisimula ang RMA, alas 8:00 ng umaga at magtatapos alas 8:00 ng gabi at gagawin sa Diamond Hotel sa Maynila.

“Ang tinitingnan lang talaga is kung tama yung pagbibilang ng boto nung makina ayan yung first objective ng RMA– para malaman natin kung may systemic error ba doon sa pagbibilang ng mga boto natin,”ayon kay Guia.

Maaari umamong gamiting ebidensiya sa anumang election protest ang resulta ng RMA.

Magsisilbi umanong supervisor ang Comelec ng mga auditors at ang mga teachers ang magsasagawa ng RMA kung saan kinabibilangan ito ng 60 teams.

 

Please follow and like us:
Read More

10-K GURO 60-ORAS NANG NAGTATRABAHO SA BOTOHAN 

teachers12

(NI BERNARD TAGUINOD/PHOTO BY ED CASTRO))

OVERTIME na sa kanilang tungkulin bilang Board of Election Inspectors (BEIs) ang may 10,000 public school teachers dahil sa mga technical error at mga problemadong SD o secure digital cards.

Ito ang inireklamo ng ACT Teachers party-list group dahil umaabot sa 60-oras na nagtatrabaho umano ang mga BEIs simula noong Lunes, Mayo 13, dahil sa mga nabanggit na aberya.

Sinabi ng grupo na sa kabuuan, umaabot sa 3, 253 Vote-Counting Machines (VCMs) ang hindi nakapag-transmit pasado alas-12:00 ng tanghali noong Miyerkoles kaya umaabot sa 60 oras na nagtatrabaho ang mga BEI.

“This is unacceptable! While Comelec  is already declaring a ‘generally successful elections’, thousands of teacher-poll workers have not left their assigned precincts since as early as 2am on May 13,” ani Raymond Basilio, Secretary General ng nasabing grupo.

Naidokumento ng grupo ang mga ito sa apat (4) na barangay sa Camarines Norte, partikular na sa Brgy. Ubang, San Roque, Villa Aurora at Tanauan, apat na barangay sa La Union (Brgy. Bani, Parasapas, Tanglad at  Gumot), isang presinto sa Poblacion, San Manuel Tarlac; Villa Aglipay sa San Jose Tarlac, Northern Samar, Davao City at 11 presinto sa  Guipos, Zamboanga del Sur at iba pa.

Bagama’t mayroon honoraria ang mga grupo na ito, hindi makatarungan umaabot sa 60-oras ang kanilang pagtatrabaho gayung dapat ay 24 oras lang nasa presinto ang mga ito.

Gayunpaman, dahil sa kapalpakan umano ng Comelec at ang makitang ginamit sa pagbilang mga boto ay naapektuhan ang mga guro na ito.

“We call on the concerned agencies to give justice to the immeasurable sacrifice of teacher-poll workers. At the minimum, they shall ensure that all those who rendered extended poll service due to Comelec’s  inefficiency be properly compensated and provided additional service credit. They have been denied their much-needed and deserved rest. Maawa naman kayo sa mga guro,”  ani Basilio.

 

Please follow and like us:
Read More

EX-DAR CHIEF LUMUSTAY NG P184-K; PINAGMULTA NG P6-K

sandigan12

(NI ABBY MENDOZA)

MATAPOS umamin sa kanyang pagkakamali, pinagmumulta ng P6,000 ng Sandiganbayan ang isang dating Regional director ng Department of Agrarian Reform(DAR) na una nang ginamit ang P184,904 public funds para sa kanyang personal na interes.

Guilty sa isang bilang ng paglabag sa Article 218 ng Revised Penal Code si dating DAR Region 13 chief Yusoph Mama.

Nag-ugat ang kaso sa liquidation report na isinumite ng Commission on Audit(COA) kung saan mula noong September 30, 2011 ay hindi pa nai-liquidate ni Mama ang natanggap nitong pondo kung saan siya ang may kontrol bilang Regional Director ng DAR sa Agusan del Norte.

Pumasok si Mama sa isang plea bargain na inaprubahan naman ng Sandiganbayan kung saan inamin ni Mama ang kanyang kasalanan at binayaran ang nasabing halaga.

“The accused and his counsel informed the Court that the accused fully understood the nature and consequences of his entering a plea of guilty to said crime. Having pleaded guilty to the lesser charge in the information, the accused is deemed to have admitted all the material facts alleged therein,”ayon sa Sandiganbayan.

Dahil hinatulang guilty sa kaso ay bukod sa multa ay hindi na rin papayagan si Mama na makapagtrabaho sa gobyerno.

Nabatid na una na ring nakasuhan si Mama ng malversation of public funds dahil naman sa illegal na paggamit ng pondo na kanyang natanggap sa pagitan ng Agosto 1997 hanggang Pebrero 1999.

 

Please follow and like us:
Read More

POLITICAL DYNASTY NASA KAMAY NG BOTANTE

panelo 200

(NI BETH JULIAN)

NASA kamay ng mga botante ang pagpapatuloy ng pagtigil na ng sistema ng political dynasty.

Ito ang paniniwala ng Malacanang sa gitna ng pagkagiba ng mga kilalang angkan ng mga politiko sa nagdaang eleksyon.

Sinabi ni Presidential Spokesperson Salvador Panelo, magkakaiba ang paniniwala ng mga Filipino sa political dynasty.

Aniya, iba ang dynamics sa local elections dahil ang mga residente o constituents ang mas nakaaalam kung ano at sinong opisyal ang makabubuti para sa kanila.

Ayon kay Panelo, kung maayos naman ang pamumuno ng angkan ng politiko sa kanilang termino ay walang balakid at tiyak na ibabalik sila sa puwesto ng taumbayan.

Pero kung hindi naman maganda ang performance o ipinakitang serbisyo ng isang angkan ng politiko ay aayawan sila mismo ng kanilang residente at tiyak na hindi na iboboto pa.

Kaugnay nito, ipinauubaya na rin ng Palasyo sa susunod na Kongreso kung magsusulong ito ng mga hakbang o panukalang batas laban sa political dynasty.

Please follow and like us:
Read More